Loci natales, magnitudo, & genera Astroitidis. Cap. CLXVI.
QVatuor sunt genera, vnum quod exactè formatas stellulas refert, alterum quod rosas, tertium quod vndarum aut vermium gyros & fluxus, vltimum quod confuse & obscurè maculas potius quàm praedictas figuras ostendit. Crescunt ad humani capitis magnitudinem hi lapides in comitatu Tyrolensi, & ad Cymmeriam arcem inueniuntur. Marsilius Ficinus ex capite draconis in India eximi existimat, eumque propterea Dracontium vocat, sed fallitur cum à se visus & descriptus lapis non alius quam iste fuerit, & ab impostoribus, qui ignotos lapides vt carè diuendant, falsis historiis celebrant deceptus fuerit.
Auteursrechtvrij