Gemmarum et lapidum historia

Genera. Cap. CXII.

GEnera videntur posse constitui quatuor, vt primo contineantur, quae plane absque aliis coloribus exactè foliorum maluae recentium colorem referunt. Secundo quae albas venas habent, ac maculis nigris inficiuntur. Tertio quibus ceruleus color distinctè intermixtus est, ac si ex lapide lazuli & molochite lapis constaret. Quarto quae ad colorem Turcoidis accedunt: quas ceteris praestantiores existimo. ⁺Tanta magnitudine excrescit, vt exigua pocula aut cultrorum manubria inde fieri possint. Palma manus maiorem nunquam vidi.

+ Magnitudo.