Gemmarum et lapidum historia

Dignitas & valor smaragdi. Cap. LIIII.

SMaragdi selectissimi semper in magna fuerunt dignitate, existimatione & precio, adeo vt olim illis aliquid insculpere vetitum fuerit. Fabulosum etiam quippiam quo maiorem haberent authoritatem, traditum ab antiquis fuit. Nempe schiticos hoc est praeclarissimos in metallis aureis nasci, vnde non sine magno discrimine ac negocio possint conquiri: Gryphis alitibus ferocissimis in iis midificantibus, illosque ab Arimaspis populis monoculis, qui armati eo auri & smaragdorum cupidi accedunt, tentantibus. A quinquaginta annis quo Peruuiani ad nos allati sunt, Orientales viliores facti sunt. ⁺Narrat Aloisius Mundella Brixiensis medicus à Francisco Maria Vrbinatium principe duorum ceratiorum pondere Orientalem smaragdum 113. aureis emptum fuisse ingens sane precium quodque adamantis eiusdem ponderis dimidiatum aequat. Orientales perfectissimos omnibusque modis absolutissimos, iustè aestimari quarta parte adamantis eiusdem ponderis puto. Si itaque 10. ceratia pendentis Smaragdi precium ignoretur, in Adamantis tabula precium 10. ceratiorum quaeratur, cuius quarta pars ostendit precium. Statuitur ibi precium 8590. cuius quadrans est 2147 precium smaragdi quaesiti, nec hic alia regula opus est. Linshotanus, qui iter orientalis Indiae describit, longe maioris aestimat quam Adamantem. Nam orientalem smaragdum qui associari vnius ceratii adamante potest, 80. ducatis aestimat, cum tamen adamantem tantum 70.

+ Precium orientalis.

[p. 102]

aestimet. Meo tamen iudicio nimis magno aestimat. Quarta pars precii adamantis dum illi magnitudine par est, mihi hoc tempore quo tanta copia smaragdorum occidentalium habetur non solum sufficere, sed excedere videtur. praesertim cum gemmarii complures, praeferant Peruuianos Orientalibus, quia gratiorem viriditatem habent. Iustius itaque duplum precii smatagdi occidentalis tantum habeat.