Gemmarum et lapidum historia

De Rubino Spinello. Cap. XXI.

MAgis hoc genus rubet quam Balassiorum. Attamen non habet spinellus splendorem legittimi rubini, fortassis femina Plinio est. ⁺In iisdem locis inuenitur vbi alii rubini: Minores etiam vires habet, quam rubinus ac facile adulteratur.

⁺Spinellorum aliquot sunt genera, aliqui enim tam perfecti sunt vt rubinis comparentur. Aliud genus de rocca veteri est, quorum aliqui colorem rubassorum habent, aliqui vergunt ad Hyacinthi colorem, neque adhuc statutum est an spinelli sint. Gemmariii periti pro spinellis non habent; sed pro rubacis aut rubicellis vel etiam hyacinthis, sed etiam praestantes sunt, vt spinellis comparentur. Volunt n. illos ita laudare vt pro spinellis vendere possint. Expoliunt etiam eo modo quo spinellos, licet colore hyacinthi vel rubicelli sint. Cum spinellus de rupe veteri prae manibus est, qui adamanti vnius Ceratii sociari potest, & in tabulam redactus est, valet dimidium precii adamantis, si perfectus sit. Nam si vitium habeat proceditur, vt in regula de adamantibus docui.

+ Locus natalis.

+ Genera.