Den Gheestelycken leeuwercker vol godtvruchtighe liedekens ende leyssenen

(1645)–Guilielmus Bolognino– rechtenstatus


Vande bevruchte Moeder Godts.
Op de vvise: Het viel een hemelsch dauwe. GOdts Gheest is comen dalen Op een teer, suyver maeght, Haer met sijn cracht omstralen, Hem die soo had behaeght, Van hem sy doen ghebleven Is van 'nen soon bevrucht, Die ons comt schencken 'tleven, Met alle Godts ghenucht. 'Nen soon, die is ghesproten Uyt Godt voor alle tijdt, Waer uyt 't al is ghevloten, Die 't al ghebenedijt, Dit kindt groot onghemeten, En als een bieken kleyn,
[pagina 15]
In 's Vaders throon gheseten, Lagh in een Moeder reyn. Dit bleef niet langh verborghen Aen Joseph,die soo seer Begost terstont te sorghen Voor hunner beydens eer. Hy docht haer te verlaten, Maer niet in 't openbaer, Want eerbaer boven maten Te seer hy kende haer. Maer siet daer is ghecomen 'Nen Enghel van den Heer, Die haest heeft wegh ghenomen Die vreese voor hun eer: Die komen is vertellen Wie dat haer had bevrucht, Dat sy niet wilde mellen, Al sagh sy sijn gheducht. Sy had dat Godt bevolen, Gherust, en sonder vaer, Die 't ghen' dat is verholen In tijdts maeckt openbaer, Die Joseph heeft doen weten, Dat in haer sloet de Maeght Een kindt, Godt onghemeten, Dat aerd' en hemel draeght.