It libben sels

(1997)–Piter Boersma– rechtenstatus

Ik ha trije jier mei Dette troud west. Hjoed hat se har guod ophelle. Trije dagen letter as dat soe. De man dêr't se it no mei hâldt hie se by har.

Ik ha harren beide deamakke.

En Dette my.

Ik ha harren oaninoarknope, in prop yn 'e mûle treaun en yn it wetter smiten.

‘Hoe hast my deamakke?’ sei ik tsjin Dette.

‘Hoe wist dat ik dat dien ha?’ sei se.

‘Dat sjoch ik oan dyn eagen. Mar hoe hast it dien?’

‘Ik ha dy mei de kop tsjin 'e muorre slein.’

‘Ja, de kop sûzet my.’

‘Nee, stommeling,’ sei se, ‘hy is oan smots.’

It gesicht fan Dette har nije freon beluts.

‘It iene seit it oare net,’ sei ik tsjin him, ‘de takomst is in geheim.’

‘Dines net,’ sei Dette, ‘dines is in jong fanke.’

‘Do seist it,’ sei ik.

‘Ja,’ sei se, ‘dat ha wy tsjininoar sein.’

‘Wy?’

‘Dyn eardere froulju en ik. Komst op dy leeftiid, seine wy tsjininoar.’

‘It is banaal,’ sei ik.

‘En wier,’ sei se, ‘Anke hat dy mei dat fanke fan 'e foto op it terras sitten sjoen.’

‘Ik ha Anke de lêste tiid net sjoen.’

‘Nee, wat tochst, dy hat har gau fansiden hâlden doe't se jim seach.’

‘Hâld dochs op.’

‘Hast alles?’ sei Dette har nije freon, in man fan myn jierren.

‘Ja.’

‘Sille wy dan?’ sei er.

‘No, dat wie it dan,’ sei Dette.

De kop sûze my.

‘Hoechst net sa ûnnoazel te sjen,’ sei Dette, ‘ik gun dy alles wol. Ik bin der oerhinne. It bêste.’

Doe't se fuortriden rûn ik nei myn finsterbank ta.

Ik skôp in stien yn it sleatsje. It wie myn holle.

ynhâld

it finsterbank	5
myn fyfde frou	6
myn earste houlik en wêr't ik doe wenne	7
wêr't ik wenne yn myn twadde, tredde en fjirde houlik	8
ûnder de keukenstafel	10
nammen	11
bern	12
Ike	14
foar waar en wyn	15
de bergen yn	16
hea	17
ik wol noait dea	18
as hea om 'e skûte	19
wat it westen noch mear te bieden hat	21
net sliepe wolle	22
seisresom	23
drompel	25
Durk	27
ferlegen	28
Dette harket	29
Patat	30
de sucht nei lûden	32
foar de grap	34
winter	35
selsmoardners	36
fulkaan	38
Alfa Romeo	39
wat Dette noch mear seit	40

frijpartij	41
in rôljende stien	43
myn skou	44
blommen	46
merke	47
it moaiste berchlanskip dat ik oait sjoen ha	49
mear deaden	51
in sjonger ût it fiere westen	52
it kweakjen fan einen yn 'e doarpsfeart	53
unrêst en ûnbefredigdheid	54
de krêft fan 'e fantasy	55
Suertsje	57
seks	58
doarpen en steden, flats, rychjeshuzen, frijsteande huzen en pleatsen	60
yn 'e hoeke fan 'e keamer	62
ik bin al lang dea	63
it libben	64
boskrâne	66
boskdream	67
ik sjoch nei myn fyfde frou	69
mear dingen út myn bernetiid	70
Drop	71
pantys	72
dronken	74
oerdwealsk	76
alle dagen knibbelje	77
it paradys	78
boartersguod	79
ik moat wach wêze	80
hoe faak bist sels al deamakke?	81