Van Gherberghen gravinne van Brusele, ende van Lambrechte haren
man.
Dat eerste Capittel.
Karle, die dus onghevallechlike
20[regelnummer]
Verloes die crone van Vrancrike,
Als ic u hier vore sette,
Hadde ene dochter, van wisen sinne,
Gheerberch hiet si, ende was
gravinne
25[regelnummer]
Van Brusele, dat si met huwelics rechte
Behuwet hadde an
Lambrechte,
Die men hiet Lambrecht den ouden
(Van desen es oer ghehouden).
Dese Lambrecht hilt in sijnre tijt
30[regelnummer]
Grote orloghe ende groten strijt:
Van Ludicke bisscop Walrike,
Tote Hoegarden, in enen stride
Bi Tienen, daer, tier tiden,
35[regelnummer]
Menich vrome man bleef doot:
Dat mense te Ludeke al sal graven,
Ende maecte, met groter haven,
Daer, in sinte Jacobs ere,
40[regelnummer]
Een abdie, daer oec die here
Hem selven te gravene gheboet,
Soe welken tijt hi ware doot.
Oec hilt hi orloghe metten sweerde
Opten Ardenoeschen Godeverde,
45[regelnummer]
Dien de keiser Lothrike gaf,
Alse ic hier vore seide daer af;
Want hem dochte dat sijn wijf
Recht oer was, sonder blijf,
Ende hare Lothrike soude toe behoren.
50[regelnummer]
Hier bi soe hadde hijs toren,
Ende woude
Godevaerde daer uut weren.
Dus quamen si met haren heren
Met overmoede ende met prighe,
55[regelnummer]
Daert menich wel dede metten swaerde.
Daer bleef Lambrecht metten baerde
Opten velde versleghen doot,
Daer Brabant om dreef rouwe groot.
Dus wart Karels gheslachte ghevelt,
60[regelnummer]
Dat niet dan Brusele behelt,
Ende bleef versteken uut Vrancrike,
Ende uten lande van Lothrike.
Ende alse weder keren soude Godevert
Quam, achter in sinen stert,
65[regelnummer]
Reinier, grave van
Henegouwen,
Ende heeft Godevaerde af ghehouwen
Een groot deel sijnre liede.
Dese Reinier, dien dit ghesciede,
Was broeders sone van Lambrechte,
70[regelnummer]
Die daer bleef in dien ghevechte;
Ende Godevaert bleef, vort an mere,
Van Lothrike gheweldich here.
Daer dese Lambrecht doot bleef doe
Ghesciede wonder, ic segghe u hoe:
75[regelnummer]
Hi hadde hemme, an die vaert,
Met heilichdomme wel bewaert;
Want het was doen een sede
Dat men heilichdom voerde mede,
Dat hem hinc an den hals;
80[regelnummer]
Want si gheloefden, als ende als,
Dat hem dan niet en mochte messcien,
Soe coene waren si van dien:
Ende alse Lambrecht sterven soude,
Alse God onse Here woude,
85[regelnummer]
Vloech hem theilichdom van den halse,
Met enen sterken vloghe, alse
Ofte ment werpe met ghewelt:
Op enen hovel vielt daer opt velt.
Dat hadde een riddere doen versien,
90[regelnummer]
Die staect in sine couse mettien,
Ende sijn been doen groot swal,
Ende die riddere, als men hem beval,
Dat heilichdom saen weder gaf;
Ende dat gheswel ghinc hem af.
|
|
Auteursrechtvrij