Vanden V staten daer Brabant in heeft geweest.
Dese boec es ghedeelt in viven;
Want ic wilder in bescriven
65[regelnummer]
Die V state, alsmen Ieest,
Daer Brabant in heeft gheweest;
Ende hoe dat van sessen tsessen die staet
Verwandelt, ende op ende neder gaet.
Deerste sesse waren hertoghen,
70[regelnummer]
Machtich, ende seer vermoghen,
Vrome, ende daer toe rike,
Ende som raet van Vrancrike,
Machtegher vele, te waren,
Dan die coninghen selve waren.
75[regelnummer]
Dander sesse, in waerre dinghe,
Waren van Vrancrijcke coninghe,
Menich jaer in groter eeren,
Ende waren der heren heren,
Ende keisere som van Rome.
80[regelnummer]
Die derde sesse, als ict gome,
Waren graven, ter waerheide,
Van Lovene en van Bruesele mede,
Ende moesten bi verradenissen
Der vrancscher cronen missen.
85[regelnummer]
Die vierde sesse, na dese graven,
Worden te hertoghen verhaven
Over Lotrike ende Brabant,
Daer si noch over sijn bekant.
Nae dese sesse, verstaet mi dan,
90[regelnummer]
Quam
die eerste hertoghe Jan,
Die oec meerde name ende lant;
Want hi wan, metter hant,
Dlant van Limborch, dats waer;
Soe dat si saten openbaer
95[regelnummer]
Drievoudighe hertoghen, waerlike,
Van Brabant, Limborch ende Lothrike.
Aldus hebben, in waerre lessen,
Die hertoghen, van sessen tsessen,
Altoes ghemeert oft worden min.
100[regelnummer]
Dese yerste boec houdet, in
Twintich Capittele ende vive,
Hoe deerste ses, vrome van live,
Op waert clommen, immer scone,
Tot in die vrancsche crone.
|
|
Auteursrechtvrij