Sommighe Daghelicsche Ghebeden
(1595)–Pieter de Bisschop–
Auteursrechtvrij
[Folio A5r]
| |
Een Refereyn dat alle Creatueren God haren Schepper zouden Loven ende prijsen.Loeft den Heere myn ziele zonder versaden,Ga naar margenoot1
End’ al wat in my is synen heyligen Name reyn,
Loeft hem myn ziele zonder te vergeten de weldaden,
Noch tgoet dat hy my ghedaen heeft wt ghenaden,
Loeft hem die Hemel, Aerde end’ Zee int ghemeyn,
Met al datter in is geschapen heeft door twoort alleyn
Loeft hem die den Mensche over alle syn wercken,
Een Heere ghestelt heeft beneden int Aertsche pleyn,
Loeft hem die noch dagelijcx zoomen mach mercken
Alles onderhout end’ bewaert onder syn vlercken.
Loeft hem die den Mensche ghevallen in zonden
Met syne belofte heeft kommen verstercken.
Loeft syne voorsichticheyt doch alle monden
In syne wijse regieringhe niet om doorgronden,
Loeft hem om syns grooten Naems wille warachtich
Die heerlijc te prijsen is nu end’ t’allen stonden:
Loeft hem al de eeuwich is ende almachtich.
Loeft hem die ons voor tswerelts gront heeft verkoren.Ga naar margenoot2
In synen Sone Jesu Christo wt liefden groot.
Loeft hem die ons heeft (doe wy waren verloren,) Ga naar margenoot3
Ghevonden end’ weder-ghebracht, stillende syns Vaders toren,
Loeft hem die voor ons syn eygen Sone ter noot Ga naar margenoot4
Niet ghespaert heeft, maer overghegeven ter doot.
Loeft hem die ghehoorsaem geweest is synen Vader
Totter doot des Cruycen voor onse sonden snoot.
Loeft hem die is de rechte Fonteyne end’ ader
Aller barmherticheyt onsen zonden ontlader.
Loeft den Trooster die ons maect onbevreest,
Betuygende dat wy Gods kinderen zijn allegader
Loeft den Vader, den Sone, den heylighen Gheest,
Drij onderscheyden personen in een Godlijc wesen eest Ga naar margenoot5
Loeft een Godlijc wesen in drij persoonen krachtich
In welc niet en is lest noch eest, minst noch meest.
Loeft hem al die eeuwich is ende almachtich.
| |
[Folio A5v]
| |
Ga naar margenoot6Loeft den God der Goden zeer hooge verheven,
Den Coninc der Coningen, den HEERE der Heeren
Loeft hem door wiens kracht den eertbodem moet beven
Als hy straffen wil die hun tot boosheyt begheven.
Loeft hem wiens ghenade niet en is om vermeeren,
Over den ghenen die hen tot hem bekeeren.
Loeft end’ prijst syn goetheyt ghy syn trouwe dienaren
End’ wilt overal van syn barmherticheyt leeren.
Loeft den Heere die alle gheloovighe scharen
In syn eeuwich Rijcke heeft willen vergaren.
Loeft hem die alleene goet, wijs, heylich is end’ volmaect
Ga naar margenoot7Die ons synen wille heeft laten openbaren.
Loeft hem die ons verlost heeft, als wy waren geraect
In Sathans ghewelt van deuchden heel bloot end naect,
Loeft hem die gheweest is onser gedachtich
Als wy den duyvel gelooft hadden, ende hem versaect.
Loeft hem al die euwich is ende almachtich.
| |
Prince.Loeft den Heere alle heydenen met ootmoet,
Ga naar margenoot8Loeft hem ghy Hemels met alle heyrkrachten,
Loeft hem ghy Enghelen, die alle syn bevel doet.
Loeft hem ghy Koningen, Vorsten end’ Richters vroet.
Loeft hem Jonghers, Maeghden, oudt, jonc sterc van machten.
Loeft hem alle Volcken: Loeft hem alle gheslachten.
Loeft hem Sonne, Mane, end’ alle Sterren fris.
Loeft hem Zee, waterstroomen, fonteynen end’ grachten
Loeft hem Walvisschen, end’ al wat int water is.
Loeft hem Winter: Somer, Dach, Nacht, Licht end. Duysternis.
Loeft hem Reghen, Dau, Wint, Vorst, Rijm, Sneeu end’ ijs kout.
Ga naar margenoot9Loeft hem Vyer, Hitte, Blixem, Wolcken, Nevel en Mis.
Loeft hem Aerde, Storm, Haghel, Boomen, Berghen end’ Wout.
Ga naar margenoot10Loeft hem Voghelen, Vee, end’ wilde Dieren stout.
Loeft hem alle wercken syner handen eendrachtich,
Loeft hem doch alle wat adem heeft zeer menichfout.
Ga naar margenoot11:Loeft hem al die Eeuwich is ende Almachtich.
|
|