Sommighe Daghelicsche Ghebeden

Ghebedt na Eten:

op de vvijse des xxiij Psalm.

VVY dancken dij Vader aller ghenaden,
Van alle de rijckelijcke weldaden,
Die wy hebben van uwer hant verkreghen,
Als wy ooc doen, dat ghy door uwen zeghen
Ons hebt ghespijst door v goetheyt alleene,
Waer voor dat wy v dancken al ghemeene.

In zonderheyt dancken wy v al-voren

Dat ghy ons hebt vrijwillich nieu herboren
In hope van een beter leven stadich,
Twelc ghy ons hebt gheopenbaert ghenadich
Door dijn heylich Evangelium krachtich,
Waer af dat wy v loven al eendrachtich.

V biddende o HEERE vol van weerden,

Laet doch niet toe, dat ons hert hier op eerden,
Ghewortelt zij, in dinghen die beweghen:
Maer meer dat wy altijt vast zijn gheneghen
Hoogher te zien, verwachtende te samen
Onsen Verlosser Jesum Christum, AMEN.