Tweede boeck vol schoone ende constighe refereynen
(2007)–Anna Bijns–
Auteursrechtelijk beschermdTeghen een Luters Refereyn / vol venijns
Es dnavolghende ghemaeckt duer vrients begeeren
Daer den stock af was / tdocht selcken wat fijns
En onder tschijn van duechden sy de schapen scheeren.
| |
Refereyn.TFy Serpenten gespuys Vipers gebroetsel //quaet
Die u moeder de heylige kercke duercnaechtGa naar margenoot+
Slanghen venijn dat es u voetsele // jaet
Want gheestelijc / en weerlijck ghy belaecht
Dat u ketterije gheen jonste en draecht
Vleesch eeters / bloetsupers / van muncken en papen
Want u haerlien leven niet en behaecht
Om dat ghy sijt vanden schorften schapen
Liefhebbers uus selfs die uut sijt om rapenGa naar margenoot+
| |
[pagina 115]
| |
Die vanden gheest clapt en sijter heel sondere
Malchus gheslachte / die Jesabel verknapen
Om gods propheten te bringhen tondere
Ghy noempt u Christen bruers en bedrijft wondere
Teghen Christum als boden van Antechriste
En onder tschijn van duechden soect ghy der lien kiste
Tfy roemers die op Christus verdiensten moet // dragen
En in sonden naer u wellusticheyt wilt leven
Siel vermoorders die naer muncken bloet // jagen
Verjonnende hen tgoedt dat hen andere gheven
Dolende sterren vanden viandt ghedrevenGa naar margenoot+
Naer volghers van Chore saen te muten bedacht
Loghenachtighe meesters van Petro voorscrevenGa naar margenoot+
Van wien schadelijcke secten werden in ghebracht
Vervalschers van gods woort die wel der spinnen slacht
| |
[pagina 116]
| |
Die uut soeten bloemkens suycht venijn infect
Die dwesen der duecht hebt maer versaect de crachtGa naar margenoot+
En die de Christen vryheyt tot sonden trecktGa naar margenoot+
Spotters die met al die weldoen ghecktGa naar margenoot+
Clapheylighen twaer noodt datmen u verniste
En onder tschijn van duechden soeckt ghy der lien kiste
Wee u tyrannen / die sonder ontfermen // worcht
Daerm schuldenaers / en grijpse metter kelen
Judas discipulen tschijnt dat ghi voor dermen // sorcht
En men siet u den aermen thare onstelen
Met lortsen en borghen bancqueroeten spelen
Siet ghy cloosters yet gheven / kercken verchieren
Al en costet u niet therte moet bequelen
Om dat te beletten / soeckt ghy dusent manieren
Men soudt den aermen gheven dits u creyieren
| |
[pagina 117]
| |
Maer tgoet dat ghy aen tgat hangt van uwen mossen
Verdrinckt / verspeeldt ghy onchuysche putieren
Daer soudt ghy de aermen me spijsen en dossen
Aey valsche Christianen ghy sijt vanden vossen
Die gods wijngaert bederven / stinckende / als misteGa naar margenoot+
En onder tschijn van duechden / soect ghi der lien kiste
Tfy Antiochus dienaers / roovers kerck // dieven
Beeldebrekers sacramenten versmaders
Vernielders van gods dienst / die leeck en clerc / brieven
Niet eeren de vrienden ons hemelschen vaders
Nicanors voorvechters / boose overdadersGa naar margenoot+
Die elcken straft / gheen straffinge en muecht hooren
Trouweloose meyneedighe steden verraders
Die gheerne de handt hadt in de groote cantooren
Twistmakers die alle de weereldt verstooren
| |
[pagina 118]
| |
Heliodorus serganten / die gheerne soudt tastenGa naar margenoot+
Inden block des tempels hier nae hanghen u dooren
En ontsaecht ghy gheen raders / galghen / oft basten
Al die meer hadden dan ghy soudt ghy overlasten
Kercken / clusen / cloosters bracht ghy te quiste
En onder tschijn van duechden soect ghy der lien kiste
Princen dien van allen duechden de walghe // steect
Die sonder sorghe / wildt wel drincken en eeten
U supende soo vol dat uut uwen balghe // leeckt
Asmodeus kinderen / van Mammon beseten
Pluymstrijckers die alle menschen laet weten
Datmen ten hemel compt duer een suchten // binnen
Achabs loghenachtighe Baals prophetenGa naar margenoot+
Dorre boomen / men mach u aen u vruchten // kinnen
Die niet god / maer wellust sonder duchten // minnen
| |
[pagina 119]
| |
Voor ghemeyn oorboor soeckt singulaer profijten
Bedriegers die tgoet / met valschen cluchten // winnen
En papen en muncken haer giericheyt verwijten
Bescheten coeyen die de heel weereldt beschijtenGa naar margenoot+
En elck van u wilt sijn een Evangeliste
En onder tschijn van duechden soeckt ghi der lien kiste
|
|