Brieven der gemartelde apostelen

Ad Amicum meum Godefridum Bidloo
Epiftolas Martyrum Apostolorum Belgico carmine edentem.

Caelestes epulae, Musaeo tincta lepore

Pagina, & aeterna nectare faete liber,

Vosne sacri de culminibus laetissima Pindi

Detulit, & Clario, lavit in amne, Charis?

Vobis Aonio rorantes, fonte corollas

Texuit ipsa suis Uranie manibus?

An potius magnâ flammatum mente poëtam

Aurea divinus duxit ad astra calor?

Sic erat. aeterni meditantem oracla Parentis.

Sustulit aeternus ad sua regna Pater.

Hic fortunatos proceres caetusque piorum

Lustrat in aetheriis mens pia vecta rotis:

Quorum relligio sacro respersa cruore

Crevit, in immensum cladibus aucta suis.

Vive, pii vates operis, cui Fama pereuni

Ardet honoratum cingere fronde caput.

Sic Christo Musas, sic Musis jungere Christum

Discat ab exemplo postera turba tuo.

I. BROEKHUSIUS.