Strafoe

[p. 1]

[Strafoe]

Wan dei Anansi aksi Gado, ‘Masra Gado, joe no kan strafoe ala den sma, di e taki sma sani?’

Masra Gado piki, ‘A boen.’

Anansi taki baka, ‘Masra Gado, joe no kan meki ala den sma, di e taki sma sani fadon dede wantron?’

Gado taki, ‘A boen, Anansi.’

[p. 2]

Dan so Anansi teki wan tjapoe. A go tjapoe a strati.

Dan Ba Tigri kon psa.

Dan a aksi Anansi, ‘Anansi, san joe e doe?’

[p. 3]

Anansi piki, ‘A no tjapoe mi e tjapoe a strati dan? Mi e go prani wan pikin kasaba.’

Ba Tigri piki, ‘Ma Anansi, fa joe kan doe so don?’

[p. 4]

Dan so

Ba Tigri

fadon dede.

Brap!

[p. 5]

Anansi breiti.

Anansi feni stimofo, hm.

Anansi go njan.

[p. 6]

Wan tra dei Anansi teki en tjapoe baka. A go tjapoe strati.

Dan now Ba Konkoni kon psa.

A aksi Konkoni, ‘Ba Konkoni, pe joe e go so?’

‘Man, mi koiri pikinso man.’

[p. 7]

‘Ba Anansi, san joe e doe so?’

Anansi taki, ‘Mi e tjapoe strati. Mi e go prani wan pikin kasaba.’

‘Man!’ Konkoni lafoe. A taki, ‘Fa joe kan don so, Anansi?’

[p. 8]

Brap!

Konkoni

fadon

dede.

[p. 9]

Anansi breiti

ai dansi,

teki en meti,

tjari en go na oso.

[p. 10]

Wan tra dei baka, Anansi kon baka a strati.

Ai tjapoe strati.

Dan now, Krakoen e psa.

[p. 11]

Dan Anansi taki, ‘So Baas Krakoen, pe joe e go?’

‘Man, a no barbier mi e go dan? Mi e go regel mi kop.’

Anansi lafoe, a lafoe. A taki, ‘Man, fa joe kan doe so don?’

[p. 12]

Brap!

Anansi

srefi

fadon

dede.

Wan odo taki:
Te wan sma diki wan olo foe poti wan trawan, en srefi fadon go na ini.