Platbook 3. Gebaorte en doeëd

[p. 52]

Jeanne van Kraay-Apeldoorn, Venlo
't Niej kiendje

Zoeë um 't anderhalf jaor, en det is elf kier gebeurd,
woort ik um 't zeil en de pan nao 't Groene Kruis gesteurd.
Det waas in 't patronaat en den zag Zuster Sofie:
‘D'r kump beej och zeker weer ein niej kiendje in de riej.’
Tante Truuskwaam mit mamma de weeg bekleie
'ne ganse middaag zote die twieje dan te nejje.
De leechgreune bekleijing en de hemel gewasse
En maar ploeëje en maar maete en passe!
En as mamma eure tied dan waas aangebraoke
Woort de wiesvrouw, juffrouw Berends aangespraoke.
Daan meuste weej nao femilie of bure
En nao 'ne gas oor krege we dan te hure
Geej heb thoes alweer een niej kiendje gekrege!
Woa 't precies vandaan kwaam dat waerde verzwege.
De ooievaar waas meistal de dader
Nemes verdach oetentelik de vader.
Dat bieës vónd ik waal zoeë ingemein
Want 't pikde mien moder steeds in de bein,
Zoedet zeej tieën daag in bed mós blieve.
Wie kós zo'n bieës toch zo'ne misdaod bedrieve?
Toch, de insigste vakantie die mien moder oeëts haet gehad
Waas in 't kinderbed, heerlik, tieën daag plat!
Zevevieftig woort aan de wiesvrouw gegaeve
Zovuuël, dach ik, kos dus ein niej minselaeve.
's Anderendaags woort 't geduip in de kerk
't Kiendje drage waas meistal de buurvrouw eur werk.
Daonao, in de gooj kamer gezaete
Woorte d'r beschuut mit muuskes gegaete
En de buurvrouw kwaam touw iddere morge

[p. 53]

 

Mamma en 't kiendje wasse en verzorge.

 

'n Ander buurvrouw brach in 'n witte emalje tuit kippesoep

 

En 'n gooj kinnis stónd met tieën eier op de stoep.

 

Tante Truus kwaam de hoeshalding doon en kaoke

 

Det waas naoberplich, dao woort neer euver gespraoke.

 

Mien moder genoot van det niej höpke laeve,

 

Ik zeen 't nog veur mich as zeej 't de bors meus gaeve:

 

Kiendje op de slup, veut op 't benkske, gezich nao de moor,

 

De bors zedig bedek, 'n kerteerke rös, soms ouk 'n half oor.

 

'n Paar maond later kwaam de box weer nao ónder

 

Weer minder plaats, mer men kós neet zónder.

 

As boxkleid deej deens 'n gries molton daeke met roeëj strepe

 

Aaf en toe de vingerkes tösse de scharnere geknepe

 

Dan kreeg 't 'n körsje mik in de melk gesop

 

Met nog 'n klein bietje sókker d'r op.

 

De rammelaer waas 'n laeg buismanspötje

 

Twieë luiers met veer spelde um 't vötje

 

Opvoede waas noeëjts zo'n probleem beej ós,

 

Weej voedde ós ónderein op, gewoeën umdet 't mós.

 

Ouk al raak oos hoes zoe lanksaam erg vol,

 

Welkom ware de kiendjes allemaol.