Platbook 3. Gebaorte en doeëd

[p. 51]

Jan Feijen, Wieërt
Kleinzoeën

'ne Zoeën van eure zoeën
eigelik hieël gewoeën
mer nowt e d'r ès: zoeë schoeën

Liektj e woonger
en al gaw kujje neet mieër zoonger.
Hieët e hoonger?

Verangertj eur laeve
kuntj t'r neet mieër naeve
wiltj 'm noow al alles gaeve

Eure zoeën
liektj neet mieër eure zoeën
as vader van eure kleinzoeën.

Eure jóng ès e neteurlik nog waal
mer ge spraektj same inèns 'n anger taal!

Eur laeve verangertj waal totaal!