Platbook 3. Gebaorte en doeëd

[p. 39]

Colla Bemelmans, Nut
Rouwverwerking

De kaesjmis
dao kóm ich waal uëverhaer
daovuur höbbe ze mich zat
gewaarsjuuwd, dan höb ich 't ergste
tevure al gehad.
Meh es opins
e dörpke oet de Tour de France
woeë v'r vreuger voerte
op de tv kump
e plaetje gedrieët wiert
dat v'r in de aovendwake hoerte
of ènt oet ós vriejersjaore
es ich boeëne bevraore
oet de vrezer haol
koud wie hae
die hae nog haet ingevraore
dan höb ich 't neet mieë
ruke mien traone nao kroednaegel
die ze in mien wónde sjtoke.

Taege griepvirusse höbbe ze vanal
en plaosters vuur op de kratse
meh die wónd die blief
wie 'n moesjel, aope en toe
en 't zand sjoert nog dèk
pès ich mich misjien aaf en toe
oeëts nog ins d'rop lèk.