Platbook 3. Gebaorte en doeëd

[p. 38]

Colla Bemelmans, Nut
Kiendje

't Kiendje sjpieëlde aan 't sjtrand
boewde kesjtieële van zand
en water
loot de fosj gekluurde windvoeëgel op
vóng moesjele en sjelpe
de zón brende neet
in dae wind
want dao sjtónt alle dure aope
v'r gólle 'ne bal en 'n sjöp
wat heisjt gelök.

't Kleinkind sjtórf
't zand sjoerde
de sjelpe gónge aope en toe
dae vleger góng neet op
ich waor gesjtrand
mit water in de ouge
en zón en wind druëgde die neet op.

Ach, woeëvuur
zou ich de inseligste mótte zin
dae neet hooft te lieje?
Boeddha dweilde
Jezus heilde
meh dat sjoere blief.