Platbook 3. Gebaorte en doeëd

[p. 26]

Mariet Utens, Ech
De veugel sjwege

De veugel sjwege
meujteloos
droge ze dien zeel
op häör vleugels
door de sjtilte
van de zomerdaag
tiedloos
weersjpegelde de eewigheid
in de sjtraole van de zón
wo-in diene lach
veurgood verborge loog
de windj fluustert
't water loestert
es doe in eine vogelvluch
diene aerdse druim
veur de hemel ruuls
en ich roop radeloos
diene naam en jank.....