Platbook 3. Gebaorte en doeëd

[p. 25]

Lilian Steps, Gelaen
Leef kiendje

Doe höbs de modersjoat noajt maoge ontgreuje
Dien laeve haet neet tot get sjoans maoge ontbleuje
Väöl te vreug woors se mich ontnomme
Al veur dat dien laeveke ech waor begonne

ich höb dich laote gaon mit zoa väöl pien en leid
zoa wie allein 't verlees van 'n kiedje dich dat deit
d'n daag dat ich dich höb aafgegaeve
sjtopde ouch 'n sjtökske van mien eige laeve

Nao get jaore van weer nuuj gelök
Kom toch weer 't gemis nao dich trök
Kiendje, doe höbs dien plaetske in mien hart
En dat zal ummer door dich blieve bezat.

Ouch al höb ich dich noajt ech lere kenne
Toch zits se heël deep bie mich van bènne
En nao al die jaore dat ich awwer waer
Num ich dich toch nog euveral mit mich haer,

Mer vandaag wil ich dich 'n eige plaetske gaeve
'n plaetske veur dit mich ontnomme laeve
Neet meer allein 'n plaetske in mien eige hart
Nae, dit wurt 'n plaetske veur 't kiendje
dat ich noajt ech höb gehad.