Platbook 3. Gebaorte en doeëd

[p. 22]

toos schoenmakers-visschers, vlorp
gebraoke wortels

wen 't waoróm
begin en inj
neet aan-ein wit te binge,
alle gróndj óngere veut oethald,
zelfs wortels brik,
dan sjleit de dood
zo gans oet 't lood
en blief laevesgroot de vraog
wie opnuuj aevewich te vinge.

en wie veur dich?
höbs se rös gevónge?
toekoms aafgebraoke,
alle benj ontbónge?

det zóchs se toch neet!
allein eine waeg
oet dien verdreet.