Platbook 3. Gebaorte en doeëd

[p. 11]

Doeëd

[p. 12]

Guus Peters, Gelaen
in memoriam matris

hae noom 'n handjvol aerd op
en blees d'r in en sjprook
moog d'n aom van d'n Heër
nej ós bevruchte

hae noom de puntj van häör hart
in zie kaw vèngere
en kneep
neet einmaol meh waal zevemaol
en sjprook
baej v'r ós dat d'n Heër
niks ós deit sjpare

neet einmaol meh waal zevemaol
haet ze de galei van de gebaorte geroejd
pès häör hart vol sjterre sjoot
wie de roet van 'nen auto

mèt sjrienende sjmert in de kael
v'r höbben häör lichaam genómme
mèt angels van sjmert in de kael
en in de aerd 't gelag

zoa reisde ze gans allein
nao de heëmelse boorderie
wao sjlechs kaoren is
en 't geknór van verke