De warachtighe historie van doctor Johannes Faustus
(2004)–Carel Baten–
Auteursrechtelijk beschermd
[Folio 50v]
| |
DAer waren veel jouffrouwen ontrent kersmisse tot Wittenberch ghecomen, als namelick eenige edelvrouwen die hare kinders, broeders ende neven die aldaer studeerden, quamen besienGa naar margenoot1, dewelcke alle goede kennisse aen Doctor Faustus hadden, tot dewelcke dat hy van sommige ontboden ende te gaste gebeden wert. Ende om sulcx te verghelden, soo noode hy wederomme sommighe jonghe edellieden ende eenighe joncfrouwen om met hem tzijnen huyse goede chiere te makenGa naar margenoot2. Als sy nu tot hem ghecomen waren ende het seer ghesneeut hadde, soo wasser in Doctor Fausti hof wat wonders te siene. Want men sach in zijnen hof gheenen sneeuu met allenGa naar margenoot3, maer eenen schoonen somer met alderley gewas, sodat ooc het gras met alderley schoone bloemkens stont en bloeyde ende groende. Daer was oock schoonen wijngaert met schoone druyven behanghen. Daertoe oock schoone witte ende roode Provensche roosenGa naar margenoot4 met veel meer andere welrieckende bloemen, welcke alle tesamen schoon om aen te siene waren ende eenen schoonen lieffelicken reuck van hem gaf, sodatse haerlieder daerinne niet ghenoech en costen verwonderen. Maer niemant en dorste noch bloemen noch eenighe druyven afsnijden, want alsser yemandt meynde eenen druyftros af te snijden ende mette vingeren aentastedeGa naar margenoot5, soo hadde hy een van zijne medeghesellen by den neuse, waerover datter een groot ghelach was. |
|