Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere
(1614)–Rumoldus Batavus–
AuteursrechtvrijOp die wijse: O menschen hoe meucht ghy dus zijn verblijt. etc.O Adam ghy hebt onse ziele door wont
Wie zal hem weer ghenesen maecken
| |
[pagina 123]
| |
Ghy hebt gedaen eerst eenen sondt
Die wy noch altesamen smaecken
Wy syn besmet in onsen natuir, in onsen natuir
Christus die is alle puire
God heeft Adam wederom belooft
Om dat hy ons allen wilde bevrijen
Den duyuel soude hy vertreden het hooft.
Abrahams zaedt woude hy ghebenedijen
Christus die was Abrahams zaet, was etc.
Die ons soude af nemen Adams quaet.
Met Deuidt maeckte God oock een verbont
Hy soude winnen eenen Soone
Die op zijnen stoel het zy v condt
Soude regneeren in sijnen throone
Eewich, ende onendtelijck: onendtelijck
Dit en waer gheensins Salomons rijck.
Wt Dauidts lenden, en Iessen stam
Is onse dese vrucht voorts comen
Oock wt Ioachim, ende Annam,
Heeft dese bloeme haer wasdom ghenomen
Want dese waren wt Dauidts gheslacht, wt etc.
En hebben desen bloem ghebracht.
Christus onsen rechter Messias
Heeft zijn lichaem wt Maria ontfanghen
En om dat in hem gheen smette en was
Soo gheloouen wy met verstranghen
Dat Godt haer lichaem soo heeft gheclaert, so etc.
En altoos voor sonden heeft bewaert.
Die H. Kercke, die singt seer stout
Van dit Maechdeken wtvercooren
Dat sy onder dreck is gheuonden alst gout
Iae als een roose, wt eenen dooren
Al was den wortel seer beuleckt, seer bevleckt
Nochtans was dese vruchte perfeckt.
Godt die is almachtich geloouen wy
Die ginck het alsoo belieuen,
Sijn huyste bewaeren van sonden vry
| |
[pagina 124]
| |
Daer hy negen maenden in wilde blieuen
En ontfanghen aldaer wt haeren zaet, wt haren etc.
Daer Godt noyt smette in comen laet.
Noch doen wy v broeders dese vermaen
En wilter toch niet mede sporten,
Waer Gods moeder in sonden ontfaen
Soo soude haer lichaem mede verrotten
Maer wantmen haer lichaem noyt en vont noyt etc.
Dus is zy gheweest altoos sonder sondt.
|
|