Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere
(1614)–Rumoldus Batavus–
AuteursrechtvrijOp de wijse alsoot beghint.Broeders, en Susters al ghemeyn
Rijck, arm, ionck, out, groot ende cleyn
Verwondert v nv allegaer,
Van die liefde van onsen hemelschen vaer
Die ons een spijse heeft bereyt,
D’welck daer duiert inder eewicheyt.
Onse vaders vant oude testament
Soo t’ons allen wel is bekent,
Die aten een lam in deser figuer
| |
[pagina 62]
| |
Tot alle iaeren, leert die schriftuer
Want dit was doen Gods ghebodt
Maer zy zijn al ghestoruen, ende verrodt
Oock aten zy het hemelsche broot,
En zijn nochtans al gestoruen den doot
Hoe wel het vande Engelen worde ghemaeckt
En daer zy alle soeticheyt wt hebben gesmaeckt
Dit was al een verganckelijcke spijs,
Maer wy hebbent nu op een andere wijs
Wilt ghy weten hoe veel het scheelt
Wy hebben nu die waerheyt, maer sy het beelt
Die waerheyt is nu by ons perfeckt,
Eertijts zoo wast met figuren bedeckt
Die zijn nu passeert, ende vergaen,
En door Christum is ons die waerheyt ontdaen
Nochtans zoo niet datment siet
Want Godt en wil dat noch alzoo niet
Dan doort gheloof, en niet doort ghesicht
Want naemaels zoo salt al wesen licht
Hier moet sin, en verstant soot behoort
Hem geuen gheuanghen onder Gods woort.
Dit is nu claer ende wel bekent
Doen Christus gaf het nieuwe testament
Na dat hy het Paesch-lam adt,
Daer hy met sijn twaelf Apostelen sadt
En eer dat hy van haer scheyt,
Soo heeft hy haer een nieuwe spijse bereyt
Niet wederom het oude lam,
Noch het manna dat wten hemel quam
Maer gheheel nieu, en een ander spijs
Ende dat nae Melchisedechs wijs
Die Abraham voort bracht op dat termijn
Doen hy quam wten slach, broot ende wijn.
Nae dese wijse ghy O Heere soet,
Oock v priesterdom bedienen moet
Dit vinden wy nu int Euangelie claer
By v ghetuyghen meest alle gaer,
| |
[pagina 63]
| |
Als ghy wort verraden, in dien nacht
Hebt ghy broot ende wijn oock voorts ghebracht
Maer dit en was noch niet ghenoech
Want v benedictie ghy daer ouer sloech,
En hebt door uwe almogentheyt
Dese woorden daer by gheseyt,
Neemt ende eet, dit is mijn lichaem
Dat voor v wort gheleuert saen.
Ouer den Kelck, ghy Heere dus mede doet
Drinckt hier wt, dit is mijn bloet,
Dwelck nu nae een tijt seer vort
Voor v luiden sal worden ghestordt,
Voorts Ihesus zyn Apostelen beual
Doet dit tot mijnder ghedachtenis al.
Dese woorden claerder als den dach
Men met recht niet verdrayen en mach
T’is immers Christus Testament,
Dat doch niet moet worden gheschent
Maer vast houden dat hy daer seyt,
Of wy zijn verloren inder eewicheyt.
Wy weten ymmers wel voorwis,
Datter geen broot, maer t’lichaem Christi geleuert is
Noch wijn is voor onse sonden ghestort
Anders quamen wy alle te cort
Maer O Heere, v Heylighe bloet,
Is ghestort, dat ons sonden wt doet.
Dat selue lichaem, ende bloet gheheel
Dat ghy soude geuen, en storten voor veel
Pntfinghen doen v Apostelen al,
Want v woort ons niet toe lieghet en zal
Noch onse verstant en moet segghen niet
Hoe cant doch wesen, dat sulckx gheschiet.
Want wy v Godt, ghelouen wis
Dat al v willen, v wercken is,
En wat ghy wilt dat wort ghedaen
Al ist dat wijt niet connen verstaen
Ghy zijt almachtich, ghelouen wy,
| |
[pagina 64]
| |
Noch sult ons bedrieghen soo wy betrouwen dij.
Broeders weest niet alsoo sodt,
Dat ghy niet soudt gheloouen zoo grooten Godt
Die zijn woorden soo claer wt spreeckt
Daer gheen figuer, noch dubbelheyt onder steeckt
En met soo veel ghetuygen ons wort verclaert
Oock sesthiene hondert iaeren soo is bewaert
Laet ons dese nieuwe spijse maer weerdelic ontfaen
Niet als Iudas, en die van Corinthen hebben gedaen
Maer laet ons worden suiuer, ende rein
Want soo danich is dese spijse certein
Die Ioden als zy aten haren Paesch-lam
Niemant onsuiuer daer toe en quam.
Waren zy zoo voorsichtich tot die figuier
Soo bekooren wy nu wel te wesen puur
O lammeken wascht ons schoon in dijn bloet
Eer dat ghy ons met v seluen voet
Reynicht wt ons het oude beslach,
Op datmen v tot salicheyt eeten mach.
Dit ist broot daer Christus afgesprooken heeft
Dat wy moeten eeten, en ons ziele door leeft
Heden bewijstmen dit groote eer,
Zoo dat betaemt alsulcken heer,
Laet dat aengebeden zyn met ootmoedicheyt
Want voor ons is dese spijse bereyt.
Alle ongeloof, smijt verre van v,
En Gods groote liefde bemerckt nu
Al zidt Ihesus tot zijns Vaders rechter hant
Syn lichaem heeft hy ons ghelaten tot pant
Ghelooft dit vast, ende en twijffelt niet
Al ist dat ghy niet anders dan een hostie en siet
Ons gheloof dat die werelt verwint,
Moet hier wercken, mijn broeders bemint
Laet ons dickwils met bereidinge gaen
Tot dese spijse, om die te ontfaen,
Dwelck nu vande Enghelen de Priesters ient
Ons nu wort bereydt, int nieuwe testament.
|
|