Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere
(1614)–Rumoldus Batavus–
AuteursrechtvrijOp die wijse O Heere Godt leert ons beden etc.O Godt van grooten crachten
Die ons alsoo hebt bereyt
| |
[pagina 60]
| |
Dat wy altoos souden trachten
Op ons eeuwige salicheyt,
V goetheyt bouen maten,
En connen wy niet genoch door zien
Maer v moghentheyt wy laten
Met ons verstant te omvaten
Dan moet door t’ghelooue gheschien.
Een Godt wort ons gheboden
Dat daer is ende niet meer
Wy veruoyen alle afgoden
En gheloouen in v o Heer
Ghy zijt van eeuwicheden
Gheweest sonder beghin
Die onse voor vaders hebben aengebeden
Door wiens naem zy wonder deden
Hier gheloouen wy oock in.
Wy Christenen allegader
Verwachten een goeden loon
En ghelouen in Godt den Vader
Ende oock mede in zijnen Soon
Den heilighen Geest waerachtich
Dese is mede Godt,
Al euen eeuwich, en almachtich
Oock euen heylich, ende crachtich
Die ghelouen wy zonder spot.
Dese drye persoonen verheuen
Sijn maer eenen Heer,
Al wort elck den naem van Godt ghegeuen
Nochtans gheen drye goden, dat zy veer
Den Vader wort toe ghegeuen
Dat hijt al gheschapen heeft
Den zoon wort toe geschreuen
Den verlosser al die leuen
Den H. Gheest ons die heylicheyt gheeft.
Wy draeghen in onse sielen dit wapen
Van die heylighe Drieuuldicheyt,
En zijn nae sijnen beelde gheschapen
| |
[pagina 61]
| |
Soo hy dat seluer seyt,
Onser zielen drie crachten
Als Memorie, verstant, ende wille vry
De Memory hoort Godt van machten,
Het verstant den Soon comt betrachten
Den wille O H. Gheest die geuen wy dy.
Ghy Vader die alle eere moet behooren
Hebt beghin noch eenich tijt
En ghy Soon, zijt van v Vader gebooren
Hoe wel ghy niet geschapen en zijt
Maer zijt eewich een, in alle vreden
By uwen Vader gheweest,
Oock is van alle eeuwicheden
Den derden persoon nae reden
D’welck is den heylighen Gheest.
Dus aenroepen wy den Vader almachtich
Ende prijsen die wijsheyt vanden Soon
Die goetheyt des gheests warachtich
Die daer woont int s’hemels throon
Maer eenen Godt verheuen,
Bouen al diemen Goden noemt
Al wort elck sijn werck toe gheschreuen
En den naem hier af ghegheuen,
Van eenen Godt onze salicheyt nochtans coemt.
|
|