Poemata

In effigiem Petri Scriverii.

HAEc est Battaviam vatis scribentis imago,

Sic poterit peregrè, sic placuisse domi.

Ostia cui Rhenus, cui debet Corbulo fossam,

Et dominos dictat Belgica terra suos.

Bilbilicos legimus tali censore lepores,

Et lumen Senecae grande cothurnus habet.

Tempora qui reddit, nulli sua tempora pendit,

Ingenioque cupit liberiore frui.

Scilicet Aonias gratis qui vindicat artes,

Praemia doctrinae despicit empta sua.