Poemata

[p. 214]

In lapsum meum ex equo, quo in Gallijs Doctor creandus vehebar.

CVm puer insolitas Phaëthon tractaret habenas,

AEthereo vectus tramite, lapsus equo est.

Cum puer insolitas expanderet Icarus alas,

Icarus Icareis nomina fecit aquis.

Cum Phrygias ires iuvenis bellator ad arces,

Doctus amare magis, Protesilae, cadis.

Bellerophon praeceps alienis decidit arvis,

Exitioque viro Pegasus ales erat.

Dumque haurire parat non suetis flumina palmis,

Occidit undarum pondere mersus Hylas.

Atque ego, dum insolito vector per rura caballo,

Sum subitò factus pul verulentus eques.

Scilicet haec res est. tractent fabrilia fabri,

Nec, nisi qui spirat praelia, scandat equos.

Me peditem fecere Dij, fecere poëtam,

Nec placui, nullo praeside, factus eques.