Poemata

Briela.

ADspice vicinam nostro de littore Thetyn,

Hîc ubi Mosa suis laxior exit aquis.

Briela vocor, fessis statio secura carinis,

Nunc quoque Vorniaci gloria prima soli.

Naiades hinc, illinc agrestia numina Fauni,

Et fecunda meos spectat Eleusis agros.

[p. 208]

 

Albano surrepta Duci crudelia sprevi

 

Imperia, & fasces Baetica terra tuos.

 

Aprilis laetas fastis inscribe Calendas

 

Belga, nec hoc optes non superasse die.

 

Scilicet illa dies, qua me vicere Batavi,

 

Vlterius vinci noluit Auriacum.