Hoe dat die Kenemers ende dye van Alcmaer in genaden genomen worden bi grote sommen van penningen.
Dat LXXVIIIGa naar voetnoot431 capitel.
Die hertoge binnen Haerlem noch wesende, hebben die Kenemers oetmoedelicken an hem doen versoecken om pays mit hem te maken, ende dat men hemluden in genaden nemen woude. So ist ten lesten so verde gebrocht, dat hi alle gelegentheyt angesien heeft, ende heeft se in genaden genomen, ende quamen omtrent tot C toe, barvoets ende blootshoeft, elcs mit een witte roede in die hant, ende vielen hem te voet, begerende genade van haren misdaet, dat also gesciede; mer mosten hem geven noch V M gulden ende VII C voer haer inobediencie ende rebellicheit, die si gepleecht hadden; ende hiermede wast altemalen vergeven, ende des en soud men hem niet meer scade doen. Ende oec mosten si hem geven ende consenteren L mannen die tot sinen wille staen souden. Op dese tijt mosten dye van Haerlem hoer bannier, privilegien ende hantvesten voer den hertoge brengen, die hi na hem ghenomen heeft, allegerende dat si die verboert hadden ende niet meer gebruken en mochten. Oec worden op deser tijt vele dachvaerden binnen Haerlem gehouden van den anderen steden van Hollant; ende die steden van Hollant hebben lacen die goede stede van Haerlem niet voer gestaen in haer ongeval, mer meer hinderlic gheweest dan behulpelic, alst dicwils geboert, dat die ene om des anderen qualic varen lacht ende hem daerin verblijt, dat nochtans so niet en behoert. Ende int leste van den meyemaent heeft die hertoge een groot swaer blochuys doen maken binnen der stede, tot bewaernisse van derselver stede, daer hi die stede mede dwingen mocht, indien si voert meer rebelleerden; ende dit wert geordineert ende gemaect in der schuttershoven, daer dieselve hoven ende andere boemgaerden mede bedorven worden. Op dese selver tijt vercregen die van Alcmer oec gracie ende horen pays mitten hertoge, ende mosten tot emende gheven voer horen misdaet V M gulden ende VI C; dwelck hemluden oec lastich was te geven, want si vele goede, rijke poorters verloren hadden ende grote scade van den knechten binnen der stede gehadt. Mer niettemin, si waren die princepale, die dit spul ende dit feyt eerst begonnen, ende die die stede van Haerlem mitten Kenemers in desen laste brochten. Opten lesten dach van meye heeft die hertoge enen scout binnen der stede geset, ende daertoe burgemeesters, scepenen, tresoriers ende andere officieren, die horen eedt opten selven dach deden. Ende dese veranderinge ende mutacye geschiede overmits dat hi dye stede van Haerlem haer privilegien ende hantvesten benomen hadde. Ende opten eersten dach van junio brochten die van Alcmer haer bannier binnen Haerlem, die si den hertoge van Sassen gheven mosten, omdat si daer mede voer Leyden geweest hadden, allegerende dat si die misbruyct hadden ende voert meer niet sculdich en waren enige bannier te voren. Ende op dese tijt wert al bi wijlen justicie gedaen binnen Haerlem van dengenen die die poorte
Auteursrechtelijk beschermd