Hoe here Jan van Arkel gevangen worde.
Dat XVII capitel.
Op Sinte Catrinen dach daerna, quam heere Jan van Arkel riden mit weinich gesins, ende hadde geweest te Vueren totter uutvaert hertoge Anthonis van Brabant; comende op die kant van Brabant, bi Arpenbrugge, was hi dair verlaecht ende gevangen van den here van Sevenberge, Dirc van der Merwen ende Phillips van der Lec; denwelken si antogen enen witten heuc van der habite der Duytscer Oerden, opdat men hem niet kennen en soudeGa naar voetnoot504; ende brochten hem in Hollant hertoge Willem, op die tijt wesende ende dit verhorende, was uutermaten sere verblijt, ende quam corts daerna in des Graven Hage. Ende die here van Arkel worde hem gepresenteert, ende sende hem gevangen op tslot ter Goude; ende vandair worde hi gevangen geset in een karker tot Sevenbergen, daer hi X jaer lanc in was. Die van Brusel horende dat haer burger, die here van Arkel, in haer heerlicheit was gevangen, deden si vergaderen dye andere steden van Brabant om assistencie ende hulpe te hebben te verlossen den heren van Arkel. Mer hertoge Jan van Brabant, hair here, en wilde om horentwille noch om den here van Arkels wille geen oirloge tegen hertoge Willem daerom annemen. Die here van Arkel aldus in des graven vangenisse wesende, heeft III mael voir den hertoge ende sinen raet openbaerlic geprotesteert ende beleden, ende geseit alle die maniere ende ordinancie hoe men hem gevangen soude hebben ende overgelevert, hertoge Reinout van Gelre beteikende ende namelic te noemen dye dit gedaen souden hebben. Hertoge Willem dit horende, heeft dit mit wijsheit beleit ende verborgen gehoudenGa naar voetnoot505 om saken willen hem daer toe porrende.
Auteursrechtelijk beschermd