Die cronycke van Hollandt, Zeelandt ende Vrieslant, met die cronike der biscoppen van Uutrecht (Divisiekroniek)

Van den groten vloede in dat Sticht ende Hollant.
Dat³⁸³ XXX capitel.

In den jare van XXXIIII, in die maent van november, op Sinte Clemens dach, wast een grote storm van winde, van donre ende van blixem, ende dat zeewater verhief hem also hoge, dattet boven alle dijken ging staen, also datter vele luden ende beesten jammerlicken verdroncken, in Vlaenderen, in Hollant, Zeelant ende Vrieslant, ende bisonder die bi de cant van der zee woenden leden den meesten noot.

383 Dae AB.