Hoe dat biscop Gwije uuter vangenissen worde gelaten, ende hoe die princen uut Vlaenderen in Vrancrijck worden verlost.
Dat XXI capitel.
Die hertoge van Burgongen heeft een vasten paijs ende vrede gemaect tusscen den coninc Phillips van Vrancrijcke ende den gevangen princen ende heren uut Vlaenderen, in welken paijse geseyt worde dat biscop Gwije van Uutrecht ontslegen soude wesen van der vangenissen, ende soude vrij weder comen in sijn bisdom van Uutrecht, dwelcke alsoe is gesciet. So is dan Gwije van Dampier, grave van Vlaenderen, mit sijn drie sonen ende mit sine andere princen ende edelen, van der vangenissen des conincs ontslegen geweest. Ende grave Gwije van Vlaenderen is mit Robbrecht van Bethunen, grave van Nijvers, mit Willem van Nyvel ende mit Gwye Dampier, sijn sonen, ende mit XLVII edele mannen ende heren, met groter blyscappen ende eren ontfangen; mer die grave van Vlaenderen is van dage te dage siecker ende crancker geworden, ende starf int jaer M III C ende V, opten XXII dach van maerte, ende hi worde ter Sluys begravenGa naar voetnoot356 bi sijn moeder.
Auteursrechtelijk beschermd