Hier begint die XX divisie ende heeft XIII capitelen.
Anno M III C XCIIII.
Paeusen.
Dat I capittel.
Bonifatius de VIII was de CC II paeus; hi was uut Campanien; hi besat de Stoel VIII jaer, IX maenden XVII dagen. Hi was een uutgenomen expert doctoer in den rechten, listich, subtyl ende seer homoedich; mer hi en hadde geen maet in zijnre wijsheit: hi screef hemselven te wesen heer van al die werlt. Hi quamGa naar voetnoot319 mit groter listicheit int paeusdom; ende daerom seyt men van hem dat hy int paeusdom quam als een vos; hi leefde als een leuwe, ende hi starf als een hont. Hi worde van sine vianden die hi uut Romen verdreven hadde gevangen, ende wert te Romen gebrocht, daer hy uut groter verdrieten starf in denGa naar voetnoot320 kerker, ende wert begraven in Sinte Peters kerck.
Int jaer Ons Heren M III C wort dat eerste gulden jaer ingeset van dese Bonifatius, die allen kersten menscen verleende volcomen oflaet van allen zonden die te Romen quamen ende versochten mit devotien die heilige plaetsen ende steden der heiligen apostelen ende martelaren Goods; ende hi verleende dat oflaet tot allen C jaer eens. Ende daer gingen binnen in datGa naar voetnoot321 jaer ende uut der stat van Romen alle dage II C M menscen, behalven de binnenGa naar voetnoot322 der stat woenden.
Auteursrechtelijk beschermd