Van vrouwe Margriete, graefinne van Vlaenderen, die men hyet Swarte Griete.
Dat III capitel.
In den jaer Ons Heren M II C ende XLIIII, starf vrouwe Johanne, graefinne van Vlaenderen ende Henegouwen sonder kinderen, ende wert binnen Rijsel begraven int cloester van Markette, dat si selver fondeert ende gesticht hadde. Ende nae hoere doot wert Margriete, haer suster, graefinne van Vlaenderen ende van Henegouwen. Ende als hoer eerste man, des conincs zoen van Engelant, gestorven was, daer si bi hadde Baldewijn ende Jan van Avenes, II zoenenGa naar voetnoot260, nam si te man den vromen Willem van Dampier; ende hi wert van sijnre huysvrouwen wegen grave van Vlaenderen ende Henegouwen. Ende si hadden III sonen te samen, als Willem; Gwije, grave van Vlanderen; ende Jan.
Item. Int jaer Ons Heren M II C ende XLIX, worde dat convemt van den Vrouwen broeders van den Berch van Carmelo, gefondeert ende gesticht binnen der stede van Haerlem van enen eerbaren ende vromen ridder, genoemt here Simon van Haerlem, daertoe gevende sijn eygen husinghe ende hofstede, daer hi te wonen plach, doterende ende gevende dat convent vele scone gaven. Dese edele ridder starf daerna int jaer Ons Heeren M II C ende LXXX, ende wert in denselven cloester begraven voer dat Hoge Outaer onder een zarcke.
Auteursrechtelijk beschermd