Van die rebelheit des volcsGa naar voetnoot235 van Drenthen.
Dat IX capitel.
In den jare Ons Heren M II C ende XXXVI, dat verwaten ende vertwifelde volc van Drenten versameden vele wapentuersGa naar voetnoot236 ende knechten, beleyden wederom die stede van Groningen. Ende Egbert, die burchgrave, dede dye porten op van der stede, ende ghing manlyken uut, ende sloech vele van sine vianden doot, ende behilt alle hore provande, ende wel VI C paerden, ende verbrande vele dorpen in den Drenten. Die biscop, die hem seer hierom verblide, reisde in Vrieslant, ende predicte daer weder des paeus oflaet, ende vercreech vandaen derdenwerf een groot heer van volc, daer hi crachtelicken mede in der Drenten toech, ende verbrande dat dorp van Coeverden ende dat voerburch van den casteel altemael, daer si vele paerden, harnasch, cleder, provanden ende ander vele goeden roefden ende namen; ende daerenboven sloegen sijt al ter doot, wijf ende kinderen, ende en spaerden nyemant, out noch jonck; ende als den dach ten avont quam, toech al dat biscops heer over dat broeclant om te bet bescermt te wesen, ende keerde weder tot Anen, daer si hem mitten behouden rove seer verbliden. Des anderen dages, als die zonne opghing, reysde des biscops heer mit onwonden bannijeren, mit trommelen ende andere geluden over dat broeclant, ende haesten hem om dat casteel van Coeverden te besetten. Mer een ontallic volc der Drenten waren des nachts te voren al heimelicken binnen der vesten des casteels gecomen, ende an die ander side stonden die Vriesen uutten gestichte van Monster in groter hoemoet in der Drenthen hulpe. Die Vriesen uut den Stichte van Uutrecht waren in des biscops hulpe van UutrechtGa naar voetnoot237
, ende hadden des dages te voren groten scade ghenomen ende waren sere verwonnen. Ende daerom waren de Drentheners vele te stouter, ende sijn mit heercracht te Coeverden gecomen, ende wouden sonder merren striden teghen den biscop. Mer die biscop anmerckende sine provande gheminret, toech weder afterwaert in Hardenberch, ende gaf zine zoudenersGa naar voetnoot238 oerlof, ende dancte sine hulpers, ende hi besette sijn sloten, ende voervolde se mit alle dat hem van node was.
Auteursrechtelijk beschermd