Van Floris dye XIIII grave van Hollant, Zeelant ende here van Vrieslant.
Dat II capitel.
Florys van dijer name die IIII, worde na sijns vadersGa naar voetnoot226 doot die XIIII grave van Hollant, Zeelant ende here van Vrieslant; mer Otte, sijn broeder, is geworden voer zijn vader grave van Oest-Vrieslant; ende Willem, de jonger broeder, stadthouder oft president van Kenemerlant; dese hadde een enige dochter, genoemt Alijt, die te man hadde here Dirck, dye VIII here van Bredenroede, daer si bi wan here Alfaert, den IX here van Bredenroede, ende was here Willems vader, coninc Willems van Romen, grave van Hollant, overste ritmeester. Dese grave Floris nam te wive Machtelt, hertoge Henricxs dochter van Lottringen ende van Brabant, wes broeder oec Henrick ghenoemt, hadde te wive Zophie, Sinte Lysbetten dochter; ende bi dese Machtelt wan grave Floris Willem, sinen navolger, grave van Hollant, ende oec na coninc van Romen; Floris den drossaert oft stadthouder; Alijt, graefinne van Henegouwen; Margriet, grave Harmans wijf van Hennenberch, dye tot eenre dracht baerde III C ende LXV kinderen, als hierna geseit sal worden.
Auteursrechtelijk beschermd