Van biscop Otte van der Lippe, die XXXIIII biscop van Uutrecht.
Dat IX capittel.
Otte van Gelre, biscop van Uutrecht begraven wesende, daer grave Otte van Gelre, zijn broeder, ende grave Willem van Hollant, zijn suster man, tegenwoerdich waren, vercregen mit gestadigher beden ende supplicacien van den capitelen dat Otte, een jongher broeder des graefs van der Lippe, wert gecoren die XXXIIII biscop van Uutrecht, ende bi consent des aersbiscop van Coelen ontfing hy des biscops benedictie ende confirmatie in der stat van Franckenvoert, ende daer ontfinc hi mede van den keyser Frederic de II dat waerlike recht ende jurisdictie. Dese biscop Otte besette al sine sloten wiselic ende oerbaerlic, ende nam dat cruce mitten voerseiden keiser mede an, ende voer over tmeer op dye heiden ende ongelovigen, hebbende in sinen gheselscappe Everwach, daer over of gesproken is, ende beval Hermen, sinen broeder, dat Sticht trouwelic te bewaren tot sijnre eren ende profijten.
Auteursrechtelijk beschermd