Hoe dat Petronelle, dye graefinne, dat cloester tot Reysburch stichte ende hoe si starf.
Dat VII capittel.
Dese eerbare ende doechtsamige vrouwe Petronelle, grave Dircxs moeder van Hollant, heeft totter eren Goeds, sijnre liever Moeder ende des heyligen martelaers Sinte Laurens, tot salicheit hore sielen, gefondeert ende gesticht opten gront haers casteels dat Reynsburch gheheten was, een schoen costelic cloester van nonnen van Sinte Benedictus oerde, ende doteerde ende begaefde dat mit vele costelicke renten ende goeden. Ende als sy vele goede wercken in hoer leven hadde ghedaen, is si salichlijck in den Here ghestorven, int jaer Ons Heren duysent hondert ende XLIIII, op dye thiende kalende van junio, ende werdt met grooter feeste ende mit betamelicker uutvaert van grave Dirck, haren soen, int voerseyde cloester begraven.
Auteursrechtelijk beschermd