Hoe dat Bernulphus gemaect worde de XX biscop van UutrechtGa naar voetnoot114.
Dat XVIII capittel.
Bernulphus is na biscop Adelbolts doot gheworden de XX biscop van Uutrecht in aldusdaniger manieren: Na biscop Adelbolts doot en conden die capittelaers ende canoniken in der electien des nijewen biscops niet concorderen ende overeencomen, wantter grote dissencie ende twedracht was tusschen hem allen. Die keyser Conraet die II dit vernemende is nedergecomen myt synre keyserinne, swaer wesende mit kinde, ende opt uuterste der baringhe; waerom heeft se die keyser laten bliven in een dorp geheten Oesterbeke buten Uutrecht, ten huse van enen eerwaerdigen priester gheheten Bernulphus. Ende die keiser is voertgereyst tot Uutrecht om dat capittel der canoniken te verenighen in der electie ende enicheyt des vredes, want die twist altijt hogher ende meerder worde. Ten eynde gaven ende submitterden hem dye capittelaers in handen des keysers, ghevende hem volcomen commissie ende macht, dat hy enen discreten ende bequamen man tot alsulken dienste hem allen wilde setten: sij souden daermede te vreden wesen. Ende siet, hierenbinnen is dye coninginne van kinde bevallen, ende heeft enen schonen zoen ter werlt gebrocht. Ende sende horen waert, dat is desen pryester, totten keiser om hem dese blide bootscap te kundighen. Dye keyser ontfanghende dese vrolicke bootscap, gaf den priester Bernulphus dye hem dese bootscap brochte dat bisdom van Uutrecht tot sinen loon. Ende investeerde ende sette hem, ghevende staf ende vingherling in dye biscoplicke stoel. Ende aldus is Bernulphus gheordineert ende gemaect dye XX biscop van Uutrecht. Hy was een wijs ende gheleert eerwaerdych man, dye hem daer seer toe gaf om vrede te onderhouden mitten princen van
Auteursrechtelijk beschermd