Paeusen.
Anno VIII C XLIII.
Dat LXXXVIII capittel.
Sergius die II was die C ende VI paeus, ende sat III jaer ende II maenden. Hi was te voren ghenoemt Verkensmuyl, ende also dit een onbequame naem was tot sulker digniteit, so dede hi sinen naem veranderen, ende nam an sijns vaders naem, ende wert genoemt Sergius. Ende van dese tijt is die maniere opgecomen onder den paeusen horen naem te veranderen. Mer andere seggen, dat men die naem verandert uuten exempel Cristi, die alle den apostelenGa naar voetnoot335 namen gaf. Hi croonde den keyser Lotharijs, ende hi repareerde vele vervallen kercken, ende dede veel goets in der ghemenen profijt, dat men hem noemde gemeenlick des lants vader te wesen. Aldus doende is hij ghestorven, ende wert in Sinte Pieters kercke begraven.
Auteursrechtelijk beschermd