De Ystroom

[fol. ****2v]

In yam fluvium carmine heroïco Celebratum à Joanne Antonide Vergoesio, Poëtâ ingeniosissimo.

TU, quae Teutonicum gradiens Regina per orbem

Despicis hostiles, Amsteli nympha, minas

Cujus ad illustres assurgit Roma triumphos

Heröum domitô nobilis orbe domus:

Ergóne Caesareas olim retulisse tyaras,

Et decus à ducibus commeruisse parum est?

Jam major tibi surgit honos, dum cingeris undis,

Et tuus un mediis Ya triumphat aquis.

Percutit indignis Tiberinus pectora palmis,

Et vetus extincto damnat honore decus.

Barbara, quid jactas Nili miracula, Memphi?

Nomina fluminibus deperiêre suis.

En sylvas hìc, Belga, tuas; distentáque ventis

[fol. ****3r]

 

Carbasa, & Amstelias, quas habet Ya, rates.

 

Fallor? An ex imis emergunt Najades antris,

 

Quaeque sous Nymphae deseruere thoros?

 

Vidimus in doctis natitantia numina chartis,

 

Et quibus antiqi non habuere fidem.

 

Magnificum veneramur opus: dum Musa stupescit,

 

Votáque vix vati concipit aequa sou.

 

Ne doleas afflicte Helicon, dum deficit alter

 

Cygnus, Agrippinae quem peperere sinus.

 

Alter adest, sectansque patrem jam passibus aequis

 

Ipse Maronaeam provocat arte chelyn.

 

Viderat hoc alto latitans in flumine Triton,

 

Objicis ingenium quid mihi vatis, ait?

 

Bellerephontaeas Yam qui vertere in undas

 

Sic potuit, Phaebus, si velit, esse potest.

 

 

 

C. Brandt.

 

Ger. Fil