Beschryvinge ende lof der stad Haerlem in Holland

Vande Groote Schole binnen Haerlem.

BY Privilegie van Hertog Aelbrecht van Beijeren, Grave van Holland, etc. is gegeven de Scole binnen Hairlem, als dat de voorsch. Stede mit de Persoenre (dat is Kureyt) die al dair doe was, oft namaels wesen mocht, eenen Clerc die scole geven sullen, dair hen dunckt dat de voorsch. Stede mede bewairt is; ende die sel selve die Scoel regieren, ende nyemant voir hem: ende altoos een half jair na den wederseggen, ende niet langer, off dat sake wair, dat hi dan niet nut dair toe waire, datmen dan een anderen Clerc in setten mochte, die dair nut toe wair. Gegeven inden Hage, op Sinte Niclays dach in't jaer ons Heeren MCCCLXXXIX.

[p. 510]

BEcoert by Schout, Schepenen, ende Raide, bider Rijcheyt ende Vroetschap van der Stede [van Haerlem] dat nyemant scolen houden moet van knechten dan die GROOTE SCOLE binnen Hairlem.

Ende dat nyemant sijn kinder dat knechten sijn anders ter scolen senden moet noch laten gaen anders dan in die Groote Scole, op een boete van drie ponden also dicke als sy dair off toe gesproken worden.

Getogen uyt de oude Keuren van Haerlem ontrent het jaer Mccccxx. M.S. apud P.S.