Beschryvinge ende lof der stad Haerlem in Holland

Onser Lieve Vrouwen Gasthuys op Bakenes.

WY Jan van Bekensteynne ende Jonghe Symon van Adrichem Scepene in Haerlem oirconden dat voir ons quam Claes Erensoens soens ende opgaff tot enen vrijen eyghen den Capel-meesters totter ^* Capellen begoeff op Bakenesse den rechten

* Bakeneszer Kerk.

[p. 407]

armen dair in te logieren, ende te legghen een huys mitten erve leggende ende staende by der Capelle voirsch. twishen die Capelle voirsch. ende Dirck van Hoeck an die ene sijde, Claes Moenensoen Gerijt Mairtijn Gerijt Allijns soens soen an die ander sijde, afterwairts streckende an Gherijt Mairtijns zoen ende an Jan van Avenhorns weduwe, mit horen kinderen mit sulken waterganc als dair toe behoirt, ende die scepenen brieve die dair off sijn dat wiwijsen, ende verliede alle betaelt den lesten penninc mitten eersten, ende heeffet hem totten armen behoeff voirsch. gelooft te waren als men vrij husinghe ende erve binnen der vrihede van Haerlem sculdich, is te waren mit vive ende dertich scellingen goets gelts sjaers in allen schine als sy dair op te huere staen. in oirconde desen brieve besegelt met onsen segelen int jaer ons Heren dusent vierhondert ende viertich op Sinte Valentijns dach. Descripsi ex autographo.