Onser Lieve Vrouwe, na S. Barbaren, Gasthuys.
WY Ocker van Crimpe, ende Jan Claessen Dam, Scepenen in Haerlem, oirconden, dat voor ons quam Meester Huge van Assendelf, Priester, met Claes van Assendelf thans sijne neven ende momboirs, ende opgaf puerlic ter eeren Goods, sijnre benedider moeder, ende alle Goods Heyligen, der goeder Stede van Haerlem tot eenen vrijen eygen, tot salicheyt sijnre, ende sijnre ouderen zielen, ende voirt tot salicheyt alle der gheenre zielen die hoir aelmissen geven, ende hoir handt dar doichden daer toe reycken ende uytsteken sullen totten armen behuef, die huysingen metten erven daer Meester Huge voorsch. ende Heer Wouter Meynartssz Priester, nu ter tijt selven in ende opwoonen, an malcanderen liggende, ende staende inde Sint Jans straet, etc. Int jaer ons Heeren duysent vier hondert vijf en dertich opten thienden dach in Aprille. Ende was uythangende besegelt met drie segelen een groot ende twee cleyne in groen wassche ende aen dubbelen staerten. Descripsi ex autographo.
Dese Incarnatie is voor aen de Poorte van't Gasthuys in harden steen gehouwen.
OM dat WII oVt ende behoeftICh sChenen Verlaten,
Heeft HVgo Van AssendeLf hIer gestICht t'onser baten.
Auteursrechtvrij