Roman van Heinric en Margriete van Limborch

(1951)–Hein van Aken– rechtenstatus


[Boek XI] DIe eyrste Bache up püre doegt, Want ir alle dinck vermogt, Uch ain-roepe ich tzi deser tzijt, Dat ir en mijnre hulpen sijt, 5[regelnummer] Ende gondt mich, dat ich volmake Dese jeeste ind so gerach, Dat sij bequeme muis wessen Hon allen, die sij horen leesen. Want idtz sicher woirheit, 10[regelnummer] Dat ich er menge arbeit Umb ham geleden vrüich ind spoide. Ouch bidde ich uch, Here, genäde Van der groser ydelheit, Die ich dar-yn hain gesette. 15[regelnummer] Mer doch hain ich gesait die dinge Omb gerechte leringe, Want sijnt Pauwels sait dat, Wat geschreven is tzü eynger stat, Datz ons ummer dar-umb geschreven, 20[regelnummer] Dat uns sonderlige lerunge sal geven. Ende so is ouch dit gedäin. Ouch bid ich hon allen sonder woen, Die id lesen of lesen horen, Dat sij Got loven tzü voeren 25[regelnummer] Van alle den gude sicherlich, Dat he mich up ertrich Gedoen heeft ind noch doin sal, Ende ouch, dat ich boven al begerre, dat ewige leven 30[regelnummer] Nä mijne doet her boven geven Ende uch allen mede tzü samen. In Goytz namen sait amen. Got unse Here müys bewaren Die coninge, die nü bene varen. 35[regelnummer] Ich lays sij varen ind sain uch vort Van den-genen, die [sijn] in die port Sijn tzu Constantinoble bleven.
[pagina 126]
Ga naar margenoot+De vrede, de dar was gegeven, Was gegeven blydelich, 40[regelnummer] Ende ouch quam[en] des gelich Die van büeten en die stat, Jäe, die dar-yn mynden, west dat, Ende hadden vreüde ind feyste. Op eynen dach, sait die jeeste, 45[regelnummer] So hielt hoff die keyserenne. Dar quomen mit blyden senne Van büyssen der coninge eyn deil. Solde ich uch sagen al-geheil Die feisten, die dar woren gehalden, 50[regelnummer] Ich weyntz ure etzlich verdrijessen solden. Noe den essen ginck int pryiel Die keyserenne ind eyn groes deil Der coninge, die van bynnen woren Ende ouch die van büyssen tzworen, 55[regelnummer] Ende ouch die jonffrouwen mede, Die dar woeren in die stede. Weirlich, ich sain uch dat, Dat eyne die liefflichste stat Was, die man mocht vesieren. 60[regelnummer] Dar wiessen blümen mengertieren, Die drogen menge vrucht, Süysse ind cüle was dar die lucht, So-dat dar en Conste mit pijnen Die sonne dor [konste] geschinen. 65[regelnummer] Ouch sprongen fonteynen ein deil, Die sere tzierden dat prijeil, Die clare woren gelich Cristalle. Op die boüme songen ouch wale Nachtegalen ind kalanderen 70[regelnummer] Ende lewerken mit den anderen. Die cleyne vogel ind die groet Songen dar wael menge noet. Ich en mocht uch dat hondertste deil Die lieflicheit van den prijeil 75[regelnummer] Niet irtzellen, al hed ich die stade, Wat pijnen ich dar-tzü dede. In dit prijeil, dat ich uch nome,Ga naar margenoot+ Dar menge rose ind menge blome En stonde, woren gesetten 80[regelnummer] Die jonffrouwen en die coningen vermetten, Umb tzu kurten yren tzijt. Dar was vreude ind jolijt, Want ygelich coninc was gesetten By der-genre, die hoem vergetten 85[regelnummer] Dede sijn rüwe ind sijn sere. Dar wart gesucht menge kere, Omb tzü ondervinden die herten, Doe sij omb leden smertzen. Voel hoesther tzalen was dar, 90[regelnummer] Die mich were vele tzü swoer De vertellen sonderlingen. Dar was spel ind dach-kürtinge. Die keyserenne was tzü räde Gessessen onder eyn stat 95[regelnummer] Van eynen schonen olyvier. By hoere säissen die ridder fier, Her Heinrich ind her Echites. Ouch sat dar, gelouft mich des, Van Salenten der coninc vry. 100[regelnummer] Ende ouch so sat dar-by Der alde greve van Athenen. Die ander sayssen verre henen, Her ind dar en den bongart. Ende Magrieten quam tzer vart 105[regelnummer] Usser den sael sicherlich Mit den coninc van Vranckerich. Ende due sij en den bongart quam Indt her Demophon vernam, Stonde he up jhegen hoere 110[regelnummer] Ende jhegen die coninc meir. By hoem so sat Ysione, Die kusche maget in[d] die schone, Ende is ouch mede up-gestäin, Nü is sitzen by hoem gegoin. 115[regelnummer] Als dat die ander schouwen, Die dar säissen by der jonffrouwen, Stonden sij up ind gingen mede Sitzen tzü der-selver stede. Ga naar margenoot+Igelich nam die jonffrouwe mit der hant, 120[regelnummer] Die dar was sijns hertzen bant, Ende bleven sitzen dar tzü samen, Die dar woren ind die dar quomen. Dar was mengerhande tale. Due sade Yseoen, die schone smale, 125[regelnummer] ‘Wat spels moge wir nü ain-goin?’ Magriete sade: ‘Ich doin id uch verstoin. Hie is mennich de sere mindt, Ende hoera is widder onbekent, Off he yet gemendt sij. 130[regelnummer] Eyn spel wille ich ons machen, dar-by Ygelich sal kennen des anderen hertz, Dar-umb dat groes smertz Muys [he] Cortligen gewennen Ende altoes misval van mijnnen. 135[regelnummer] Ende coninc sal heyschen dat/spel, Dar ygelich sal berichten wel, Des hoera der coninc vragen sal. Nü legt yr ure hende all Die eyne up die ander, ind telle wir. 140[regelnummer] Up weme tzien vallen, ich wille, dat by sij Over onss here, ind coninc sal sijn. Ende wir sullen boem alle dinck Berichten, des he unss vrogen sal.’ Dit so loeffden sij all. 145[regelnummer] Dit was dat eirste conincspel, Dat ye gespelt was, weis ich wel. Due lachten sij yre hende dar. Mer dat wyst wael vürwoir, Dat coninc bi den gerechten tale 150[regelnummer] Magriete wart, die schone smale, Die sich schampde harde sere. Mer Demophon, der here, Sade, dat hoere zu recht behoirt, Want sij id eyrst bracht vort. 155[regelnummer] Due sacht sij: ‘En den name onss Heren, Sendt in ummers wilt, it heren.’ Magriete, die wale-gedoen, Sprach alsus Demophon ain: ‘Here’, sait sij, ‘Coempt tzü hove.’ 160[regelnummer] ‘Vrouwe, ich tienre tzü [uren] love.’Ga naar margenoot+ ‘Saet, wat wercks kont ir wirken?’ ’[Vrouwe,] ich kan mijn vrundenne mirken, Umb tzü wessen off sij mich mijndt. Nochtan ist mich noch unbekijnt.’ 165[regelnummer] ‘Tzworen, here, id is vernoy. Nu here, bericht mich dat: Ir haet gewandelt in dese stat Ende en desen bongart reyne, Dar-yn springt menge fonteyne, 170[regelnummer] Süse van smach, doer van gronde. Is eynge der fonteynen claer, Der yr ye quoempt so noe, Dat uren monde yet hed geneket Der fonteynen, die so wael smacht?’ 175[regelnummer] Her Demophon, de dit hait verstoen, Was mit pensen bevoen, Want he en wijst antwerden wie. Tzu lesten sade he dar-tzü: ‘Tzworen, vrouwe, versteit my. 180[regelnummer] Hir is eyn fonteyneo by, Schone ind claer, van süssen smache, Dar ich voere egein sach En koese, die ich mach gesagen, En-deme ich mijnen ment lecht 185[regelnummer] Am hoeren born ind die gereinen. Nochtan hain ich vele pijnen Gedäin dar-umb ind seir besweirt, Mer he steit so vast gemürt, Dat ichs nyet en kan gewennen. 190[regelnummer] Der gront is so vast van bynnen, Dat ich en noch mit yser, noch mit stäle Niet en kan gewennen wale. He is mich tzu dieff dat derde/deil. Nochtan hain ich gedreit eyn seil 195[regelnummer] Uyss mijnen oügen mit bitteren tranen. Nochtan en kan ich nyet gewenen, Datz ichs nummer verkrijge, Wat ich diene, off wat [ich] nyge.’
[pagina 127]
Ga naar margenoot+‘Tzworen here, datz uch swoir.’ 200[regelnummer] Tzu hove dede sij komen dar Van Salenten Ysione, Die man küme mocht verschonen. Die coningenne sade: ‘Jonffrouwe, Nü bericht mich up ure trouwe. 205[regelnummer] Ir haet hie tzü mengen tzijde Gesien betalie ind strijde. Haet it eynich swert vernomen, Dat tzü uren hertz is komen Off mit stech off mit slage? 210[regelnummer] Nu bericht mich, des ich uch vroege.’ ‘Weirlich, vrouwe, west wale, ich sal Uch die woirheit sagen all. Ir west wale, vrouwe mijn, Dat vreischlich[er] die stech sijn 215[regelnummer] Van den swerden dan die slage, Man vernempt alle dage. Die siege, vrouwe, hain ich untfoin, Die mich ent/hertz sijn gegoen, Ende dar-yn gemacht eyne schüre, 220[regelnummer] Mer nochtan en geit id nyet düre. Can ich mich vur den steche gewachten, Voele tzü men sal ichs achten.’ Die coningenne sade: ‘Sommer mijn trouwe, Ir haet mich wale bericht, jonffrouwe.’ 225[regelnummer] Düe sade vort die maget amijs: ‘Van Prassia her coninc Prassijs, Ir haet gewandelt en desen vrede, Ende ouch mit den anderen vrede mede En dese stat ind ouch alhier. 230[regelnummer] Nü bericht mich, her coninc fier. Sier, en desen bongart, got-weit, Mennich schone boüm gewassen steit, Die somer ind winter stoen groen. Altoes sijn sij en sasoyn. 235[regelnummer] Sij en welwem, noch sij en drügen Saet, soegt yr mit uren oügen Hier engen, dar uch mede Iet verloest is dese stede?’Fol. 127b. ‘Tzworen, ver coningenne, jaet. 240[regelnummer] Eyn pijmboüm hie bennen stoet, De süte gerechte genant sij. Eyn pijmboüm so is hy, De mich dünckt so over-hoge, Wat ich pyne, off wat ich pope, 245[regelnummer] Off wat vernoy ich doge. Nochtan hain ich er nü en echt Starke leideren ain-gericht, Die hoge van gelouve sijn. Nochtan, lieve vrouwe mijn, 250[regelnummer] So is sij ommer tzü kürt bleven. Vrouwe, ouch hain ich geweven Corden, die uss den herten komen, Die van diepen suchten sijn genomen, Omb-dat ich [en] nydder wone hoelen. 255[regelnummer] Mer al mijn clagen ind mijn talen Is omb nyet, dunct mich tzü voren. Den hoep hain ich wail-nä al verloren.’ ‘Neyn here’, sade die coningynne, ‘Hoepe bryngt al doegt ynne.’ 260[regelnummer] Die coningenne vroegde nä-dat Der jonffrouwen, die by hoem sat, Dat was Palladia van Macidoen, Eyne maget usser-mäissen schone. ‘Jonffrouwe’, sade sij, ‘bericht my. 265[regelnummer] Hie haet mennich ridder vry Gestreden en desen lande Mit wopenen mengerhande. Sait, sogt ir eynge so gemacht, Die yet uren herten is geneickt?’ 270[regelnummer] ‘Tzworen, vrouwe, jae ich, eynen. Eyn starck geleye ist, die ich meyne, Die gerecht steit/up dat hertz mijn. Mocht ich/er ong[e]wont aff sijn Ende ungequetzt, wie sij mich dreuwet, 275[regelnummer] So bleve ich noch ongeveigt, So sulde ichs mich sere beloven Ende soltz noch blijven al en boven, Fol. 127c. Mer sij is cleine ind lanck. Ich vorte, dat sij äin mijnen danck 280[regelnummer] Noch dieff en mijn hertz sal baden, Dat nye egeyn wapen en däden.’ ‘Jonffrouwe, ir haet mich wael bericht.’ Vort vrogde die coningenne echt Van Gange coninc Colosus. 285[regelnummer] Eyrstwerff vrogde sij hoera alsus: ‘Her coninc, nü duet mich verstoin. Gerne so hait yr gedäin ind gegäin Ende gekeirt en onse stat. Nü bericht mich, ich heische uch dat. 290[regelnummer] Ir haet gesien mijnre vrouwen crone, Die dure is ind harde schone Ende besat mit mengen düren stein. Dar sij en hait mengen eyne Dyamante ind onichine, 295[regelnummer] Gamaüwe ind sardine, Onich ende achaten, Saphire, miraude ind garnaten Ende mengen anderen duren steyn. Nü bericht mich, off dar-en in is egeyn, 300[regelnummer] Dar yr die Crone umb mindt tzü me Ende hie en dese stat koempt tzü ee?’ Der coninc antwerde häestlich: ‘Tzworen, in die krone rijch, Vrouwe, steit eyn dyamant. 305[regelnummer] Ich hain dar-tzu gesat mijn hant, Wie dat ich en geschoren mochte. Mer wat ich dede off wat ich süchte, Dat en mocht mich geschien twint. Nochtan hain ich mich waele versint, 310[regelnummer] Dat man duet wael, vrouwe guede, Scheiden mit warmen bocks-blude Den dyamant, wie vast he sij. Nü neme ich voel noere my Ende sal uch sagen, vrouwe, wie. 315[regelnummer] Mins hertzen bluet doin ich dar-tzü, Gewarmpt mit mijnen heissen tränen. Nochtan kan ich nyet gewenen, Dat ichs mit alle der pijnen mijn Gekrijgen sal eyn luttelkijn. 320[regelnummer] Dat müyt mich drove hertze geven.’Fol. 127d. ‘Got/unse Here besser ure leven Ende müyt besseren noch ure leven, Dat is wale mijn begeren.’ Vort sprach die coningenne ain: 325[regelnummer] ‘Bericht mich, vrouwe Elyäne. Däe en orloch lijt eyn here, So haint sij tzü honnen werre Mengerhande wäpen bracht. Soe saet mich, off irs siet bedacht, 330[regelnummer] Haet yr hie eynge wopen gesien, Dar ir uch aff doert ontsien?’ ‘Jä ich, vrouwe, van eynre gysarme, Dar man mit sleit mit beiden armen. Die stege sijn starck ind swoer. 335[regelnummer] Mer wist wale vürwoir, En hedt gedoin der schilt, Den ich aller vür mich hielt, Ende den mich mijn meister gaff, Nochtan is he vele-nä aff, 340[regelnummer] Ende sade, duet willich dat yr duet, Ende besiet off dat ende is guet. Der schilt bait up desen dach Gehat so sworen slach, Dat ich en en konst so gehalden, 345[regelnummer] He en müyst in die hant mich valden. Ende der slach schampde, got-weit, So-dat he mich in/dat hertz sneit. Were he vorder yet gegäin, Ich vorte, mijn leven were gedäin. 350[regelnummer] Noch vorte ich, als ich vorten mach, Hain ich noch alsulgen slach, Dar mich Got aff müys bevreden, So sal sijn mijn leven leden.’ Die coningenne sade: ‘Jonffrouw guede, 355[regelnummer] Ich rade, dat it blyft en ure Nude.’ Due vroegde vort die wael-gedoin Maurus, den coninc van Moriane, De van hüde was also say, Nochtan was he in dat hertze stray. 360[regelnummer] ‘Bericht mich, here her coninc fier. Wir sitzen hie en dit virgier, Dar-yn steynt mengerhande biomen. Sait mich, is er eynge komen
[pagina 128]
Ga naar margenoot+So nä, dat ir sij haet geblückt?’ 365[regelnummer] ‘Gepluckt, vrouwe? Hedt also geluckt, Dat ich mocht mit/alle mijnre pijnen Mijnen mont den bladeren gerijmen Van den knoupe van der roesen, Die ich van hertzen ham irkoesen, 370[regelnummer] Ich were der blijtste man de leeft. Mer natüre, die mich heeft Gemacht van alsulger gedänen, Duet mich anders-sijns wonen Ende wanne-hoffen, dat ich moge 375[regelnummer] Niet gekrijgen, dar ich noe poege.’ Magriete sade: ‘Wie slet ir yrveirt! Haet hoffen. Hoffen is goiütz wert. Nü bericht, Nihandere, Gelich gedäin hain die andere. 380[regelnummer] Wart ye wopen up uch getogen, Die uch tzen hertzen quam gevlogen?’ ‘Weirlich, vrouwe, versteit mir. Mich haet gewest decke by Eyn strale, gelich id were geweist eyn knyff. 385[regelnummer] Mer nye en quam sij mich int/lijff, Want allet dat sij mich neket, Was mit den plompen dat he gerachde. Al schois he int/hertz eyn deil, Nochtan bleyff die hüet geheil. 390[regelnummer] Ich en sain nyet, were dat scharp komen, Id en bed mich den sen genomen Off dat lijff, dat ich noch untsien. Want men bait gesacht ye ind ye: Dat die krüich so lange geyt 395[regelnummer] Tzen wasser, dat man sij en-tzwey sleyt. Ende dar-by, solde man decke schieten, Ich vorte, dat ichs sulde misnietten.’ Magriete sade: ‘Hüet uch van snede, Want dar guet hude is, dar is guet vrede.’ 400[regelnummer] Der coninc van Vranckerich, datz woir, Sat by Celedonen doe, Van Dalmacia des conincs kint, Die he van alle sijnen hertzen mijndt. Die coningenne, sij began 405[regelnummer] Den coninc sus zu sprechen ain: ‘Here her coninc, nü bericht my, Willich uch dunckt dat starker sij,Ga naar margenoot+ Natüre off lerinck off menne?’ ‘Tzworen, vrouwe, ver coningenne, 410[regelnummer] Diese questie is mich zu swoer. Mer ich sal uch offenboer Berichten nä mijnen senne. Dat man hait/van natüren yn, Dar is man tzü harde gereit, 415[regelnummer] Want art is eyn vast cleit. Ende dar-by, dat eyn mensche hevet Van arde, wijst, dat he begeft Harde node, mach he is untgoen. Doch dat man node düet, wirt gedäin 420[regelnummer] Decke. Ind ouch, vrouwe, lerunge, Dat sijn gewoenliche dinck, Ende dar-tzä is eyn mensche gereit Ende abel zu, got-weyt, En wat lande dat he woent. 425[regelnummer] Mer itz gesacht up menge ure: Dat voer leringe geit nature, Ende dar-by balde ich offenbäir, Dat der mennich sait, datz woir. Mer west, dar-nä en mijnen synne 430[regelnummer] Vele starcker is die mynne. Want sij verwindt beide dese dinck, Näture ind oüch leringe. Ende sal uch sagen, vrouwe, war-by. Nü siet, dat van natüren sij 435[regelnummer] Eyn mensche vrech ind girich mede. Mynne bricht boem sijne sede Ende macht en milde, war he keirt. Wie diepe eyn mensche is geleirt, He wirt wale bevoen mit mynnen. 440[regelnummer] Ende so sij me lerunge kynnen, So sij eir blyven gevoen. Ende dar-by, nä mijnen verstäin, So is krechtiger die menne.’ ‘Tzworen’, sade die coningenne, 445[regelnummer] ‘Ir haet mich bericht schone. Nü bericht mich, jonffrouwe Celidone. Vier winde weden, weys man wel, Etzlige suysse, etzl[i]che fell, Ga naar margenoot+Datz süden, west, oist ind nort. 450[regelnummer] Ne bericht mich up die wort: Esser eynich, den yr tzü voeren Vor die ander hait verkoren Ende dar uch dat hertz me up-staet?’ ‘En-trouwen, ver/coningenne, jaet. 455[regelnummer] Der over-suysse went van west Dunckt mich wesen der alre best. Want van danne sijn mich komen So vele rosen ind blomen, Die mich ent hertz woren gelesen, 460[regelnummer] Dat ychs hon müys tzü vrunder wesen. Want tzü ygelicher blümen ind zu ygelichen stonde Doent mich komen uss hertzen grunde Ende van als dieff als sij komen, Werden sij widder als dieff genomen.’ 465[regelnummer] Nü vrogt vort die coningenne Den keysser, [de] mit blijden senne Sat by jonffrouwe Salaminen Van Tracie, die boem mit pijnen Ende en gepense leven dede 470[regelnummer] Ende ouch en vele vrouden mede. ‘Here’, sade sij, ‘bericht mich des, Willich vermogenre is, So coninc, so wijn, so vrouwe?’ Der [keysser] sade: ‘By mijnre trouwen, 475[regelnummer] Nä mijne macht so sal ich uch Hie-up, vrouwe, berichten nü. Eyn coninc is en sijn rijch Recht, vrouwe, als de gelicht Als der vreischliche regen, 480[regelnummer] De van den hemmel kompt geslagen. Want he deck voer boem sindt Storme, donre, blixem ind went. Groete vloede dar-aff komen. Mengen haet ouch dat lijff genomen 485[regelnummer] Beide tzü lande ind tzü see. Alsus is der coninc, noch men noch me, Der coninc en sijn rijch. He is untsien grüwelich. Doch jhegen die pijne, die he hün duet, 490[regelnummer] üSo beschüdt he hon doch hon guet, Sijnen underseissen ind sijnen luden, Ende en leit hon nyet misbieden. Gelich dat en den regen lijtGa naar margenoot+ Vernoy, als ich ham gesait, 495[regelnummer] So lijt dar so vele guetz ynne, Dat en die lude untsien tzü men Ende loven Gode, dat he en hon gieft. Want als he en ouch unthalden heeft, Bidden sij dan mit oytmude, 500[regelnummer] Dat en hon geve Got der guede. Suss, ist gebrech eynen coninc, So bidden die lude vür alle dinck Omb eynen guden ind cortlingen. Ende hie-by dunkt/mich, en wore dijngen, 505[regelnummer] Al ist dat he mogende sij Ende untsien is her-by, Van den sijnen sere begert, Want dar man omb bidt, bait man wert. Vort ist starck vür al dinc 510[regelnummer] Der wijn, want he den coninc Verwindt ind dar nydder leegt, Ende ygelichen, de en tzu sere pliegt Tzü nemen [ende] tzü overmäten. Mer vrouwe, ich wille uch wessen läeten, 515[regelnummer] Dat die vrouwen, ongelogen, Sijn alre-meist vermogen. Want coningen van groeter macht, Rijke van gude ind van geslechte, Dwingen sij, gelouft mich dat. 520[regelnummer] Ich hoirde eyns leesen tzü eynre stat, Dat geschreven stonde also: experte credo magistroe. Datz, dat he gelouve heeft Ain den meister, de geproeft heeft. 525[regelnummer] Die den wijn wennen mede, Dwingen die vrouwen tzü ygelicher stede. Want die-gene, die en wennen, Düent die vrouwen so untsennen, Dat sij en läissen ungewonnen, 530[regelnummer] Der wijn en sal sij gedwingen konnen Mit alle sijnre kracht, he en blyve verloren, Ich geeft den vrouwen al/zü voeren.’ Vort sade die coningenne fijn: ‘berijcht mich, jonffrouwe Salamijne.
[pagina 129]
Ga naar margenoot+Lange wile ham ich bekindt, Dat yr van hertzen hait gemendt. Nü sait mich, we uch dat meist toegt Dat ure hertz an vloech? Off vr kondt, berichdes my.’ 540[regelnummer] ‘Tworen ind Got, vrouwe, dat sij. Die hoegheit van den grosen here, De sich veroitmüdicht so sere Ende nederde, de was so rijch, Dat he küme schein mijn gelich. 545[regelnummer] Die trenen ind die suchtingen Van so mechtigen coninc, Dat schoene geloff, dat groese beheyt, Dar he alwege is tzü bereft, Hait mich geschossen mit Venus sträille, 550[regelnummer] Dat ich ben sijn alzu-moel, Ende hoem is mijn hertze bleven. Sus leve ich ind doin widder leven.’ ‘Tzworen, jonffrouwe’, sade die maget, ‘Dit is dat ich uch hain gevroget, 555[regelnummer] Hait ir mich nü wale wessen doin. Nü bericht mich, coninc Ryoen, Off yr konnet, ind sait mir, Willich die meiste genüichde sij, Die [den] mynsche en eyngen sennen 560[regelnummer] Op ertrich mach gewennen?’ ‘Vrouwe, der genüichden is vele. Al ist dat irs vroegt en spele, Mer ein dinck wille ich uch doin verstäin, Die mich dunckt bäven die ander goen. 565[regelnummer] Datz, dat des morgens in/den dage, Als man ewenich gesege, Hedt eyn schone bed gemacht Ende dar-up lege al moder-nacht, En eyne kamer, die roche wale. 570[regelnummer] Die kamer sulde ouch alzü-moel Mit gronen biessem gestreuwet sijn. Ouch sulde dar en eyn pelskijn Ende en eyn hemde al barvoet Die-gene [sijn],dar hoem die mijnne aff duet 575[regelnummer] Decke verdrijet ind toeren. Ende dar he int hertz aff verkoren Lange heeft ind begert,Ga naar margenoot+ En die he vür alle creatüren wert, Solde vür hoem stoin ind haven mit 580[regelnummer] Hoeren eynen vüet up die erde geset En den anderen noch beneden, Dar sij sulde mit/up-treden. Ende solde mit eynre hant dar-nä Die decken up-luchten dar, 585[regelnummer] Als gerade onder zu goen Ende der-gen solde lijgen en wone, Dat sij geräde komen sal, Want sij dar-tzü bereyt steit al. Nochtan so en wille ich nyet, 590[regelnummer] Dat [sij] näre kome yet Dan sij dar steyt ind he is warde. So lijt he en den blijtsten gedacht Ende ouch en dat schoenste leven, Die yman en ertrich mach gegeven.’ 595[regelnummer] Due saden alle die heren dar: Sicherlich, dat were woer. Due vrogede vort die coningenne Elyonette, dä sijne mijnne In lach, van Amazonia, 600[regelnummer] Want id hoere behoirt dar-noe. ‘Nü sait mich vrouwe, dor ure ere, Dis bongart is schone sere. Hie sprinckt mennich schone krüyt. Sait, geit hie eynich tzer erden uyt, 605[regelnummer] Dat yr vür alle die ander begert?’ ‘Tzworen, ver coningenne wert, Eyn balsom kompt hie tzer erden, De mich donckt van so groeser werden. Mochte ichs haven in mijnen hande 610[regelnummer] Ende mit mich voeren tzu lande En behalden al mijn leven En dat sij nyet en worde verdreven, Dar en koere ich nyet voere sicherlich Alle dat guet van ertrich. 615[regelnummer] Nochtan wille ich dat/yrt weet, Hain ich sij geplant ind geset Diepe en mijns hertzen gront. Mochte ich noch dan zu eynger stont Gekrigen dar-aff dat woirtzeigen, 620[regelnummer] Id müist anders geplant sijn, Ga naar margenoot+Dat en mijn lant Amazonia Ich solden hoem decke volgen nä Ende sult tzü mijnen staden lesen, Dat id en mijn hertz moest ommer wesen.’ 625[regelnummer] Pasca, die vrouwe van Pyra, Wasser due gesessen nä, Ende van Beheym der coninc, De sij mynde vür alle dinck. Die maget sade: ‘Vrouwe, duet mich wetten. 630[regelnummer] Vremde man, de verre is gesetten, Mach he werden nägebure, Jä he vrunt, dat wirt harde sure Werden sulde, de altzü-moel Uss wolde werpen sijnen poel, 635[regelnummer] Ende al verdriven dat dar woent?’ ‘Vrouwe, dit is schoene verschoent. Wael so hore ich ure gebiet, Al en ist, ich en wene, nyet. Ich verstoin ure wincken wel. 640[regelnummer] Dat sain ich uch al sonder spel, Over woir ind ungelogen: Ich hain so vast ain mich getzoegen Van vremden lande eynen here, Dat ich en en mach nummerme, 645[regelnummer] Noch en wille, van mich verdrijven. Ich wille allet sijn nägebür blyven. Jä, so nä, dat tzü alre stont Sijne wonunge in mijns hertzen groent So vast geplant sij ind geveste, 650[regelnummer] Dat mich omb boem dunckt pensen dat best.’ Due sade die coningenne: ‘Vrouwe, Tzworen, ir dunckt mich wesen getrouwe En des steit yr en mijnen love. Nü her coninc, koempt zu hove.’ 655[regelnummer] ‘Synt ich hain vernomen Ure gebot, so ben ich er komen.’ ‘Saet, wat wercke kondt ir wirken?’ ‘Ich kan horen ind mirken Sülgen tzijt wille, sulchen tzijt unwille. 660[regelnummer] Ind wat ich hoere, ich swige al stille.’ ‘Tzworen, here, datz wail gedoin. Nü sait mich, wat yr haet verstoin Hie en mirckt, willich dat u Alre-best behaget nü?’ 665[regelnummer] ‘Dat sain ich, vrouwe, wat solde ich el? Jonffrouwe Salemijne behagt mich wel, Ende bat van AmazoniaGa naar margenoot+ [Ende] Elyonette [ende] dar-noe best die vrouwe, wilt irt wetten, 670[regelnummer] Die mich is alre-neyst gesetten. Hoere berichten ind hoer antwerde Helt mich blijde ind gieft mich vrede.’ Hie-nä nam die coningenne Eyn rijs mit blijden senne 675[regelnummer] Ende sade: ‘Her Demophon, soen Nu nempt, here. Ir moest untfoen Mijn rijch, dat ich uch geve hier.’ ‘Neyn vrouwe’, sade der coninc fier, ‘En onsen lande so is eyn seede, 680[regelnummer] Vrouwe, den sult yr halden mede. Ein coninc, de wilt sijn van love, Als he ontboeden bait zu hove Sijne hoge lude ind sijne baroen Umb ere ind feyst tzü doen, 685[regelnummer] So en wilt he nyet, dat sij ydelre hande Widder-keren tzü yren lande, Mer gieft hon gichten inde beden, Alst wael betaempt eirlicheiden. So sult ir ouch doin ygelichen here 690[regelnummer] Ende ygelicher vrouwen guet ind ere.’ ‘Dat ich ygelichen geven solde Dinck, die he mich bidden wolde? Mich were sullich dinck ungereit.’ ‘Neyn vrouwe’, sprach he, ‘got-weyt, 695[regelnummer] De bidt, dat nyet tzü geven en is, Untsaet sich selve, des sijt gewijs. Mer ygelich sal vrogen, ind ir sult hoem Wael berichten nä uren sen, Gelich wir uch hain gedäin.’ 700[regelnummer] Die jonffrouwe sade soen: ‘Here, dit wille ich gerne wogen.’ ‘Vrouwe, so wille ich dan vroegen’, Sade Demophon mit blijden senne. ‘So bidde ich uch dan, ver coningenne, 705[regelnummer] Dat ir nü duet verstoen mir, Wat dinge dat mynne sij.’ ‘Tzworen, here’, sade die maget, ‘Itz tzu swoer, dat ir mich vrogt. Ich ben onder die vüete gevallen 710[regelnummer] Al/zü sere onder uch allen,
[pagina 130]
Ga naar margenoot+Want/ich hie tzü domp tzü ben.’ ‘Neyn jonffrouwe, nä uren sen Begerre icht nü’, sade der coninc. ‘Want id en is geyne onmogeliche dinck, 715[regelnummer] Vrouwe, dar ich umb bid nü.’ ‘Here’, sade sij, ‘so sal ich uch, Nä mijnen verstoen, alzu-hantz Berichten. Menne dunckt mich eyn bant, De tzwey hertzen tzü-gader bindt, 720[regelnummer] Die sij van-eyn verscheiden vindt, Reyne ind süver van manieren, Wetenden ind guder-tieren, Eyn wille ind eyn begeren En den alle solden derren. 725[regelnummer] Ende wille uch sagen wie. Ir siet mijn ind ich ben ure, Niet en mach verscheiden sijn, Dar disse bant is vray inde fijn. Ditz mynne ind nyet el, 730[regelnummer] Nä mijnen sen, dat donckt mich wel.’ Esyone, die wael-gedäin, Sprach [alsus] der maget ain: ‘Vrouwe, hir-nä so bid ich uch säin, Dat ir mich wilt dom verstoin, 735[regelnummer] War-aff dis bant gemacht sij, Ende we en machde, dat saet my, Ende woe-mit he is gemacht?’ Due sade die maget wael-geracht: ‘Nä mijne macht, sal icht uch vort-brijngen. 740[regelnummer] Dese bant is van drij strijngen, Edelre dan van eynen kock Off van eyngen sijdenen locke. Der eyn heist oitmodicheit, Die hovert onder die vuete leet. 745[regelnummer] Hoescheit [heist] die ander stre[n]e, Roem ind dorperheit brijngt die-gene. Dat derde is eyn milde müyt, De quode tzüngen swigen duet. Diese drij, die ich ham geseet, 750[regelnummer] Dreyt tzü-gader ledicheit. Die ougen sijn die sachen, Die sie regeren ind vast machen. Want versteit mich wael hier, Dat die oügen sijn portierGa naar margenoot+ 755[regelnummer] Der hertzen, ind dom vür hon komen, Dat sij büyssen haint vernomen Ende binden den bant gereit. Ditz dat beste, dat ich er aff weyst.’ Prasijs, der coninc, de her-nä sat, 760[regelnummer] Sade: ‘Vrouwe, berijcht mich dat. Ir saet, dat eyn bant is mynne, De bindt tzwey verscheiden dinck. Ende dat mach wale woer sijn. Ist bant, ver coningenne fijn, 765[regelnummer] So müyst tzwey dinge tzü-gader bynden. Nü sain ich, vrouwe, dar wir vinden Decke, dat gemendt bait der eyn, Dat nyet den anderen en gereyn, Als man vindt en mennich lant, 770[regelnummer] Ende dan en is mynne egeyn bant.’ Die coningenne antwerde dar-noe: ‘En[de]-trouwen, here, ure questie is swore. Ich machde den putte, dar ich viel ynne. Nochtan dunckt mich eyn bant mynne, 775[regelnummer] Here, ind sal uch sage wye. Id kome, here, also, dat gij Wilt bynden tzü-gader tzwey dingen. Ir leegt dat eirste sonderlingen Den bant up die erde, datz ure begen, 780[regelnummer] Ende eyn dinck eyrst dar-ynne Ende dat ander dar boven met. Here, ich wille, yr wale west, Dat onden lijt in den bant, Here, ditz uch wale bekant, 785[regelnummer] Dat dat gebonden blyven moet. Mer dat man boven bennen duet, Dat en haet des bantz nyet eyn twijnt. Nochtan wille ich wale, dat ir kindt, Dat dar-umb der bant nyet en hait verloren 790[regelnummer] Sijnen name van tzü voeren. Want he hait doch gebonden, Dat he dar-ynne hait vonden Ende blijft ligen mit dien, Dat dar yman tzü sal tzien. 795[regelnummer] Der hoepe deyt yn sonder begeven Altoes in/den bant leven.’ Die coningenne vrogde hir-nä Van Macedonia Palladia: Ga naar margenoot+‘Vrouwe, nü duet mich verstäin. 800[regelnummer] Diese bant mach he vergoen Ende werden al begeven, [Alwege inden bant leven] [Die coningenne vroegde her-nä] Ende war-mit dat he wirt verdreven?’ 805[regelnummer] ‘Jonffrouwe, versteit al sonder spel, Dat leckerie van mennen bricht wel Den bant inde die menne beide, Ende [ouch] vrouwen ongestedicheide Due decke scheiden dä dit is by. 810[regelnummer] Ouch, jonffrouwe, so vroegt ir, Offt alzu-moel blijft verdreven. Jäet, sij en willens begeven Ende widderkeren, so sal goen Der eyn den anderen gerne untfoen. 815[regelnummer] Want men sait, got-weyt, Dat eyn nuwe pot untfeyt Dat he den-selven smach unthalden Gerne müyt en sijnen alden.’ Vort so sass der coninc Colosus, 820[regelnummer] Ende vroegde der coningennen sus: ‘Lieve vrouwe, bericht mir. Sijnt dat menne sus edel sij, Wie en byndt sij nyet also wale Beide tzü samen tzü eynen moel, 825[regelnummer] Als sij den Eynen pijnen duet?’ ‘Here, des ben ich unberoeden. Ich ben en gevat, doch müys ich waden Over, so ich dat beste kan, Op-dat mirs Got unse Here gan. 830[regelnummer] Here, ich hain vernomen ain den-genen, De meister was tzü Athenen, De mich dede dat verstäin, Dat en/den firmamenten stoen Hie-boven vij planeten, 835[regelnummer] Die ich uch wille doin wetten. Saturnus quoet ind fel gemüyt Ende Jubiter hoesche ind guet, Mars voer-loupende ind wrede, Die Sonne schone ind heet, 840[regelnummer] Marcurius simpel ind wijsGa naar margenoot+ Ende Venus hait van der mennen prijs, Der Mäin dapper ind snel. Suss heissen sij, dat weys ich wel. Die meister sagen, dat en geschiet 845[regelnummer] Hie-up ertrichen nyet, Nü hoirt wat ich uch sagen sall, Id kompt van desen planeten al. Als ein kint wirt geboren Under eynen planete verkoren, 850[regelnummer] Alle die natüre des planeten Haet dat kint, sult ir wetten. Mer is dar eynich ander by Der quoder planeten, gelouft des my, So deit he mede dat sijn. 855[regelnummer] Di[e]t deyt mengen hoesche pijne. Ende hie-omb haet menge sträle Ver Venus, dat weis ich wale. Nü mirckt, ich sal uch sagen, wie Id sijn komen so dar-tzü 860[regelnummer] Dat geboren wirt ein kijnt, Als Venus tzü regieren begent. Dat kint müys sijn lieff-getal Ende gemendt over all Ende ouch müys mennen van naturen, 865[regelnummer] Want id is en hoem geboren. Es en hoere off en sijne macht Saturnus, id benempt hoere kracht Eyn Broes deil, versteit mich wel, Ende macht dat kint dorper ind fel. 870[regelnummer] Al moest umb Venus menne ontfoen, Sijn dorper hertz duet boem untfoen, Dat deit die quode Saturnus. Ende her-umb haet ver Venus Ein strale datz al loet, 875[regelnummer] Ungeschaffen ind groet. Als sij schüet, so giet sij eynen schot, Mer he en haet geyne not, Het sprinckt aff, id blijft verloren. Als ouch eyn kint wirt geboren 880[regelnummer] Ende Jubiter mit Venüse
[pagina 131]
Ga naar margenoot+Sijn tzu-gader en eynen huse, Ende Mars ind Satürnus beide Verre sijn uss yren geleide, Ende mit den Maen tzü yren räde, 885[regelnummer] Want sij is al/ze ungestade, So haet Venus mit gewoüde, Noch tzü heys noch zu kaude, Gemacht eyn temporüre, Die awege is van gedure. 890[regelnummer] Ende dar macht sij eyne strale ave. Ende datz die sunderlichste gove, Die ye vrouwe Venus gaff. Want die en mach nyet scheiden aff, Id en were dat en sijne lidinge [were] 895[regelnummer] Jubiter van hoere ginge, Ende dat kint were geboren, So were balde die pijne verloren. Es ouch en hoere geselschaff Mars, So en is sij nyet wael mechtich hoers, 900[regelnummer] Want he is wrede ind ungeracht. Ende hie-bij haet sijne macht Eyn stroel roet kofferijn, Dat in dat eirste deit groes gepijn, [Ende her-umb bait menge stroel] 905[regelnummer] Mer id verstent ind tzü-geit, Dat deit sijne grose wreitheit, Die boem haet Mars gegeven. Is ouch mit Venuse verheven Die Sonne, ind Hoem ind geyn quoet 910[regelnummer] Ende benempt hoere wael-däet, So blijft dat kint en eren groet, Want koere sträle is gulden roet, Dat berosten nyet en mach. De myndt bis en synen ende-dach 915[regelnummer] Hoeschlich ind sonder loes, Lever in die mynne altoes. Ende [is] ouch Marcürius met hoere Sonder eyne quode schare, So is die strale silveren wijt.Ga naar margenoot+ 920[regelnummer] Mer wyschlichen begaet man dit, Na geleirden luden sede Leven sij en gestedicheide. Es ouch der Mäin hie-by, So sain ich, dat yre stroele sij 925[regelnummer] Al gemach van fijnen steynen, Dar-bij al wirt geschossen zü eynen, Ende eynen deit zen eirsten we, Itz gesmolten als der snee, Wanne dat eynee hytzde untfeit 930[regelnummer] Want itz dapper ind tzü-geyt. Ende en is ouch Venüse nyet verheven, Mer al-tzü-moei achter bleven, So is yre menne eyn harde dinck. Ende her-by, her coninc, 935[regelnummer] Wirt decke der eyn van mennen gepijnt, Dat den anderen nyet en gerijnt.’ Nu sprach die Juliane Vort der coningennen ain. ‘Vrouwe, nü hait ir unss dom verstoin, 940[regelnummer] War-by die lude men[n]e nyet en untfoin. Nü so duet mich vort bekennen, Wie sij eynen vor den anderen mynnen?’ Die mager sade: ‘Wist vür-woir, Jonffrouwe, dat dit is swore. 945[regelnummer] Mer ich wene, dat ich selve lide den bant, Dar ich mit kome tzer hant. Ich sade hie-voere ind dede wetten, Dat bij den loüpen van den planeten Meiste geschiet sicherlich, 950[regelnummer] Wat geschiet up ertrich. Als eyn planete regnieren begent Ende dan geboren wirt eyn kint, So wirt boem nature ind sijn leven Alwege van/den planete gegeven. 955[regelnummer] Nü versteit mich, jonffrouwe, wale. Id velt wale, dat tzu den-selven moel Ende up die-selve ure mede Wirt ein ander kint tzer selver stede Geboren off tzer ander stat, Ga naar margenoot+Jä, tzien off tzwelff, geloüft mich [dat], Ende alle haven sij, wilt yrt verstoen, Natüre van den planete ontfaen. Ende dar-umb is hon yn-geboren, Dat sij sijn van eynre natüren. 965[regelnummer] Ende man saet sicherlich, Dat gelich treckt [nä hoem] sijn gelich Alwege nä hoem, woe id mach. Man siet id geschien al den dach. Ende dar-by müyssen die kinder eir 970[regelnummer] Mennen ind voel meir, Dar hon treckt natüre tzü. Ende dat sijt man spode ind vruich, Dat lude, die van natüren mennen, Al vordel nyet en versennen, 975[regelnummer] Noch en suken yre gelich, Mer sij nemen hoestlich Dar hon hon natüre an hengt. Id mendt eyn arm knecht Sulche tzijt eyn conincs kint. 980[regelnummer] Dar-umb heist man die menne blent. Etz schertz, mer id deit nature, Die sich vermaint up ygeliche ure. De is ouch vrouwen laster sait, He en weys nyet wale, wat he plegt 985[regelnummer] Off sait, ouch duet hon onkuyscheide. Were yman de dat seede, He doelde ind misegt sere. Man hat vernomen wilnere, Dat eyn vrouwe mijnde eynen man, 990[regelnummer] Den sij nye mit ougen ain- Gesien en had, noch he hoere, Anders dan he nüwe-mere Van hoere dogt had vernomen, Ende ouch were vür hoer komen 995[regelnummer] Syne dogt ind sijne aff[e]re. Dan wirt hon wille ind hon gerre Alleyn, nochtan dat sij en sagen Der eyn den anderen in mengen jaeren Ende mynde dar-nä sonder loes. 1000[regelnummer] Wat deit dit dan altoes Dat dat hertz wirt altoes getreckt,Ga naar margenoot+ Dar sij hon natüre tzü weckt, Die altoes süecht/yr gelich. Dit dünken mich reden sicherlich.’ 1005[regelnummer] Vort vrogde her Maurus Der coningennen alsus: ‘Bericht mich, vrouwe wale-gedoen. Ir haet mich hie voere doin verstoin, Dat mijnne genen meir doet 1010[regelnummer] Noch up edelheit, noch up guet, Ende toent dat by reden genüich. Nü wist ich gerne, weirt üre gevoech, Off eyn lieff loyt sijn lieff dar-by, Dat nyet harde schone en sij?’ 1015[regelnummer] ‘Weirlich here, ich meyne, neynt. Mer ich verstäin wale, wat yr meyndt, Up-dat anders is sijn gerijeff, Want man en sach nye heshlich lieff. Ende man en vrogt nyet, got-weyt, 1020[regelnummer] War der schoinre lude huys steit, Mer woe die gude lude wonen. Schoinheit en is nyet dan eyn tzoünen, Dat tzu-geyt harde soen, Gelich dat blomen uss-gäin, 1025[regelnummer] Dar kompt uss, dat tzü-geit widder, Ende velt balde al dar nydder. Wat is wijsser dan der swane Ende wat hait swartzer gedoen Dan he deit, als he mit stade 1030[regelnummer] Lijt neven eynen vuere gebroeden? Nochtan mendt man sijn vleisch mee Dan man dede sijne plüm[b]en ee. Ende her-by, here, nä mijnen sijnne, En lijt ain schoenheit nyet die menne.’ 1035[regelnummer] Meliandre, die schone magt, Die coningenne vort vroegde: ‘Nü bericht mich, vrouwe, dat. Offt so geviel zü eynger stat, Dat yman sere gemendt were 1040[regelnummer] Van yman, dart hoem aff u[n]mere Hedde, ind dien he mynnen Niet en mocht en geynen sennen.
[pagina 132]
Ga naar margenoot+Wie mocht man mit guden mude Gedoen, dat he is ave-stonde 1045[regelnummer] Ende ontoege sich sijnre mennen?’ ‘Tzworen, vrouwe, ich en kans gekinnen’, Antwerde die coningenne. ‘Mer nä-dat ich versinne, De en sijnen lande verwandelen mocht 1050[regelnummer] Die erde, die wasser ind die luchte, Ende dat füre kalt machen van natüren, He sulde wale doin, dat onlange duren Die mynne solde en hoem, Die tzer mennen hertz ind sen 1055[regelnummer] Gekeirt haven en menger manieren. So en kan ich anders nyet vesieren, Wie man mynne mit enger pijnen Anders mach doen verswin[d]en En dat hertz, de tzü mennen pleget 1060[regelnummer] En dar sij en gewo[r]telt legt.’ Vort so vroegede hoeschlich Der coninc van Vranckerich: ‘Vrouwe, nü bericht mich dat. Id kome, dat ich menne tzü eynre stat 1065[regelnummer] Op hoescheit ind up trouwe. Mich dunckt wonder, dat die jonffrouwe Mich myndt van hertzen, gelich ich doen. Nochtan en steit id hoere nyet also, Want dar en is hoer hertze by 1070[regelnummer] Nyrgen, des duncket my. Nochtan en kan ichs nyet geware Werden am koere gebere. Wie mach dat sijn, lieve vrouwe, Dat loesheit nyet en geyt vor trouwe?’ 1075[regelnummer] Die mager sade: ‘Her coninc guet, Tzworen, ich ben noch tzü unvroet Tzu berichten dese dinck. Mer west waele, her coninc, Dat dese questie sijn so groet 1080[regelnummer] Mich ind ouch mijnen genoet, Ende dar-umb sult yrs vrlaissen mir.’ ‘Neyn vrouwe, coningenne fier, Ir müist sij berichten nä uren verstoen.’ Due sade die maget wael-gedoen: 1085[regelnummer] ‘Sint id sijn müys, wat hol[p]t gestreden?Ga naar margenoot+ Mer id is al/ze sere gebeden. Nü hoirt, here, ind versteit mich wel. Id deit menne inde nyet ell, Die uch besliessen düent die ougen, 1090[regelnummer] Want sij is dar vüere getzoegen. Ich sain uch des gelich, here. Nempt eynen wijssen pennynck cleyne Ende werpt den en eyne fonteyne. Als he ligt up den gront, 1095[regelnummer] Wijss ind claer ind ront, Dan dunckt he uch mere sijn Dan he dede, her coninc fijn, Boven, ee ir en worpt ynne. Mirckt noch, here, en uren synne 1100[regelnummer] Die sonne. Des morgens als sij up-gäit, Sij schijnt wale noch also breit Ende also groesse, sonder sage, Als sij deft zu middage. Lieve here, we deit dat 1105[regelnummer] Anders, dan dat wasser nat Off van der lucht die vrischeit uch macht ure sien zü breyt. Ende also breit dye mynne So mit koere ure synne, 1110[regelnummer] Dat it nyet en kondt erkennen, Willich die ponten sijn der mennen. Want wat sij doen, gelouvetz my, Dunckt uch dat al menne sij, Ende en mirket nyet sere dar-nä. 1115[regelnummer] Dit deit, nä-dat ich mich verstä.’ ‘Tzworen ind Got’, der coninc sede, ‘Dit mach wale wesen woirhede.’ Celidone, die neiste sat, Sade: ‘Vrouwe, bericht mich dat. 1120[regelnummer] Synt mynne is so edel ind guet, War-by ist dan, dat sij duet Ende, die hoere dienen mit trouwen, Leven mit alsülgen rouwen, Dat he verdt uss sijne synne? 1125[regelnummer] Dar en donckt mich nyet hoesche die mynne, Gelich dat dede Adomas, Ga naar margenoot+De roesende van mennen was, Ende noch ander lude vele. En[de]-troüwen, dar geit id uss den spele.’ 1130[regelnummer] Die mager antwerde mit blijden senne: ‘Tzwoeren, al lied ich die menne En [hedde] hoere nature al beschreven, Mir sijn questien hie gegeven, Die mich nochtan sijn tzü swoer. 1135[regelnummer] Dat kindt ir wale also vür woir. Jonffrouwe, nochtan so sal ich uch, Na mijn macht, berichten nü. Mer west, de wolde verstoin wale Die questie dar Venus stroele 1140[regelnummer] En stoen bescheidelich, He mocht verstoin lichtlich. Mer dar-aff wille ich swigen Ende wille tzü eynre anderre materien krijgen. Ir vroegt mich, war-by mynne duet, 1145[regelnummer] Dat sij eynen macht unvroet, De hoer dient getrouwelich? Nü versteit mich, jonffrouwe rijch. Ver Venus is coningenne, Als ich uch sade, over die mynne, 1150[regelnummer] Geweldich en allen manieren. Nochtan halt sij kamerieren, Die hoer helpen halden hoer lene, Want sij en is dan eyn vrouwe alleyn, Die over alle menne mach sijn. 1155[regelnummer] Besiet onse keyserenne fijn. En[de] hülpen hoere nyet dese heren Ende ander lude, mit cleynen eren Solde sij dit orloch ain-goin. Wolde yman hie hoere bestoen, 1160[regelnummer] Dat her solde hoere raet, Al queme hen dar-aff quoet, Des en sulde man tzü geynen dagen Tzu recht over mijnre vrouwen clagen. Want dar-umb haet sij roet by hoer, 1165[regelnummer] Dar-umb dat sij wilt, dat men vare Mit räde, ind mit dieser manieren Haet Venus kamerieren,Ga naar margenoot+ Die hoer dienen tzu hoeren lene. Gestedicheit heist die eyne. 1170[regelnummer] Waele-helen, Miltheit ind Mäte, Dese behoeren tzü hoeren räet. Ende noch ander jonffrouwen tzworen, Die ich hie läis varen. Besiet die-gene, die untsennen, 1175[regelnummer] Als ir mich duet verstoin, van mennen, Off sij mit gestedicheiden Wael na Venus lonen beiden. Ende mirckt ir nyet, dat Amodes, De eyns mäten heren son was, 1180[regelnummer] Verwoede, omb-dat he nyet häestlich Des conincs doeter van Vranckerich Niet en hadde tzü sijnen wille? War-omb en beyde he nyet stille, Bijs dat hoem were tzü pünten komen? 1185[regelnummer] Dat hed hoem geweist mere vrome. Want mynne in bracht yn nyet ent/left, Mer sij ne ungestedicheit. Die gestedelichen mynnen, Die en sijt man nyet untsijnnen. 1190[regelnummer] Ich en weys, off yr ye hoirdet yet, Wat Pigmales is geschiet. He was der beste en sijnen tzijde, Die ye konde bielden snyden Ende vernisten ind verwen mede. 1195[regelnummer] Nü hoirt wat he eynwerff dede. He had van yvore gesneden Eyn bielde van schonen leede. Nä eyn jonffrouwe wast gemacht. Dat bielde had he so wale geracht, 1200[regelnummer] Dat hoera bequam harde wale Ende besacht tzü mengen moel. Ende so he me besach dat, So id hoem docht gemacht bat, Ende so schone, dat mit sijnne 1205[regelnummer] Viel ain des bielden mynne. Ende mendet so usser-mäissen,
[pagina 133]
Ga naar margenoot+Dat he alle vreude gelaissen Hait, umb-dat he siet, Dat dat bielde en acht nyet. 1210[regelnummer] Wat he mende en clagde Ende wat he van mennen hoer gewagde, Sij en achdes nyet, sij sweich stille. Sijn verdriet ende sijnen onwille Clagde he Venus tzü menger uren. 1215[regelnummer] He sade, he mynde van natüren Sij ne vrundenne ind sonder loes, Nochtan so bleve he altoes Ongetroist van hoeren wegen. "Al hain ich mijnen arm umb hoere geslagen, 1220[regelnummer] Sij en achdes nyet, sij blyft al kalt. Myne pijne is mennich-fait.’ Dat clagde he decke, dat he nyet En kan geenden sijn verdrijet. Wat holpt, dat ichs machde vele? 1225[regelnummer] Mit wat vreuweden off mit wat spele He hantierde sijne frundynne, En ginck eyn kijt nyet ynne, Wat clagen he am Venus dede. Nü gevielt so tzü eynre stede, 1230[regelnummer] Dat he quam up eynen dach, Dar Venus feyste up gelach, En hoeren tempel, ind clagde dar Sere sijne pijne, datz waer. He sade, müchte he up Koff leeven, 1235[regelnummer] Noch en wolde he nyet begeven, He wolde tzü hoeren geboede stoen. Die claet, die he hait gedoen, Ende sijne gestedicheit van mynnen, Untfarmde der mechtigen coningynnen 1240[regelnummer] Ende bende hoem sijne pijne swoer. Want als he tzü huyss quam noer Ende sijn lieff ginck ain-schouwen, Had ver Venus der jonffrouwen Verwermpt ind sele gegeven 1245[regelnummer] Nä hoere schone vrome leeven. Ende dat eirste dat he tzu hoere quam Ende he sij en sijnen arm nam, Halsde sij yn, ind sade mit-desen:Ga naar margenoot+ ‘Lieff, wilkome müist ir wesen. 1250[regelnummer] Ich mijnne uch van hertzen wale. Ouch ben ich ure altzu-moel.’ Van der jonffrouwen wart geboren Phatmos, eyn ridder verkoren, Dar dat eylant nä geheissen sij. 1255[regelnummer] Here, des gelouvet my, Suss loent Venus wale, die beiden Willen met stedicheiden, Mer die beiden en willen nyet, Siet man decke dat mischiet.’ 1260[regelnummer] Der keisser van Romen sad[e]: ’Jonffrouwe, Nü bericht mich up trouwe, Wie man dat onder-kendt, Off man getrouwelichen mendt?’ ‘Here’, sade die maget wael-gedoen, 1265[regelnummer] ‘Dat wille ich uch doin verstoin. Als komen tzü-gader sij tzweyn, Eyrst werden sij bleich ind vale, Hoer ougen sloen sij gerade dale, Here, nü versteit mich wale, 1270[regelnummer] Ende blyven vür hon siende dar. Ouch werden sij kürtligen dar-nä Verwarmpt van warmen roet, Dat deit hon der mennen noes. Ouch müys hon wille al-eyn sijn, 1275[regelnummer] En gerechte menne in is geyn pijne, Nyet propers en haet yre geyn, Wan[t] yrre hertzen sijn en eyn. Ouch en mach egeyn here Begeren eynre jonffrouwen unere. 1280[regelnummer] Want süeckt he hoer, daer hoere unere an lacht, So en is mijnne nyet en hoem volmacht, Want sij[n] soeken is hoer schade. Ich räde igelicher vrouwen en guden räde, Wanneir man hon dit sueckt ain, 1285[regelnummer] Dat sij vort-me schuwen die manne Ende werre des wolfs voetstrapp, E he kome under die schoepe. Is ouch eyn jonffrouwe, dat sij suecht Eyns heren, de hoere mynnen roecht, Ga naar margenoot+Sijn geit, ind sijnre gichten gert, Tzworen, so en hait sij en nyet wert, Mer sij mendt sijn guet. Dar-by wat man dat sijn vruet, Schüwe sulge wyff, soe due he wale, 1295[regelnummer] Want sij sijn loes alzü-moel. Mer dar man nyet en vendt des, Wene ich, dat gerechte mynne is.’ Vort jonffrouwe Salamine sat Ni vrogde der coningennen dat: 1300[regelnummer] ‘Vrouwe, ir haet ons geseet, Dat grose doegt ain menne leegt, Ende dat altoes sijn loen is rijch, We dat mendt gestedelich. Nü bericht mich, is he yet fel 1305[regelnummer] Die-gene die nemans gerren el, Dan wie sij mit yre mijnven Moegen doen die wyff untsennen?’ Die coningenne sade: ‘Jonffrouwe, Die menne deit hon decke rouwe 1310[regelnummer] Ende sleit sij mit den-selven swerden, Dar sij die ander mede derden, Wan[t] sij sij decke mennen duet, Dar sij pijnen en unspoet. Want sij nyet en konnen gewennen 1315[regelnummer] Dan pijne ind doügen van yre mennen. Ich sain uch, dat [ich] eyns las Van Narsisüse, de was Der schoinste ridder, den man vant Noe off verre en eynich lant. 1320[regelnummer] He was gemendt van menger vrouwen, Die he leven dede mit rouwen, Want he nyet en achtde up hon. Want dar-up stonde sijn sen, Wie he den vrouwen pijne gedede. 1325[regelnummer] Dat hantierde he mennich jaer. Eyns so gevielt dar-noer, Dat yn mynde eyne hoge vrouwe, Die umb hoem leit groesen rouwe, Des he nyet en achtde. 1330[regelnummer] Ende sij clagde over hoem van machte Ver Venus, der coningennen, Dat he die schone vrouwe echteGa naar margenoot+ Sterven lies van rouwen groet. Doch so bat sij vür hoer doet 1335[regelnummer] Ver Venus bitterlich, Dat sij Narsisuse, de sij tzu lich Bracht hait, müys ouch doen mennen, Dar he nummerme gewennen En moes troyst van sijnre vrundynnen. 1340 Dit untfarmde der coningynnen, En behielt hoer hoer leven, Mer hait sij uss den lüden verdreven. In berge, in müre ind en woüde Hiesche he hoer, dat sij wonen solde. 1345[regelnummer] Mer Jüno nam hoere hoere sproeche, Umb-dat sij bat over den ridder wroeche. Des moet sij leven alle die werelt uyt, Mer nummerme en hoirt man van hoere dan den lüyt. Want weme sij hoirt lude sprechen, 1350[regelnummer] Sij en kan sich anders nyet gewrechen, Dan sij en beschertz[t] ind roept nä. Mer sulche lude, als ich verstaen, Die nyet en wessen, we sij schüeff, Noemen sij hie achter-roepe. 1355[regelnummer] Mer Venus die gehoirde dat, Dat hoere die schone Echo bat Wroeke up Marcesuse mede. Want he quam eins zer stede, Dar he vant en eynen plein 1360[regelnummer] Stoende eyne schone fonteyne. He was verhitzd[e], hoem doerste sere. Düe lach up die fonteyne der here Ende sach sijns selfs anletz dar-bynnen. Due wart he bevoen mit mynnen 1365[regelnummer] Ende mijnde sijns selfs schade daer, Den he sach en den born cläer, Ende woende sij Cüssen mennich-falt. Ende stack in/den born kalt Sijn anletz, dat nyet en beschoet, 1370[regelnummer] Want hoera dochte dat hoem ontschoet. Dat geCüsse was so lanck, Dat he sich selven dar yrdranck
[pagina 134]
Ga naar margenoot+Dat wrache ver Venus die frouwe, Die tzü vorentz hadde rouwe. 1375[regelnummer] Hie-by dunct mich, jonffrouwe, wel, Dat Venus wrechende is ind fel Up die-gene, die sijn undedich Ende yren vründen sijn ungenedich.’ Van Spangen Ryoen der coninc 1380[regelnummer] Vroegde vort dese dinck: ‘Bericht mich, vrouwe ver coningynne. Off ich eyne jonffrouwe mynne Inde ich wale wene, dat sij Ouch widder mynnet my, 1385[regelnummer] Wat dingen mach ich ane-goen, Dar ich umb hoer doin verlangen Nä mich, de gerne by hoere byn, Want sij haet mijnen sen.’ ‘Here, dat sain ich uch wale. 1390[regelnummer] Sy[n]t en ure spel ind in ure tale Hoesche ind gereit zu horen dienst. Noch is eyn dinck die sij meynt, Datz, als ir sult van hoer goen, Dat ir hoere duet verstäin, 1395[regelnummer] Als ir widder koempt tzü hoere, Dat yr hoere sult sagen mere, Die sij gerne horen sal Ende begeren boven al, Ende des ir hoer en dorst gewagen nye 1400[regelnummer] Ende scheidt henen. Hoere sal we In dat hertze sijn nacht inde dach, Wat sache dat/wesen mach. Ende hoere sal verlangen na uch, Al were sij eyn deil tzü voeren schü. 1405[regelnummer] Want nüwe-mere ind nüwe-loüp mede Is so gerne der vrouwen seede. Want ich sain uch sonder besacht, Dat hoer altoes noch dich hacht Verlangt, here her coninc Ryoen. 1410[regelnummer] Also solden die jonffrouwen doen Sere nä dat wessen, dan nä uch. Dat sain ich uch, her coninc, nü.’Ga naar margenoot+ Van Macidonien Elione Sade:‘Vrouwe, bericht mich schone 1415[regelnummer] Off sij tzweyn, drij dage mynnen, Mogen verscheiden yre synne, Umb-dat sij verre sijn verscheiden. Vergeit die meynne van hon beyden, Off müyss sij blijven gestade? 1420[regelnummer] Verginck sij, dat mocht mich schaden.’ Due sade die coningenne vrij: ‘En-trouwen, vrouwe, neyn sij. Want al under-mynnen sich die twe, Altoes so en mogen die 1425[regelnummer] Nyet alwege tzü-gaden wesen. Ich sain uch, vrouwe, dat wir leesen, Dat Ulixes vür Troyen lach Mennich jaere ind mengen dach, Dar yn Penolope untboet, 1430[regelnummer] Die tzü boem drüge menne groet. Ende al woren sij verscheiden, Die mynne bleyff vast en hon beiden. En ouch woren dar ander vele Tzü Troyen en/den nyet-spele, 1435[regelnummer] Die sere menden, nochtan dat sij Der eyn den anderen nyet en was by. Man vyndt ouch, dat Helena, die schone, Parijs haelde tzü Lacedomone Over die see, die he tzu wyve 1440[regelnummer] Nam ind hielt tzü sijnen lyve. Vrouwe, ouch quam, als ich verstä, Uss/den lande van Amazonia Petenselie, der coningynne, Umb-dat sij drüech tzü Hectore mijnne, 1445[regelnummer] Tzu Troyen, vrouwe, int/lant, Den sij gehuwet vant. Ende dar-by mirckt ende versiet, Dat dat lieff tzü verre nyet Sijn, dat he dar-umb verhaete 1450[regelnummer] Sijn lieff ind altzü-moel läte.’ Van Beheym der coninc vroegt Ga naar margenoot+Alsus der schoenre magt: ‘Bericht mich, vrouwe, des ich uch vroge. Id geviel, ich en weys up- wat dage, 1455[regelnummer] Dat drij ridderen eyn jonffrouwe Menden up rechte trouwe, Die sij even wael ontfinc. Ende ygelich den anderen tellen ginc, Wie wale dat sij woren ontfoen. 1460[regelnummer] Ygelich tzalt, ind woende sonder woen Van hoer sijn alleyn gemendt. Die jonffrouwe, die nyet en was kint, Troest ygelichen even wale. Nü gevielt tzü moel, 1465[regelnummer] Dat sij alle drij tzworen Solden tzü eynen torney [van] varen. Igelich quam tzü hoere umb schoinheide, Dat sij harde gerne dede, Ende gaff ygelichen eynen sij den moüwe. 1470[regelnummer] Dar woende ygelich, die jonffrouwe Haven al-eyn sonderlingen. Mer als sij vernomen die dinge, Dat sij alsus hon had gedäin, Wolden sij tzü-gader goen 1475[regelnummer] Ende sien, weme sij wolde verdrijven Ende den eynen alleyn blyven. Sij quomen al drij tzü-gader zu hoere Ende ygelich sade, wie gerne he were Van hoere gemendt, ind dat sij seede, 1480[regelnummer] Weme sij mynde. Die ander beide S[l]olden sij mit vreden läissen. Die jonffrouwe, die usser-mäissen behendich was ind vroet, Den eynen dwanck sij mit der hant, 1485[regelnummer] Den anderen leynde sij die ougen rijant, Den derden trat sij up den vüet. Sij sade: ‘Heren, wat wilt ir Suss sere becoren mir? Mer den ich wille, sain ich uch, 1490[regelnummer] Hain ich sullich lijnteycken nü Gegeven, dat he mach wal verstäin, Dat ich die ander läesse goen.’ Nu vroge ich uch, vrouwe, des, We der meiste gemendt is?’Ga naar margenoot+ 1495[regelnummer] ‘En[de]-trouwen, here’, sade die maget, ‘Dit is groes, des ir vroget. Mer nä mijn verstoen, sal ich uch toünen. Groes lichtheit lijt in die ougen. Al ist dat sij tzen hoesten stoen, 1500[regelnummer] Mengen loesen slach sij sloen, Dar nyet aff tzü halden en sij. Die vüete, here, gelouvetz my, Sijn die onderste dat der mensche heeft, En treden decke, dar man umb geeft 1505[regelnummer] Harde cleyne, off mirket mit. Mer die hande sijn eyn leet, Dat eyn mensche selve legen moet, Wart hoem vuegt off duncket guet. Ouch sijn sij dat middelste, dat man prijsen 1510[regelnummer] Moet ind loven en allen wijsen, Want die wijsheit Goetz, sijtz gewes, Die boven al wysheit is, Machde ver Yven van Adam. Jä, van eynre rijbben uss sijnen licham, 1515[regelnummer] Niet van den houfde, noch van den voete. Omb-dat sij gelich wesen moeten, Nam he sij en dat middelste van hoem, Ver Eva. Nä-dat icht verneme, Ende ouch nä mijnen senne, 1520[regelnummer] So geve ich der hant die mynne.’ Pasca, die coningenne vroet, Sade: ‘Tzworen, vrouwe, ich müit Ouch bidden, al ben ich die leeste, Eyns umb-dat ich mijn questie veste. 1525[regelnummer] Nü bericht mich, dor ure ere. Twe vrouwen mennen eynen here, Der he en wilt geyne untfoin, Sij en haven sijnen wille gedoen. En die sijnen wille wilt doin, 1530[regelnummer] Hoere wilt blyven der baroen. Die eyne en wilt is doen nyet, Want sij saet, dat man siet, Dat die menne is vergoen, Als der wille is gedoen,
[pagina 135]
Ga naar margenoot+Ende die ander en gert nyet dan sijne vrundinne. Die ander sade, sijne vrundynne Wilt sij blyven al hoere leven, Ende wilt eme alle dat geven, Dat he begerren mach van hoere. 1540[regelnummer] Want sij sait offenboer, Dat he sal den meysten loen untfoen, Dat meiste dor die ander haet gedoen. Nü wijste ich gerne, vrouwe fijn, Wes he sulde tzu rechte sijn?’ 1545[regelnummer] Die maget sade: ‘Vrouwe, bye mijnre woirheide, Ditz eyne grose starcke beede Ende eyne starcke ind eyn swoer. Ich benre mit gejaegt zu kare. Mich dunckt, vrouwe, ir vroegt mir, 1550[regelnummer] Wilche tzijt die menne vaster sijn, So vür den wille, so dar-nä? Vrouwe, nä-dat ich mich verstä, Sal ich uch sagen cleirlich, Sonder eynge valsche plijke 1555[regelnummer] Sal ich uch doin verstoen. Mer mijn vrouwe stelt op, wir moesen goen, Ende beiden bijs tzü eynre andere tzijt.’ Due stonden sij alle in den bongart wijt Up, ind volgden altzu-moel 1560[regelnummer] Der keyserennen in/den sael, Doe die täiffellen gelacht woeren. Mer die heiden weren tzwoeren Int/her inde menden die stede, En des dags ginck uss der vrede. 1565[regelnummer] Due gingen sij essen ind woren blijde. Des anderen daichs vroech mit tzijde besägen sij omb yre sachen, Die hon tzü strijde gebroechen. Ende Tübal had vonden die manieren, 1570[regelnummer] Dar man mit die helffen-dieren Vellen solde en die noet, Husekijn ind bor groet. Seyss vüesse lanck ind wijt vier, Die hadden menge ma[s]iere, 1575[regelnummer] Dar man durch mit swerden stach,Ga naar margenoot+ Die altzü-moel stonden en dat. Vij voete sij hoge woren Ende alle van fijnen stäel tzworen, Ende gingen boven tzü nyeten uyt. 1580[regelnummer] Diere en was, [dede] sonder geluyt ij rader keren, en wore dingen, Dar sij mede vürwert gingen, Undancks die id hon wolden verbieden. Id was wale besat mit luden. 1585[regelnummer] Hondert macht he yr ind sijne smede, Bynnen dat dürde der vrede. Dese solden under die diere goen Ende solde man sij van onder sloen, Dor die gaet stach man sij doet. 1590[regelnummer] Ende al were hon val groet, He en mochte hon nyet schaden, Den-genen die sij vallen däden. Want yre huyse woren vaste Ende untsoegen geynen gast. 1595[regelnummer] Dese huse ind dese dinck Woeren van Elyadis den coninc Bevolen, dat he sij beware Mit sijnen luden offenboir, Dat he harde gerne dede. 1600[regelnummer] Ende Tubal was ouch mede. Suss bestonde dat orloch swoir, Ende die nüwe-mere, dat was woir, Was harde verre geronnen. Van den up-gange van/der sonnen 1605[regelnummer] bis dar sij widder onder-gynck So en was prince noch coninc, He en wijst wale van desen orloge, So-dat id vernam der hertoge Van Lymburch, den man die woirheide seede, 1610[regelnummer] Dat dar sijne kinder beide Weren ind al an hon ginck, Ende dat dar keysser noch coninc En was, he en dede mit yren räde. Ende her Heinrich sij ns soens däet 1615[regelnummer] Van ridderschap were groet, Ga naar margenoot+Want he wass [ridder] sonder genoet. Der hertoge, de groese blijtheide Had en sijne kinder beide, Dat sij noch leven ind [weren] gesont woeren, 1620[regelnummer] Ende van so groesser werde tzworen, He ginck ind sade der coninginnen: ‘Vroüwe, dat müys Got kinnen, Dat ich nyet en wille sparen Ende en wille en Grieken varen 1625[regelnummer] Tzü den groesen orloch, dat dar is, Ende ain-sien, gelouft mich des, Mijne schone kinder beide Mit mijnen ougen, e ich verscheide. Want alle die werelt is nü dar. 1630[regelnummer] Ich mach dar varen sonder vare. Nü roet, off ich dar mach varen.’ Der vrouwe dat hertz ginck besweren Antwerde, weynende harde sere, Ende sade: ‘Och-arme, here, 1635[regelnummer] Laest. Dese vart ind dese pijne, die gi Ain-goin [wilt], keirt al over my. Want ellendich loest ir mich vür-dan Sonder kijnt ind sondes man. Mer in weyne ind en vernoy 1640[regelnummer] Laest ir mich vort al mijn leven. Wilt yr mich alsus begeven, So is mijne wael-vart leeden all. Mer, here, dat uch Got geve geval, Sijnt ir wilt dar-wert tzien 1645[regelnummer] Ende ure kinder sien, So loest mich, dat uch Got geve seege, Sijn geselle en uren wege, Ende laist mich sien mijn kinder beide, Ee ich van der werelt scheide. 1650[regelnummer] Versaet irt mich, sommer onse Vrouwe, So drayt ir tzü mich krancke trouwe.’ Der hertzoge sade: ‘Vrouwe guet, Mich en donckt nyet, dat ir duet Wysheit dar-ain, dat yr 1655[regelnummer] Dese pijne bestäet mit mir. Want die vart is groess ind lanc, Ende ouch siet yr dar-tzü zu kranck, Tzu varen also verre vart.Ga naar margenoot+ Ich solde al/tzü sere besweirt 1660[regelnummer] Wessen, queme uch eyngerhande Misqueme en vremden lande. lieve vrouwe, des layst varen. Ich sal widder-keren, tzworen, So ich alre eyrste kan, 1665[regelnummer] Ende bryngen sij, off mirs Got gan, Onse kinder alle beide.’ ‘Neyn here’, die vrouwe seede, ‘Bleve ich hie, dat were mich swoer.’ Due viel sij boem tzü vüese dar 1670[regelnummer] Ende greyffen umb sijne beyn. Van weyne sij nye en gescheyn, Mer sade: ‘Here, wat holpe dat? Ee ich ummer van deser stat Kome dor eynge noet, 1675[regelnummer] Ich sal zu uren vuessen doet Blyven, yr en geloeft mich tzworen, Here, dat ich mit uch sal varen.’ Dar was geweynt harde sere Van der vrouwen ind van den here. 1680[regelnummer] Den hertzoge so jamerde dat, Dat die vrouwe so menge stat Wolde lijden in so menge pijne. Doch so sade he: ‘Vrouwe fijn, Sijnt irt ommer wilt tzworen, 1685[regelnummer] laes ich uch gerne mede-varen. Nü laist uns unse vart bereiden Mit so groeser kracht[i]cheiden, Ende unse lant versetten tzu hantz An den hertoge, unsen neve, van Brabant. 1690[regelnummer] Ende untbieden en mennich lant beyde ridder inde lude Ende loer wir eyn schone gesende, Dat räde ich, ind varen so eirlich, Dat man dar int/keiserich 1695[regelnummer] Ons moge eirlichen ain-sien.’ Die vrouwe sade mit-dien: ‘D[a]t is harde guet, here.’ Nü is die vrouwe up-gestoen, Ende der hertzoge untboet soen
[pagina 136]
Ga naar margenoot+Ridder ind knapen mengerhande Ende soldeneir uss vremden lande, So-dat had der hertzoge vermetten M mans up-gesetten, Sonder die eme volgden tzü vüete. 1705[regelnummer] Der hertzoge had ouch sijn guet Ende sijn lant versat, datz woir, Al omb ind omb vij jaer. He bereide eirlich sijne vart Ende vuer tzü Grieken wart 1710[regelnummer] Mit schoenre geselschaff blidelich. Nü geleide sij Got van hemmelrich. Ich, de alwege lige en we En die woestonie van Ydüme, Sterfflich ind en sonden blent, Roep ain Jhesus, Davids kint, 5[regelnummer] Dat uch mijns ontfarmen moete. Dat hoge Jherusalem ind dat/suete, Dar ich tzü geroepen ben, Begert mijn hertz ind mijn sen. Vonde ich, de mich leide dar, 10[regelnummer] Die mich is tzü vinden swoer, Ir en siet moder-alleyn. Nü bidde ich mit hertzen reyne, Dat ir mich wilt den weich tzoünen Ende holpen, so-dat mich honen 15[regelnummer] Noch vyant, noch dieve mogen Dar ich werde uss den wege getzoegen. Uch, de siet weich, suke ich soen, Dat ich van uch nyet moese goen. Uch, de sijt leven ewelich, 20[regelnummer] begere ich in dat hoge hemmelrich. Nu Here, geloeft siet yr, Dat ir so lange hair myr Gespart, de hair alwege En den sonden verblent gelegen, 25[regelnummer] Ende nyet en han genomen Den vyant, de en des menschen leven Pijnen hon, wat sij mogen, Dat he werde van uch getoegen. Nü müyst yr sij van mich weren, Here, 30[regelnummer] Want ich mich alwege tzu uch wert kere,Ga naar margenoot+ Ende brijngt mich, dar yr selve sijt, Des ich begert hain langen tzijt. Noch west, Here, dat mich leget vaste Op dat hertze der grose last 35[regelnummer] Ende die pijne van mijnen gedicht, Dat mich tzü swore were licht, En[de] dede der wille ind ir, Here. Dar-umb so bid ich uch sere, Stecht onden ure hant ind helpt mir, 40[regelnummer] Here, dor ure gotheit, dragen. Wilt in doin, yd sal behagen Alle den-genen, die id sullen lesen. En duet irs nyet, so müyst wesen Gelastert van alle, die id horen, 45[regelnummer] Ende dan wirt yr pijne al verloren. Nu kere ich tien orloch widder, Dat ich hie tzü voren nydder ligen liet dor den vrede, Dar man bennen nyet en dede. 50[regelnummer] Nü was der tzijt so leeden, Dat id was der echterste dach des vreden, Ende der soldoin ginc tzü räde, Wat he des anderen dachs dat beste däde. Dar quomen tzü räde alzü-moel 55[regelnummer] Coninge ind amiroel, Ende rieden alle dat, Dat man des morgens vroech die stat Sal bestoen tzü tzwey steden, Gelich dat sij zu voerentz däden. 60[regelnummer] Ende Colosus, der coninc wert, Ende Prasijs reden tzer see wart Ende bestreden mit yren helfen-dieren, Want der weich was moy dar. En die [eyne] sijde, datz woir, 65[regelnummer] liepe die see, en die ander sijde Was eyn Broes veste in eyne wide, Ende dar solden sij tzer stat varen, Die-wile die ander onledich woren, Ende solden brechen dar die müre, 70[regelnummer] Al woert hon ein luttel süere, Ga naar margenoot+Ende sulden hon die stat aff-wennen, Undanx hon allen van dä bennen. Mer gans Got van Elyades Den coninc, de gemacht is 75[regelnummer] Meister van Tubals wercke, He sal, nä-dat ich mirke, Die olyphanten so untfoen, Sij sullen die porten laissen stom. Dit loeffde der soudoen sere 80[regelnummer] Ende sade: ‘Her heren, dorch ure ere, Nü is mijn neve ridder gemacht, Eyn schone kint ind eyn wael-geracht, Dat mede wilt tzü strijde varen. Ich vorte, Mamet en wilt sparen, 85[regelnummer] Id sal balde sijn lijff verliesen. Ich solde ee den doet drümb kiesen, Wort verslagen in/den strijt. Ich bidde uch allen sere, dat irt Verhüet, [dar] irt moegt doen. 90[regelnummer] Ende uch, broder, stolz baroen, Bevele icht sonderlinge tzworen. He sal mit uch am ure sijde varen, Ende Pelias mede van India. Nü bidde ich uch, dat yre Biet nä, 95[regelnummer] Dat, nyet en werde verslagen.’ ‘Ich sal here’, sade der degen. Suss schiet des ävontz der räet dar, Ende ygelich bereide sich offenboer Jhegen des anderen dachs tzü strijde. 100[regelnummer] Nü help Got hon up die ander sijde. Nü hoirt vort ind verstoet. Die van bennen, die umb räet Vergadert woren altzü-moel, Ain-sprach [her Heynrich] mit sulcher tale: 105[regelnummer] ‘Dorch Got, nü raet, ir/heren, In wilger wijss wer Kantieren Sollen morgen desen strijt, So-dat wir keren sonder verwijt Ende mit den sege in die stede. 110[regelnummer] Ende wie wir die olyfanten mede Alre-beste mogen irweren, Want sij ons dat meiste mogen deren. Mich dunckt wale, nä mijnen versien,Ga naar margenoot+ Dat sij nyet en mogen tien 115[regelnummer] Mit yren olyphanten strijden Dorch die lude tzü geynen tzijden. Want worde ir eynich geslagen doet, He sulde eynen val so groet Under yre schare geven, 120[regelnummer] Dat mengen Costen sulde sijn leven. Dar-by sullen sij [sy], doncket mir, Trecken, dar id offen sij. Ende darwert, dar sij sich pynen tzü tzien, Sulle wir haven die onse dar ghein 125[regelnummer] Ende trecken jhegen hon tzü gewere. Ende wir sullen jhegen dat herre Uss-trecken ind ons bestellen Nä-deme dar sij bene willen Morgen en die dageraet. 130[regelnummer] Mich dunckt, dat wir geynen anderen räet En konnen genemen tzworen, Wir en sien, en wie menge scharen Sij sich sullen morgen scheiden. Ende dar-nä sulle wir ons bereiden.’ 135[regelnummer] Der keyser van Romen seede: ‘Tzworen, here, ir sait woirheide. Dis raet dunckt unss guet. Mer ich dencke en onsen müyt, Dat sij onss sullen en tzwey staden, 140[regelnummer] Gelich sij plegen, willen verladen. Ende dar-up moge wir onss versien, Wie dat wir mogen hien tien En tzwen scaren mit sulcher kracht, Dat wir nyet en dorven yre macht 145[regelnummer] Ontsien mit geynen manieren. Ende ouch sal warden der helphen-dieren Der coninc van Eliades Ende Tübal, de dar-aff meister is. Mer versiet wale, mit wat scharen 150[regelnummer] Man die scharen sal durch-varen.’ Der Lymborgere sade: ‘Here, En-trouwen, dit is wale onse ere Ende tzworen ir sait wale.
[pagina 137]
Ga naar margenoot+Nü versteit nä mijne tzale 155[regelnummer] Ende besiet, off sij uch behaegt. Morgen, also vrüich alst dagt, sult ir here, her keysser rijch, Ende der coninc van Vranckerijch Ende van Spangen coninc Ryoen 160[regelnummer] Ende van Ermenien der baroen Ende der coninc van Neder-Goeten Ende Elyonette mit yren roeten Sullen tzer lester porten uss-varen. Ende ich sal mit eynre ander scharen 165[regelnummer] Tzer oister portzen tzien usswert. Van Eliades der coninc wert Ende der coninc van Sandrijne mede Sullen achter onss hüeden die stede. Van Tryple der coninc van Rotlant 170[regelnummer] Ende der coninc van Yrlant Sullen die portzen bewaren, Raet in waele, dat wir uss-varen. Ende sient sij, dat wirt noet, So sleynt sij en hon conroet 175[regelnummer] Ende helpen unss weren die stat. De besser weys he sage dat.’ Alle die woren tzen roede Docht guet, dat man so dede, Ende hie-mit so schieden sij. 180[regelnummer] Des anderen dags, gelouvetz my, Wären sij altzü-moel gereit, Gelich dat ich hain geseet, Ende tzogen tzü honre porten wert Mit mengen man unverveirt. 185[regelnummer] Nu hoirt wat die heiden däden. Gelich sij sich hadden beroeden, Toech ygelich tzü sijnre porten tzü. Tzer portzen wart, gelouft mich das, Dar voer der keysser van Romen was. 190[regelnummer] Der conestavels van des soudoens sijden Was Crüdus, de tzü allen tzijde Geweist had. He tzoech vür die stat Ende her Heinrich wart gewaer dat, Dat sij quomen, gelich sij plogen.Ga naar margenoot+ 195[regelnummer] He ginck eirst tzer porten uss-jagen, Umb-dat he wolde den strijt begennen. Jhegen hoem quam mit onmennen Van Tortnäte coninc Alantz, De wael dat hertz had eyns mans, 200[regelnummer] Ende gerachde den Lymborgere, Dat he der erden gerde, Doch dat he sich mit krachte hielt. Her Heinrich mit gewelt Gerachden en die borst voere. 205[regelnummer] Dat spere vüer up die ander sij de doer Ende dat sper brach untwe. Der coninc starff mit kürten we. Ende der coninc van Tracie reyt vort Ende boet sij ns spers ort 210[regelnummer] Over den coninc van Ylus, Den he düe gerachde sus, Dat he viel zer erden doet. Due wart ginnart groese noet. Dat wonder, dat her Heinrich wracht, 215[regelnummer] De sij durch-reyt mit kracht Mit sijnen starcken dromedaere, Were mich zu sage swoer. Wie mengen he dar versluych! He sluich so wat he bevinck. 220[regelnummer] Van Nydder-Sijten der coninc quam, Dar he strijden sere vernam Den coninc van Hogen-Sijten, Die menschen-vleysch essen ind bijten, Ende [sade]: ‘Her coninc, war-by 225[regelnummer] Roept yr teicken, dat yr my Roepen hoirt? Dat wille ich wetten.’ Der ander sale: ‘Van groesen smetten Sal ich uch berichten dan.’ He hüeff dat swert, van dar he sat, 230[regelnummer] Ende sluych den coninc up dat houft boven Ende hait id eme geeloven. He sade: ‘Kersten, swiget stille En layst mich roeffen mijnen wille. Gelich ich hain gedoen, Ga naar margenoot+Sal ich er menghen versläin.’ Van Empurius der coninc, de dit sach, Hoem docht, dat he nyet en mach Mit eyngen eren gedoügen, Dat man sus vur sijne ougen 240[regelnummer] Den coninc van Neder-Zijten versluich. Sijn swert he verdrüich En slüich up dat houft mit williger hant Van Hoegen-Sijten den wygant, Dat he en wont harde sere. 245[regelnummer] Mer Empirius, der here, Mit beiden henden sijn swert boven Ende sade: ‘Tzworen, her coninc, Ir haet mich eyne wonde gemacht. Mer mach ich, yr wert geracht. 250[regelnummer] Ee ir van mich scheit, en- trouwen, Sal uch wale sere roüwen.’ Due nam he dat swert tzü pünten voere Ende stach hoem dat hertz doer. Due viel der coninc doet in den sant. 255[regelnummer] Her Heinrich, der wygant, De dese däet haet versien, Was rüwich, ind sluich mit-dien Synen dromedaer mit spoeren. Prymedus haet he irkoren 260[regelnummer] Ende sade: ‘Her coninc, tzworen, leyde Hait ir doet dese coninge beyde. Ure swert dat haet unss huden, En[de]-trouwen, tzü sere gesneden. Nü sal ich dat mijn up uch proven.’ 265[regelnummer] Der coninc sade: ‘Uch sal behoven Hülpen, me dan ich noch sien, Eir ich huden uch untflien.’ Mer he toech sijn swert Ende sluich den coninc unverveirt 270[regelnummer] Boeven up sijnen stoelen hüet, Dat swert tzen oren uss-woet Ende der coninc viel doet nydder. Her Heinrich keirde widder En [de] die Zijten dar onder. 275[regelnummer] Groess däet dede he inde wonder. Der strijt was dä groess ind stoende. Ende her Heinrich de vermande Hon allen, dat sij streden sere.Ga naar margenoot+ Nü laisse ich strijden den here 280[regelnummer] Ende sain uch der ander partijen, Die streden jhegen Demophon der vrijen. Tzer nydderste porten quam gevaren Demophon mit sijnre scharen, Dar uss-reyt der keisser van Romen, 285[regelnummer] De nyet bevoen en was mit drome, So vromelich he uss-quam. Als Demophon dat vernam, Reyt he jhegen [hoem] vreischlich. Wael woren die coninge rijch 290[regelnummer] Gereden alst wael recht was. Her Demophon, gelouft mich Bass, Gerachde den keysser up den schilt. Widder he wilt off en wilt, He viel mit den orss neder. 295[regelnummer] Mer der keysser gerachden weder Onder den schilt en sijnen büyck. Demophon had groes gelück, Dat dat sper misginck. En hed geweist die wenck, 300[regelnummer] En[de]-trouwen, he were bleven doet. Doch had he eyne wonde groet, Die so sere blude, tzworen, Dat he uss moest varen, Ende sich bynden moest zu den tzijden, 305[regelnummer] Eir he me mocht strijden. Den keisser halp man up düe. Mit-deme quam gereden due Der coninc van Vranckerich Ende reyt harde degentlich 310[regelnummer] Up Asa den coninc [van] Camprobane, De en widder pijnde tzü untfoen So vreyschlich, dat he en ave stach, Ende viel, dat he sijn beyn brach. Mer he gerachde Asa weder 315[regelnummer] Dor schilt, dor halsberch, dor woepen-rock neder Up die erde onder die vuesse doet. Van Coeten Anas, der here groet, Reyt Echites tzü gemoede, De en balde warp onder die voete, 320[regelnummer] Dar he van den perden bleyff vertreden.
[pagina 138]
Ga naar margenoot+Cyber, der coninc, quam gereden Thegen den stoutzen coninc Ryoen. Ich solde haven vele tzü doen, Solde ich uch tzellen yre alre däet. 325[regelnummer] Dar was gestreden, dat verstoet, Harde sere en beiden sijden. Nü laet ich sij hie wale strijden Ende tzelle uch, wat Colosus dede Ende der coninc Prasius mede. 330[regelnummer] Colosus, der coninc wijss, Ende van Prasijs Toegen recht tzer porten wert, Dar man tzer see wart uss-vert, Ende voer hon yre olyphanten 335[regelnummer] Ende op ygelich .l. sareanten. Ende ommer gingen tzijen wale Te gader tzü verhoeden tzü eynen moel. Due dat versach, des sij t wijs, Der coninc van Elyadijs, 340[regelnummer] Ontdede he die porten soen Ende dede ein der huse uss-goin. Ende dar-nä tzwey, in dar-noe drij. Ende suss gingen alle drij, Achten wijt ind voere small. 345[regelnummer] Alsus gingen sij uss all, Ende schieden en desen manieren In tzwen gen elphen-dieren. Die-gene, die up Bennen Castiel woren, Moesten ummer vurwert varen 350[regelnummer] Ende en Consten sich erwerren me noch men, Want sij zü voeren onder hon Voer hon dar neder vielen. Suss woren en desen spele C. oliphanten leeden, 355[regelnummer] üEe die uss den husen [s]treden. Due stach ygelich voer sijne ma[s]iere En den büych die elphen-dier, Dat sij vallen mit groessen vallen, Die borge inde die diere mit allen. 360[regelnummer] Suss bleyff er me dan lx doet. Die anxt was harddee groet Der-genre, die en die burge lägen,Ga naar margenoot+ Dat sij vielen mit groeten vloegen, Sullich en die see, sullich en die veste. 365[regelnummer] So dat sägen die leeste, Dat die vorste gevallen woren, En dorsten sij nyet vorder varen. Al[le] hedden sij gewilt nochtan, Sij en weren ir nyet komen ain, 370[regelnummer] Want yre dode olyphanten En den Casteil hadden die tande Belegen so en beiden sijden, Dat sij nyet en hedden mogen lijden. Dar-umb moesten sij alle stille stoen, 375[regelnummer] Want vorder en moesten sij nyet goen, Noch widder-keren yre sträissen, Want die echterste hon en laessen. Die en die hüsekijn säissen, Ende die heiden sere hassen, 380[regelnummer] Voeren tusschen die diere dar En doedenre vele, dat was woir, E is die coninge worden geware, Die dar hielden achter die schare, Ende wonder had al/ze groes, 385[regelnummer] Wie die olyfanten bleven doet. Ende due id vernomen die heren, Däden sij widder-keren, Ende sägen en mirkden mede, Wie man sij vallen dede. 390[regelnummer] Dat yre oliphanten egeyn Gestoen dar jhegen en mochte[n], En were dat sache, dat man suchte Eynge ander behendicheit, Dar man dat verwerde mede. 395[regelnummer] Suss keirden sij mit kleynre däde Ende hadden genomen grosen/schade. Ende van Elyadis der coninc Dede keren, en wore denck, Als die ander begonsten zu vlien, 400 En tzoech en mijt sijne diere. Näe laisse ich dese coninc keren, Ende sain uch vort, ir/heren, Van her Heinrich, got-weyt, De vor die overste porte streit Ga naar margenoot+Jhegen Crudus van Bactrie, De hielt des soudoen stavelie, Want he was vromich ind kone, Die had dar wale tzü doen. He slüych en die selve noet 410[regelnummer] Den coninc van Mortijn doet, Ende quetzde ouch den coninc Van Macedone, e he ontginck, Dat he moeste uss den strijde keren. Her Heinrich, de suss sach die heren, 415[regelnummer] he quam gereden, al was he verre, Mit kracht, der ridder vrij, Bys ain den coninc van Bactri Ende sade: ‘Ir duet ons unmoete, Tzworen ind Got, her drossäete, 420[regelnummer] Dat ir unse herre suss begaet. Leve ich uch, ir wert gemacht. Ter drover tijt so quoempt ir hie.’ Due hüeff dat swert der ridder fier Ende cloüff hoem dat houft bijs zen oügen. 425[regelnummer] Des die heiden droefden sere. Ende her Heinrich, der here, Ginck onder die sijne houwe, Die da hoestlich vlüwen, Wat sij mochten, tzen tenten wart, 430[regelnummer] En weren ij coninge onverveirt, Tessalus van Tesselaen Ende Atasem van Libie. Dese quomen mit den yren tzü. Eyn starck strijt wart dar due. 435[regelnummer] Ende ouch quam dar mede ain Maurus, der coninc van Moriane, Ende ouch mede Ysis, Der coninc van Garamentis, Ende noch ander coninge vive. 440[regelnummer] Due wart dar mit stoutzen live Gestreden harde vromelich, Ende worden krechtelich Vor hon widder-stoin, En[de] hedden die coninge gedoen, 445[regelnummer] Die van achter huden die stat, Sij weren woren strijtz mat. Mer sij quomen tzü-geslagen Mit mengen stoutzen degenGa naar margenoot+ Ende slügen mengen tzer doet. 450[regelnummer] Dar was der strijt starck ind groet Ende stoende ind stranck. Dat dürde bijs tzü den avent lane, Dat sij streden even sere. Nü laisse ich sij strijden ind kere 455[regelnummer] Ter andere porten gereit, Dar man vromelich vür streit. Nu hoirt, yr heren, dat uch Got lone, Eyn orloch al/tzü schone, Van den jongen coninc Pelias, 460[regelnummer] De van India comen was. He quam Elyonen tzü gemoede, Der coningennen, die en unsüete Untfinge mit hoers spers orde, So-dat he die doet becorde. 465[regelnummer] Armenus, de dat sach, En sach [he]nye so droven dach Ende voer der coningennen ain. Man en sach nye jongen man So sere strijden, als he dede, 470[regelnummer] Ende alle sijne lude mede, Jhegen die vrouwe in/die hoere. Die vrouwe had eyn clein schare Jhegen hon ind jhegen die Inden, Mer ich wene, man en mocht nyet vinden 475[regelnummer] Lude vromelicher strijden Dan sij däden en beiden sijden. Mer die[r] jonffrouwen bleyff dar doet C. wale in dat conroet. Mer sij verslügen der heiden so vele, 480[regelnummer] Dat mit hon ginc uss/den spele. Mer yre heerre was zü groet Ende sij stoechen onder die vrouwen doet Ir ors, ind bleven tzü vuesse Strijdende als eynich kempe guet 485[regelnummer] Ende sluych, wat dat hoer geneickde. Eynen groessen pleen sij machde. So vromelich en streit mensche nyet. Mit-deme so quam, ich en weys wie,
[pagina 139]
Ga naar margenoot+Ende vertalt id den coninc Rijoen, 490[regelnummer] De düe maende alle sijne baroen, Dat sij hoem holpen vromelich Beschudden die coningenne rijch, Die id hoem alle geloefden sere. Due reyt darwert der here, 495[regelnummer] Wat he mochte, mit sporen sloen, Ende sijt die coningenne stoen Tzü vuesse ind sick vreyschlichen weren. Due begonste id den coninc tzü derren, En stonde van den orss tzu vuesse, 500[regelnummer] Ende gafft der coningennen guet, Die dar stonde in die noet, Dar sij gerade boven schoet Ende lies tzü vuesse den coninc strijden Ende reyt henen tzü den tzijden 505[regelnummer] Armenus tzü gemoede, Den sij stack under die vuesse. Dat ors greyff sij tzü hantz Ende reyt dar sij den coninc vant Tzü vüesse strijden harde sere, 510[regelnummer] Ende sij sade: ‘Lieve here, Niempt dit ors ind sitzt dar boven, Ich en kan uch nummerme volloven Van der eren, die yr mir Haet gedoen, her coninc fier. 515[regelnummer] Nü vare wer widder en/den strijt.’ Der coninc sass up en korter tzijt Ende reden tzen strijde wart. Got, wie wale sneyt sijn swert! Dar wart gestreden harde sere 520[regelnummer] Van mengen stoutzen here. Dar was vromelich gestreden, .E. widder quam en-gereden Demophon, de gebonden was, Ende ontmode, als ich las, 525[regelnummer] Den alden greve .van Athenen. Eir sij due yet gededen, broechen sij die schechte bys en die hant, Ende der greve viel in/den sant,Ga naar margenoot+ De balde widder up-schoet, 530[regelnummer] Want he en had geyne noet. Ende Demophon reyt vort Ende leynde sij ns swertz ort Mengen, den he verslüich. Ich hedtz uch tzü sagen genoich, 535[regelnummer] Solde ich uch irtzellen sijne däet, Id were mich tzü doin quoet, Want he streyt usser-mäissen sere. Nü hoirt van Ermenius, den here, De her-komen widder was. 540[regelnummer] He wolde sloen, gelouft mich das, Up Echites van Ermenien . Jongen man en sach man nye Schoenre eynen rij dd:er bestoen, Dan dar Ermenus hait gedoen. 545[regelnummer] Hoem gaff eynen slach der jongeli[nc], Dat wonder was, dat der coninc Widder-stonde, in hed der helm gedoen, De so guet was, na mijnen woene. Echites sade: ‘By Gode, here, 550[regelnummer] Ure slach dede mich eyn deil we, Des ich uch lonen sal, Mich en schende Got ind ungevall.’ Ende greyp den jongen man Omb sijnen hals, so he dat beste kan, 555[regelnummer] Ende woende hoem stechen in dat hertz dat swert. Mer id sach der deegen onverveirt, Her Demophon, de node siet, Ende rijeff Jude: ‘In stecht nyet, Lieve her coninc, umb mijnen wille.’ 560[regelnummer] Echites hoirt id, ind sweich stille En liessen goen, in sade: ‘Tzworen, Ich laissen gerne dorch uch varen.’ Her Demophon danckdes hoem sere. Due vuer vort der jonge here, 565[regelnummer] Ende voer strijden dar-noe Thegen van Amazonia Die coningenne, die vrouwe was. Ga naar margenoot+Dar was gestreden, als icht las, Harde sere van hon tzwen, 570[regelnummer] Dat van hon beiden om[m]er der eyn, Vorte ich wale, besterven müyt. Want sij däden mennich gemoete Onder hün beyden up den dach. Want Ermenus versach, 575[regelnummer] Dat sij der-selve mensche was, Die doet sluych den coninc Pelias. Suss reyt he hoere ummer ane. Ende sich werde die wael-gedoen Vromelich, siet sicher dis, 580[regelnummer] Want id scheyn, dat hoere nyman en verwies. Der strijt de was starcke inde groet. En beiden sijden bleven doet Vele lude ind verlempt mede. Nü hoirt wat Elyone dede. 585[regelnummer] Du sij sach, dat sij en kan Niet komen van den jongen man, De hoere altoes ain-vert, Sat sij vür dat hertz yr swert Ende slüich hoer starck ors mit sporen 590[regelnummer] Ende reyt hoera en dat hertze voere, Dor halsberch ind dor achtersoen. Due müyst he sijn ende doin, Want he viel doet up die erde nidder. Ende sij tzoech uss dat swert widder 595[regelnummer] Ende lies den doden nydder-vallen. Dit sach Demophon onder hun allen, De dar-umb droeffde sere, Ende swoer by Mamette, sijnen here: ‘Sij salt intgelden, sij en weyss wie, 600[regelnummer] Mach ich hoere komen tzü.’ He were hoere wale komen ain, Mer die son tzü-ginck, ind der moin En scheyn nyet, ind wart doncker mede. Due keirden die onse in- die stede, 605[regelnummer] Ende die ander reden tzen tenten wart, Drove sere ind besweirt Dorch den schade ind den un-vromen, Den sij des dags hadden genomen.Ga naar margenoot+ Groes schade was tzü den tzijden 610[regelnummer] Geschiet tzu beiden sijden. Mer düe dat herre tzen tenten quam Ende der soudoen vernam, Dat sijne neve was doet, Had he rüwe al/ze groet, 615[regelnummer] Ende weynde inde clagde mit. ‘O wy, quoet got Mamet’, Sade der soudoin, ‘wie vuel siet ir. Ure macht, ure hulpe ind ir Siet onwerdich ind quoet. 620[regelnummer] Ain uch en is hulpe noch roet. Die uch dienen sijn verschoven. Nummerme en sal ich uch loven. Ich hain hie by mich sicherlich Half dat volck van ertrich. 625[regelnummer] Nochtan verstrijt mich eyne stat, Der ich mit rechte ben gehat, Want sij deft mich mengen tzoeren. Mijnen arm hain ich verloren Ende mijnen lieven neve met. 630[regelnummer] Och off ich dich hedde Mamet, Ich solde dich tzu stucken al houwen, Al soldt mich her-nä berouwen.’ Dit sade der soudoin, weynende[n] sere. Due quam Demophon, der here, 635[regelnummer] Ende sade: ‘Here, her soudoen, War-by wilt ir uch sus versloen En tzornt uch, ir en wijst up weme? Al dat sijn sal, müys geschien. Laest varen ure grose clagen. 640[regelnummer] Wir sullen morgen in/den dagen Widder bestriden, gans onss Mamet. Mer mach ich, by mynre wet, Ich wreck Armenus hogelich genüich Up die-gene, die en versluich.’ 645[regelnummer] Dit troest den soudoin sere, Ende sade: ‘Bruder, here, Mocht ich mijnen wille gewennen Noch over die-gene van bynnen,
[pagina 140]
Ga naar margenoot+Ich solde mijn clagen läissen varen. 650[regelnummer] Laest unss untbieden, tzworen, Unse herre, dat is wael gedoen, Ende läest ons besien, wat/wir bestoen Sullen morgen tzijtlich.’ Due untboet der soudoen rijch 655[regelnummer] Die coningen, die he had dar. Dar was mennich roet, datz woer, Ende der soudoen clagde sijn verlies Ende sijnen schade, siet sicher des, Ende bat hon, dat sij rieden, wie 660[regelnummer] Sij der stat solden komen tzü. Colosus, der coninc, seede: ‘Dat kenne Mamet ind Apoline beide, Dat en die stat sijn wijse lude. Ich were, nye en geschiede 665[regelnummer] Alsulche list, als sij dar huden Al unse olyphanten mede bestreden. Mit hon so en moge wir tzü desen stonden Niet tzü der stat komen, wir en hedden vonden Eyngerhande behendicheit. 670[regelnummer] Dar-umb wolde ich, dat wir eynen vrede Noch nymen en besegen dat, Wie wir sij bestrijden bat.’ Due sade der coninc van Persij: ‘Wat hulpe, here, dat wye 675[regelnummer] Hyer lange lijgen ind decke vreden? Sij haven bennen yren steden Die blome van rijdder-schaff all. Hed wir nochtan eynich gevall, Wir haven hondert mans al-tenen 680[regelnummer] Thegen dat sij er haven eynen. Al ist dat wir haven surge, Nochtan sart man, dat die borge Die menger brechen, datz woir. Al ist unse schade swoer, 685[regelnummer] Der hon is hon swoere voel, Want al sijn sij in diesen spele Verliesen eynen horen heren, Dat deit sij vele me verseren Dan sij ons konnen geschaden.Ga naar margenoot+ 690[regelnummer] Mocht wir ouch eynich-sijns geroeden, Dat dar weren doet die tzweyn, Her Heinrich ind van Ermenien, Her coninc, here, west dat tzü voeren, So were ir hulpe al verloren. 695[regelnummer] En dar-by so en wan-troest uch nyet, Here, van dat hie is geschiet, Want wir sullen unss wale irweren, Mamet selve en wille ons deren.’ Mergusius, der soudoen, 700[regelnummer] Sade: ‘Ich hain uch waele verstoin, Her coninc, here van Persij. Weren sij alle als vrome als gij, Sij sulden onlange vür unss duren.’ Nabot, der coninc, sade tzü der uren: 705[regelnummer] ‘Here, her soldoen, nü is hie/doet Crudus, der coninc, dar id schade all is groet. Nü siet, wiem ir geven sult Die mogentheit ind die gewelt Ende die constavelie mit?’ 710[regelnummer] Der coninc sade: ‘Als help mich Mamet, Mich dünckt, dat ir werdich sij Wael der coninc van Persij.’ Her Demophon sade: ‘Here, En haest uch nyet tzü sere. 715[regelnummer] Hie sijn noch coninge onverveirt, Die ouch wale sijn eren wert, Ende nempt mit hon dar-umb roet, Wie man morgen beste bestäet Dat her ind tzü mengen staden. 720[regelnummer] Ende dar-noe moge wir uch roeden. Ich saint dar-by nyet en sij Mere eren wert der coninc van Parsij, Werdich me dan yr hoem kondt gebieden, Mer eyn here sal sich mit sijnen luden 725[regelnummer] Beroeden, so düet he wel. Nü besiet here, sonder spel, Ga naar margenoot+Wie ir ure her sult scharen Morgen, als wir henen varen.’ Der soudoen sade: ‘Broder mijn, 730[regelnummer] Wie mach id bass geschart [sijn] Dan man vare tzü tzwen steden, Gelich dat wir huden deden, Ir en die eyne ind ure partije, Ende en die ander die constavelie 735[regelnummer] Heeft mit den anderen heren. Dat dunckt mich die schoenste were.’ Her Demophon sade: ‘Here, Alsus en rade ich nummerme. Mer ich roede wale bat, 740[regelnummer] Dat [man] tzü eynre porten die stat Bestriden [sal], so en sullen sij tzü eynre scharen Al nyet mogen uss.-varen. Wer sullen sij weren ind düen tziden. Wat hilpt uns, dat wir strijden 745[regelnummer] Tzu tzwey staden ? So en kan nyet Der eyn den anderen gehelpen yet. Laest unss proven, roede ich wale, Wie wir strijden sullen tzü-moel Ende halt achter ind siet tzü, 750[regelnummer] War man strijt ind wie, Ende we uch getruwelich dient, Ende den loent als uren vrünt Ende geeft die constavelie Ende van den herre die heirschappie 755[regelnummer] Ende laest sij verdienen we mach. Morgen wille ich up den dach sijen constavel van den herre. Dan sult ir sijen, we dat gerre Heeft, uch zu hulpen wale.’ 760[regelnummer] Due loefden sij alle dese tzale Ende saden, dat sij id alle wolden, Ende sich her-up bereiden solden En willich weren waele betzijde Tzu komen des anderen dachs zu strijde. 765[regelnummer] Die coninge, die irslagen woren, Woren alle gesat en bären Eyrlich mit groter haven.Ga naar margenoot+ Nu lais ich blyven van den soudoen, En sal uch vort doin verstoen 770[regelnummer] Van den heren van der stat, Die drove woren omb-dat, Dat sij schade hadden genomen. Alle sijn sij tzü räde komen Umb tzü besien, wie man mach 775[regelnummer] Strijden up den anderen dach. Her Heinrich tzu hon sade: ‘Her heren, dorch ure edelheide, Wat raet ir tzü doen onss nü? Vür-woir, so sain ich u, 780[regelnummer] Wat schaden wir den Sarasijnen, Wat vernoy off wat pijnen Wir yrgen gedoin mogen, Dat dunckt mich, en mach onss nyet dogen, Der soudoen en were doet. 785[regelnummer] Ende he helt sich achter sijn conroet So verre, dat geyn man Bijs ain hoem gekomen kan. Were he doet al moder-eyne, So were onse sorge clein. 790[regelnummer] Her-umb raede ich wale, wie man mocht spien, Dat man achter hoem mochte tien, Ende man yn versloge achter sijne schare, So were unse orloch offenboer Geent, ind anders nyet.’ 795[regelnummer] Der keysser van Romen seede: ‘By Gode, dat is woirheide, Ende dat en kan nyeman gedoen Als wale als yr, vrome baroen, Off van Ermenien der coninc.’ 800[regelnummer] Her Heinrich sade: ‘En wore dinck, Hie sal ich mijne macht tzü doen. Nü laest unss sien, her heren, wie Wir morgen sullen uss-varen?’ Her Echites sade: ‘Tzworen, 805[regelnummer] Mit onser partijen in tzwey scharen
[pagina 141]
Ga naar margenoot+Gelich dat wir huden däden. Nochtan müys wir versien, Wie sij selve sullen tzien Ende dar-noe sulle wir ons[e] scharen.’ 810[regelnummer] Due saden alle die dar woren: ‘Dit due man. Dat räde wir wale.’ Due gin-gen sij essen altzü-moel. Ende dar-nä gingen sij släiffen all. Got de hude sij van misvalle. 815[regelnummer] Des morgens, düe id dagen began, Wart intweckt mennich man En beiden sij den umb strijden. Her Demophon had tzu den tzij den Des soudoins banyer up-gehaven 820[regelnummer] Ende hoem quomen tzu beneven Alle die coninge, die dar woren, Ende mit hoem alle die scharen, Ende toegen tzer overster porten wert. Her Heinrich, der ridder onverveirt, 825[regelnummer] Sade tzu den heren: ‘Laist ons sien, Warwert dat sij sullen tzien. Mich dunckt, dat sij algeyne Begeren dese portz alleyn. Niet en weyss ich, wie sij doen, 830[regelnummer] Mer ich sain uch, edel baroen, Her Echites, ind yr heren mede, Ende vart al-hie uss der stede Ende besteit sij hie mit strijde. Ich wille varen up die ander sijde 835[regelnummer] Mit den ridderen van/den lande hier.’ Her Echites, der coninc fier, Sade, dat he id doin solde. Echites, der coninc vroet, Dede eyn vreischlich gemoet 840[regelnummer] Up van Ysidonie den coninc, Den he sweirlich untfinck, Want he stach en yn voer, Dat yser quam up die ander sijde doer. Van Yrlant der coninc rijch 845[regelnummer] Quam gereden degentlichGa naar margenoot+ Thegen den coninc van Lümbran, Dat beide ors ind man Viellen up die erde doet. Düe hadden die onse sorge groet. 850[regelnummer] Ende die heiden up die ander sijde Woeren o[m]b yr coninc unblide, Want sij haint yr nü tzwey verloren. Her Demophon hait yrkoren Elyonetten, der coningennen, 855[regelnummer] Die mit blijden senne Reyt den coninc tzü gemoete, Dat sij beide viellen onder die vüete, Mer balde sij widder op-schoeten. Due quomen tzü mit groesen roeten 860[regelnummer] Die heiden up die vrouwe rijch, Die sich werde degentlich, Dar sij en die noet schoet. Dit versach der coninc güet Van Spangen, de hoere stonde in staden, 865[regelnummer] Ende hait sij vromelich untladen Ende verhüeff sij widder soen. Mengen slach hait sij untfoin, Ee sij tzü eynen orss widder quam. Van Romen der keisser loelfsam, 870[regelnummer] Van Cyladas die achtziede coningenne, quomen alle tzü eynen renge Vreischlich up Demophon sloen. Dar wart der wijch starck ind stoende Ende mennich gemoet wart dar gedoen 875[regelnummer] Ende mennich swert-slach untfoen. Mennich heiden bleiff dar doet Ende mennich kersten in die noet. Die orss heffen, dat was woer, Ydel achter velde doer. 880[regelnummer] Mennich voet ind menge hant Lagen achter velde ind sant. Starck wart der strijt ind groet. Dat velt wart van blude roet Beide van den luden ind van den orsen, 885[regelnummer] Die dar storven in der persen. Ga naar margenoot+Her Demophon, siet sicher dass, De widder erkomen was, Streyt vromelich inde seir. Mit-deme versach der here, 890[regelnummer] War Elyone van Amasania Sluch Vulpus den coninc Ysauria, Dat he doet viel up die erde. Her Demophoen, deme dit derde, Sade: ‘Deser vrouwen hant 895[regelnummer] Hait unss gedoen sworen pant. Mach ich, en-trüwen, sij salt bekoüffen.’ Sijn ors lies he tzü hoer wart louffen, Ende die coningenne mit-dien Hait yn Comende gesien, 900[regelnummer] Ende sach wale, dat he hoere meynde. Ich sain uch wale, dat sij boem leynde Widder dat ort van hoeren spere. Dar wart der coninc tümeleir. So dede ouch die vrouwe koene, 905[regelnummer] Die widder van den coninc Ryoen Ende van/den Roemschen keisser tzer stede Wart up-gehaven ind beschut mede. Deus, wat strijtz wart dar due! Ende her Heinrich he quam tzü- 910[regelnummer] Slaende van en die ander sijde. Ich en wene nyet, he en versluich zu/den tzijde Vier coninge van Orchades. Ende her Echites Sluich den coninc van Sardinen 915[regelnummer] Sonder eynge lange pijne. Suss wart dar wonder groes gedäin. Solde icht uch all müysse[n] versloen Ende alle de daet yrtzellen mede, Die sonderlinge ygelich dede, 920[regelnummer] Id sulde mich werden al/ze lanc. Viij dage al omb-ganc Hadden sij strijt degelich, Dat mengen amiroel rijch Ende mennich heiden bekochten mede. 925[regelnummer] Des ix dags was vür die stedeGa naar margenoot+ Der strijt so starck ind so groet, Dat er nye tzü voren doet So vele woren tzü-moel verslagen. Ende her Demophon, der degen, 930[regelnummer] Streyt sich selven harde moede. Die ors gingen in/de blode Wael tzü halven beyne dar. Der strijt was dar so swoer Ende so enxtlich, gelouft mich des, 935[regelnummer] Dat dar kersten noch heyden en wass, Noch coninc, noch amiroel so kone, Sij en hedden e genomen die sone Dan he den un-paisch dar sach. So enxtlich was de dach. 940[regelnummer] [S]onder her Heinrich, dat was woer, Wart gedoet sijn dromedair, Ende streyt tzü vuese vromelich. So dede Echites, der coninc rijch, Ende Demophon, der ridder guet, 945[regelnummer] Stonde ind streit ouch zü vüet Thegen die rijch coningenne, Die sich werde mit stoutzen synne. Nu laisse ich sij strijden hier Ende sain uch van/den coninc fier, 950[regelnummer] Her Evax, ende der coninc Jonas, Die nü woren, gelouft mich das, Komen mit yren baronen Bys in/der heiden pauwelionen, Da[r] sij vromelich dorch reden 955[regelnummer] Ende verbranten sij da[r] sij leeden. Dat sij vonden, slügen sij doet. Düe wart dar eyn gekresch groet Van den knechten, die kresschen dar, Dat der soudoen offenboir 960[regelnummer] Verhoirde ind had groess wonder, Wat dingen dar was onder. He vüer dar ind wolt vreden. He woende, dat sij [s]underlingen streden
[pagina 142]
Ga naar margenoot+Hadden, des he erre was. 965[regelnummer] Mer Evax ind. her Jonas, Die den soudoen sägen komen, Haint harde wale vernomen, Dat eyn groes here were. Due kanden offenboir 970[regelnummer] Der coninc Jonas, ind sade: ‘Here, Idtz der soudoen, sommer mijne ere. Were he al moder-eyn doet, So were geent dit orloch groet.’ ‘Ja’, sade her Evax, ‘is dit woir? 975[regelnummer] So wille ich hoem rijden noe.’ He sluich mit sporen hoestelich Ende erhoelde den soudoen rijch Ende sade: ‘Her tyraen, here, Got geve uch laste[r] ind unere. 980[regelnummer] Wat hait yr desen lande gewetten, Dat yrt alsus haet getten? Dat sal zu uren leide wesen.’ Dat swert hüeff her Evax mit-desen Ende sluich den soudoen op dat houft boven 985[regelnummer] Ende haet id eme tzen kenne zu gecloven. Des he vro was ind blijde. Suss voeren sij vort tzen strijde Her Evax ind rijeff: ‘Arregoen.’ Ende her/Jonas, der baroen, 990[regelnummer] Rieff: ‘Cyvele’, wat he mach. Dar wart geslagen mengen slach Ende mengen haint sij dor-stechen. Ich sain uch, dat die heiden wechen, War dat leeden dese ij heren. 995[regelnummer] Nieman en mocht hon ontkeren, Dat sij verlangden mit den swerde. Demophon, de up die erde Vromelichen had gestreden, Had nü eyn starck orss beschreden 1000[regelnummer] Ende dede den onsen groes verdrijet. Tzworen, en weren komen nyet Her Evax in den strijde groe[I], He hed Eylionetten doet.Ga naar margenoot+ Mer her Evax sach yn soen 1005[regelnummer] Vreyschlich up die vrouwe sloen, Die sich vromelichen werde, Ende so stoutzlich gebeirde. Ende he sade tzü Jonas due: ‘Mach diss duren lange also, 1010[regelnummer] He macht en die onse eynen scart.’ Her Jonas sade tzer vart: ‘Itz her Demophon, des soudoens bruder, Der vroemste ridder, des sijt vroeder, De onder alle die heiden is, 1015[regelnummer] Ende ouch vrunt des conincs Echites, Mer he is den onsen eyne ploge swore.’ Her Evax sade: ‘Ich moet, datz woir, besien, wie he schirmen kan.’ Mit-deme so vuer he hoem ain 1020[regelnummer] Ende gaff hoem eynen slach up dat houft Ende haet yn dar-mit so verdouft, Dat he en onmacht lach up dat pert. Ende her Evax, der ridder wert, Hait dat swert noch verhaven 1025[regelnummer] Ende woonde hoem den doet-slach gerren. Mer düe id her Echites sach, Rieff he lude, wat he mach: ‘Edel coninc, laest stoen, Dor mijnen wi[e]lle, nü dat sloen 1030[regelnummer] Ende vangt yn, dor mijne beede.’ He sade, dat he id gerne dede. He vingen ind sanden in die stat. Mer ich sain uch wale dat, Dat Demophon, der ridder guet, 1035[regelnummer] Hoem nyrgen kift en verstonde, Want he lach allet in onmacht. Mit-desen is he in die stat bracht Ende gaff yn der keyserennen, Die en dede en eyne kamer bynnen 1040[regelnummer] Dragen, and [up] eyn bedde legen. Tz[o]woren, vür hoem, hoer ich sagen, Ginck sitten die vrouwe van der stede, Ga naar margenoot+Ende jonffrouwe Magriete mede, En die schone Elione. 1045[regelnummer] Die säissen vür den ridder koene, De sich selven nyet en verstonde. Nü lais ich ligen den ridder guet, Ende sain uch van/den strijde, De voer die stat was mit nyde. 1050[regelnummer] Ende her Evax, de nü komen was, Ende sijn geselle, her Jonas, Worten wonder al/tze groet. Mengen slugen sij tzer doet. Ende der coninc van Persij 1055[regelnummer] Bleyff dar verslagen, gelouvetz my, Van der vrouwen van Amazonia. Ende die nüwe-mere quam her-noe Int/herre, dat der soudoen were Verslagen. Düe wart offenboir 1060[regelnummer] Dat her gevlüwen alzu-moel. Mer die sonne ginck zu dale Ende der avent ain-quam, De hon dat strijden benam Ende ygelich moest keren widder. 1065[regelnummer] Tzu strijde en keirden sij nye seder. Want Demophon, de gevoen Was, he was sere untdoen, Ee he tzü boem selven quam. Düe he bekomen was, he vernam, 1070[regelnummer] Dat he in/den strijde nyet en was, Had hoem Broes wonder das, War dat he mochte sijn. Die hoem dar säissen by, Due he sij sach, due sade by: 1075[regelnummer] ‘Help, Mamet, war ben ich nü?’ Die keysserenne sade: ‘Ich saint u. Ir sijet hie mijn gevoen.’ ‘Helpt, schone wael-gedoen, Ende wanne quam ich gevoen hier? 1080[regelnummer] Dat hait mich al/ze groess wonder, Ende wie ich wart so sere zu onder?’ ‘In-trouwen, here, ich en weyss wie id was. Mer ummer siet sicher das,Ga naar margenoot+ Dat ure bruder, der soudoen, 1085[regelnummer] Ouch sijn ende bait gedoen Ende mennich ander here dar.’ ‘Tzworen, vrouwe, datz mich swoer, Want dit sijn quode meren.’ Mit-desen so quam en-gevaren 1090[regelnummer] Dat her widder en die stat. Ende als die heren vriesschen dat, Dat Demophon was erkomen, Haint sij yren weich genomen Tzü [stat] wart alzü-moel. 1095[regelnummer] Ende man bracht yn en/den sale, Dar die heren alle woren. Her Demophon sade: ‘Tzworen, Her heren, mich is doin verstoin, Dat ich hie nü ben gevoen, 1100[regelnummer] Ende dat mijn bruder, der soudoen, Doet is. Suss ist unss ergoen Tzen argsten ind zen krancksten all. Onse is al dat ongevall. Nü besiet, lieve heren, 1105[regelnummer] Ich solde tzü mijnen her gerne keren, besiet, wat ir des mijns begert.’ Her Heinrich sade: ‘Her ridder wert, Ir sult guden paysch gewennen, Mochte mijn vrouwe leven mit mennen. 1110[regelnummer] Mer here, gelouft mich des, En[de] hed gedoen der coninc Echites, Id were mit uch also vergoen, Alst is mit den soudoen. Dat onss allen were leyt.’ 1115[regelnummer] Demoph[o]n antwerde gereit: ‘Des gelouve ich uch allen wale. Begert yr van mich yet el Dan guden paysch ind guden lone? Itz nü meist ain mich tzu doen. 1120[regelnummer] Sijnt mijn bruder doet sij, So sal ich gerne doen, dat gij Begert, ind dar-tzü nochtan. Ir heren, so bid ich uch dan,
[pagina 143]
Ga naar margenoot+Dat ir mich wilt layssen varen 1125[regelnummer] Bij s in dat her, tzworen, Ende laest mich sijen, wie id dar stoet. Ee morgen ummer onden goet Die sonne, sal ich widder-keren.’ Her Heinrich sade: ‘Tzworen, heren, 1130[regelnummer] Man solde uch gelouven me, Op-dat irt gebiet, here. Nu vart, dar yr wilt, tzü guder tzijt.’ Demophon nam kort raspijt Ende vuer tzü sijnre tenten wart, 1135[regelnummer] Dar he tzü wesen sere begert. Nü laisse ich den coninc varen, En sain uch vort, tzworen, Van/den heren, die en die stat Woren tzu gemach bat 1140[regelnummer] Dan sij woren en langen tzü voren. Al hadden sij vele verloren, Sij wysten nü wale vür die hant, Dat en vreden sulde wesen dat lant. Ouch wael wyst, sonder woen, 1145[regelnummer] Dat groes ere wart gedoen Evax, den coninc van Arregoen. Ende ouch den stoutzen baroen, Her Jonas van Cyvele. Id were mich pij ne al/ze vele, 1150[regelnummer] Tzü vertellen yr feiste. Mer her Evax, sait die jeeste, Feistierde jonffrouwe Margrieten sere, Die widder sere toeffde den here. Ende vermanen van den strijde, 1155[regelnummer] Ende man ginck essen tzü den tzijde Wie wael dat hadden gedoen die heren. Men sprach dar harde vele eren Eylionetten, der coningennen. Dar was feyste in allen synnen 1160[regelnummer] Ende vreude ind spel, Want id was hon ergoen wel. Nulais ich yre feiste blyven, In wille uch vort beschriven Van her Demophon, de vertGa naar margenoot+ 1165[regelnummer] Uss der stat tzen her wart. Ende als he yn die tenten quam Ende man dat/int/herre vernam, Quomen tzü boem die coninge alle, Clagende sere yr misval. 1170[regelnummer] Due sade der coninc Colosus: ‘Here, wat pyne wir onss alsus? Ho[e]n [Got] is besser vele dan Mamet. Ende ouch is besser yr wet Dan die onse, dat schijnt wel. 1175[regelnummer] Hon Got is unss al/ze fel. Wie mocht id sijn, he en doet, Dat wir mit hon sijn so begaet. So vele lude unss woren by. Lieve here, nü sait wat wy 1180[regelnummer] Morgen sullen erst ain-voen, Op-dat sij ons willen bestoen. Wir en konnen ons nü, als ir siet, Jhegen hon geweren nyet. Der soudoen is doet. 1185[regelnummer] Nü roet unss, want ir siet onse houft.’ ‘Her coninc, ir sait woir, Mer ich ben yre gevangen doer, Ich en mach uch nyet stoin en staden. Mer räet irt, ich sal ons raden, 1190[regelnummer] Dat wir sullen den vrede machen. Want schoenre haint sij yre sachen Dan wir doen, en besser were, Al haint wir noch dat meiste her.’ Prasijs, der coninc, sade: ‘Here, 1195[regelnummer] Ir saet wale, sommer mijne ere. Macht uns den vrede, begert irt. Wir haven hie langen tijt Gelegen ind hon gedoen Groess onrecht, nä mijnen verstoen, 1200[regelnummer] Want ichs en geynen sennen Yrgens ain bekennen Ind schade haint wir genomen. Ich wolde wir nye hie en weren komen. Mer macht unss den vrede, so duet ir wale.’ 1205[regelnummer] Wat hulpt, dat ich uch lange tale Ga naar margenoot+Van hoere parlementen machde? En dat leste drogen sij yre sachen So over-eyn, dat he solde varen, Ende mit hoem ouch tzworen 1210[regelnummer] Colosus, Prasijs ind Maurus, Ende solden den vrede machen alsus, Alse sij däden vruntlich. En dese drij coninge rijch Wolden werden kersten mede, 1215[regelnummer] Als sij däden in die stede [En dese drij coninge rijch] En die heren sich resden dar Die keyserenne ind Magrete, datz woir, Ende etzliche van den anderen jonffrouwen. 1220[regelnummer] Dar was vergessen als rouwen. Ende Demophon lies scheiden dat her, Mer he en had geyne gerre, Noch Colosus, noch Maurus mede, Dat sij rümen solden die stede, 1225[regelnummer] Noch Prasijs van Prasia. Die keyserenne Eusebia Danckde der groser eren Alle den coningen ind den heren, Die dar umb hoere gepijnt woren. 1230[regelnummer] En die stat so was tzworen Groess spel ind groes feyst Ende groes blijtschaff, sait die jeeste. Nu hoirt die jeeste, her heren, vort. Ir haet hie voer waele gehoirt, 1235[regelnummer] Dat etzlige die coninge, die dar woren, Mit starcken mennen bevoen woeren, Als Demophon ind Maurus, Der coninc Prassijs ind Colosus, Die gerne getroist sulden sijn. 1240[regelnummer] Her Demophon, der soudoen fijn, Rijeff Echites, den coninc, Ende her Heinrich, en wore dinck, Want he tzü hon gonstich was. ‘Ir heren’, sade he, ‘gelouft mich das, 1245[regelnummer] Dat ich mit guden herten mennen Eyne jonffrouwe van hie bennen. Datz van Salenten die jonffrouwe,Ga naar margenoot+ Die ich gerne, sommer mijne trouwe, Halden solde al mijn leven, 1250[regelnummer] Wolde [man] sij mich zu wyve geven Der coninc, hoer vader, ind id hoem bequeme. Want ich sij vür al die wyve neme. Ich bid uch, dor dije mynne van my, Dat yr sij ain den coninc vrij 1255[regelnummer] Tzü mijnen behoeff wilt besueken nii, Want ich mich sere betruwe tzü. Dor hoeren wille, datz ungelogen, Ben ich mijnre wet aff-getzogen, Ende hain mich ain die ure gekeirt.’ 1260[regelnummer] Her Echites, der coninc geeirt, Sade: ‘By mijnre trouwen, here, Sent dat yrs Bert sus sere, Hoff ich ain unsen Here wel, Dat sij ure is ind nyman el. 1265[regelnummer] Wir sullen gerne ure boetschaff doen.’ ‘Got loin uch’, sade der baroen. Echites ind der Lymborgere, Die beide hadden grosen gerre Des soudoens boetschaff tzü doen, 1270[regelnummer] Sij gingen tzen coninc kone Van Salenten, dar he stonde. Echites, der coninc guet, Grüyt den coninc ind seede: ‘Here, her coninc, dor ure edelheide, 1275[regelnummer] Versteit onse boetschaff in gade, Die wir bryngen mit blijden mude Van Demophon, den soudoen, De so sere is bevoen Mit mijnven van ure dochter fijn, 1280[regelnummer] Dat wir moesten sijne boeden sijn. Neme he sij, dat dunckt unss wel. Ende ich sain uch sonder spel, Sijnt he geläissen hait sijne wet, Dat yr sij in die werelt bat 1285[regelnummer] En kondt bestaden, dat dunckt my, Up-dat begert die maget Vrij. Want he is der rnechtichste man de leeft
[pagina 144]
Ga naar margenoot+En den die werelt bennen heeft. Mich dunckt wale, dat ich rijede, 1290[regelnummer] Riedent uch ander wijse lude, Dat yr hoem geeft die maget wert, Die he van hertzen hait begert.’ Der coninc van Salenten sede: ‘Nü raet mich, her heren, beyde, 1295[regelnummer] Want ich gelouve uch alre doegt.’ ‘Tzworen, alz ir wale mogt’, Sade Echites, der coninc, ‘Ich raet uch wale, vür alle dinck, Dat yr sij geeft, want dar-mede 1300[regelnummer] Wirt gesterckt Kerstenheide, Van alle der heidensche wet Ende dar-zü wirt [sij] vrouwe mit En soge dir nyet der soudoen Die werelt had bevoen, 1305[regelnummer] Dat hoem allet bleyff ondedäin.’ ‘Her heren, so wille icht ain-goen’, Sade van Salenten der here. ‘Mer läyst uns goin, durch ure ere, Ende laist unss der maget vrogen. 1310[regelnummer] Laest sien, wie sal id hoere behagen.’ Sy saden, dat sij id gerne deden. Due gingen sij darwert mit staden, Dar sij die schone maget vonden. Ouch was sij tzü den selven stonden 1315[regelnummer] En die kamer der keyserennen, Dar die heren gingen bynnen. Die keyserenne groeten sij Ende alle die jonffrouwen vrij. Der vader sade tzü hoer, 1320[regelnummer] Wie dat he dar komen were Ende die heren beide mede. Die jonffrouwe antwerde tzü der stede: ‘Here, ure kint so ben ich. Wat yr begert, datz mijn gemick, 1325[regelnummer] Ende die-wile he ouch kersten is, Hain ich en tzü liever, gelouft mich des, Dan ich eyngen anderen düen. Siet, wat yr wilt, ich doin also.‘Ga naar margenoot+ Die keyserenne sade: ‘Jonffrouwe, 1330[regelnummer] Mich dunckt wale, sommer mijn trouwe, Dat yr en gerne mennen moegt, Want he is vol alre doegt.’ Due sade der coninc tzü den heren, Dat sij wale mogen keren 1335[regelnummer] Tzu heren Demophon, den soudoen. ‘Ende duet eme dat verstoen, Dat ich hoem vür alle man Wael mijnre doeter gan. Ende geve sij gerne den here wert 1340[regelnummer] En ben blijde dat he yr gert.’ Suss so schieden dar die heren, Die tzü den soudoen widder-keren Ende saden yre boetschaff wale. Due was der soudoen al-zü-moel 1345[regelnummer] Ontdoen van groser blijtheide. Tzu den heren he düe sade: ‘Ich bid uch, heren, koempt mit mi Ende laest mich alle die coninge vrij Bidden, dat sij mit mich goen, 1350[regelnummer] Dat ich die maget wille ontfoen Ende trouwen nä den seede.’ Sij saden, sij gingen gerne mede. Der soudoen ind her Echites Ende her Heinrich, gelouft mich des, 1355[regelnummer] Bäden den heren gemeinlich, Dat sij mit den soüdaen rijch Ter keyserennen hene strechen, Den coninc van Salenten sprechen. Die gerne gingen mit hoem dar. 1360[regelnummer] Der soudoen suchte dar-noe Ain den coninc die schone maget Esyonen, die hoem behaget. Der coninc, de wart tzü räde, Ende sade, dat he id gerne däde. 1365[regelnummer] Due ginck der coninc van Vranckerich Ende der keysser van den Roemschen rijch In die kamer zu den selven stonden, Ga naar margenoot+Dar sij Esijonen vonden Ende die keyserenne mede, 1370[regelnummer] Die mit yre ginck tzü der stede, Dar man sij solde ondertrouwen, So daden sij ouch, yre jonffrouwen. Eyn busschoff undertruwede dar. Dar wass feyst, wyst vür-woir, 1375[regelnummer] Van den heren sonderlinge. Noch woeren dar ij coninge, Die ouch yre boetschaff lüeden Echites ind her Heinrich, den vroeden, Ende Evax ind Jonas des gelich. 1380[regelnummer] Der eyn was der coninc van Vranckerich, De hon vruntligen bat, Dat sij dorch hoem däden dat, Dat sij tzü den coninc van Dalmacien gingen, Ende besegen, in woere dingen, 1385[regelnummer] Off he hoem die schone jonffrouwe, Der he van hertzen was getrouwe, Celidonien, geven wolde, Want he sij gerne nemen solde. Ouch bat hon des gelich 1390[regelnummer] Der keysser van/den Roemschen rijch, Dat sij omb sijnen wille sich pijnen, Omb der schoenre Salemijnen, An van Tracie den coninc. Due geloeifden sij die dinck, 1395[regelnummer] Noe yre macht, tzü doin wale. Wat mach ich her-aff lange tale? Sij machden die brulochten all. Die blytschaff en was nyet smal, Noch die feyste, gelouft mich das, 1400[regelnummer] Die dar yn die stat was. Nü hait yr, heren, gehoirt wel, Dat en die stat is joie ind spel Van brülochten die dar sijn. Her Echites, der coninc fijn, 1405[regelnummer] De noch nyet en hait, dat he begert Ende van hertzen haft wert, Rieff tzu-gader sijnen vader, Ende Evax ind Jonas tzü-gader, Ende sade: ‘Yr heren, ir west wel, 1410[regelnummer] Dat ich nye en gerde ell, Dan ich Magriete, mijn vrundenne,Ga naar margenoot+ Tzü eynen wyve mochte gewennen. Nü is der tzijt komen hier, Dat hie is der ridder fier 1415[regelnummer] Her Heinrich, hoere bruder, De hoescher is ind vroder Dan ich kan wale vertzien. Ich bidde uch, heren, dat ir versien Geyt ain hoem, off by 1420[regelnummer] Sijn suster wilt geven my. Want sicher siet, in dede he is nyet, So were mich leide geschiet, Want ich storve dar-umb, weyss ich wale. Der greve sade: ‘Läist dese tale. 1425[regelnummer] Wer willenen gerne sprechen goin.’ Echites sade: ‘Datz wael gedoen. Nu geyt ind pijnt uch sere. Des bidde ich uch, lieve here.’ Nu sijn die coninge al beide, 1430[regelnummer] En der greve, dar ich aff seede, Ende mit hon sicherlich Der keyser, ind van Vranckerich Der coninc, ind der soudoen, Al tzü her Heinrich gegoen, 1435[regelnummer] Dar he by den coninc stonde, Colosus, des sijt vroet, Ende by den coninc van Prassia, Die hoem gerne woren nä, Umb-dat sij gerne sprechen solden begennen, 1440[regelnummer] Wie ygelich krege sij ne vrundynne. Maurus van Moriane En dorst hoem nyet/sprechen ain, Umb-dat he vorde, wael zu voeren, Dat die pijne were verloren. 1445[regelnummer] Ende ouch en was he kersten nyet Dat he by reden varen liet. Nü quomen die heren her Heinrich tzü, Ende groetenen al due Ende he hon widder hoeschlich. 1450[regelnummer] Van Athenen [der greve rijch] hoefschlich Sade: ‘Guet boede, here, en mach nyet Sagen lichtlich, dar hoem aff misschiet.
[pagina 145]
Ga naar margenoot+Siet, here, [hie] is der son mijn, Her Echites, der coninc fijn, 1455[regelnummer] De harde gerne, weirt uch bequame, Ure suster tzü wyve neme, Ende haet dese heren gesant nü, Umb zu besien, her, ain u, Off yr hoem sult gonnen. 1460[regelnummer] Want van up-gange van der sonnen Bys dat sij widder onden-geyt, En is nyman, got-weit, Die he nemen solde vür hoer, Here, up-dat üre wille were. 1465[regelnummer] Nü sait unss, here Heinrich, ridder vrij, Willich dat ure wille sij.’ Her Heinrich, der ridder wyss, De sere stonde in/der heren prijs, Sade: ‘Her heren, dor Got, 1470[regelnummer] Dit is eyn sere schone geboet, Dat yr biet eynren mäter jonffrouwen. Mijn here, der coninc, is al vol trouwen Ende dat wilt he toünen wel. Tzworen in Got, in were dit spel, 1475[regelnummer] Dat he y eyne jonffrouwe neme, Die he en wyst wanne sij queme, So rijch eyn coninc so he sij Ende so vrome eyn ridder dar-by. Tzworen, in kint ich sij ne manieren 1480[regelnummer] Soe hoesch nyet ind so guder- tieren, Ich solde wenen, by Goede, Dat he id tzü sijnen schertz untboede. West ouch, her heren, wael dat, Dat der coninc doen bat 1485[regelnummer] Sal, dan ain eyn mäte jonffrouwe. Ouch west, her heren, dat groesen rouwe Bleiff vader inde moder beide, Die so groese droeffheide Haven, dat sij id bequelen, 1490[regelnummer] Vorte ich, off besterven sullen. Ende dar-by, here, by woirheiden, Weren dese feisten leeden Ende ouch mede dese brulochten, Ich solde mich hoesten, wat ich mochte,Ga naar margenoot+ 1495[regelnummer] Mit hoere widder tzu lande wert Troesten, die ich liess besweirt Omb hoere ind omb mich mede. Ir heren, dorch ure edelheide, Nü versteit dit al en gude. 1500[regelnummer] Der hoesche Echites ind der vroede Is eren wert al/zu vele, Dat mich nyet en donckt dan spel Tzu heyschen also moete eyn wyff. Laest dat, heren, sijn eyn blyff. 1505[regelnummer] Mer Got loin uch der eren, Die yr onss geboeden hait, ir/heren, Ende Got laetz onss sonder ure noet Noch verdienen vür unse doet.’ Her Evax, der coninc, de verstoen 1510[regelnummer] Wael haet den ridder, sade soen: ‘Tzworen, here[n], nü versteit wel, Dat wir hie omb geyn spel En [de] komen, ind west dat wale, Dat der coninc alzü-moel 1515[regelnummer] Verloren blyff ind al ontsendt, Wä he sij tzü wyve nyet en gewent, Ende dat were grose schade. Dar-umb bid wir uch, here, dor genäde, Dat yr bass sprecht dar-tzü.’ 1520[regelnummer] Alle die coninge bäden hoem due, Dat he id liesse sijn der wille sijn. ‘Ich solde’, sade he, ‘dat leven mijn Dor sijnen wille aventüren En dor uch allen tzü ygelicher uren. 1525[regelnummer] Mer, yr heren, des sijt vroder, Dat mijn vader ind mijn moder, Vorte ich, noch besterven solden, Die sick noch up den hoff onthalden, Wen/ich, dat sij sullen sien.’ 1530[regelnummer] ‘Neyn here’, sade der keysser mit-deme, ‘Als sij wessen, dat sij is wale, Ende coningenne alzü-moel Van Ermenien, sij sullen hon Bass halden en yren sen.’ 1535[regelnummer] ‘Her, yr saet woir sicherlich’, Ga naar margenoot+Sade der coninc van Vranckerich. Her Heinrich sade: ‘Coninc, here, Nü räet selve, up ure ere. Dat wille ich wale, dat yr kindt, 1540[regelnummer] Dat yr hadt onser monen kint, Eyn hoesch kint inde eyn wael-geracht, Al en hain ichs geyn kontschaff gemacht, Dat kynne ich wel.’ ‘Ich kindt wael ind id is woir 1545[regelnummer] Inde ich raet wael offenboir, Dat man die maget den coninc geve Ende mit hoem en eren leve.’ Her Heinrich sade: ‘Sent meir Dat yrt räet, so düin icht tzü ee, 1550[regelnummer] Op-dat hoers selve wille sy. Nü beyt eyn wenich nä my, Ich sals goin vrogen hoere.’ Sij saden, dat wael gedoen were. Mit-desen is der ridder gegoen, 1555[regelnummer] Dar he vant/sijn suster stäin, Ende vrogde hoere, wat sij rijede. Ain hoem weren gude lude Ende coninge komen eyne partije, Van den coninc van Ermenie. 1560[regelnummer] ‘De uch gerne tzü wyve neme, Suster lieve, weirt uch bequeme. Nü sait mich uren wille dar ave. Ich antwerde dar-up den greve Ende die coninge die dar sijn.’ 1565[regelnummer] Die maget sade: ‘Lieve bruder mijn, Wat dat onder Gode leeft Ende mans name heeft, Buyssen mijnen vader ind uch, En versteit nyet en arge nü, 1570[regelnummer] En menne ich nyet vor sijnen licham Noch den ich so gerne neme Als ich dede den baroen. Mer, lieve bruder, ich wille doin Uren wille ind ure begeren, 1575[regelnummer] Al soldt mich al mijn leven deren. Want broder, dat mogt ir verstoin,Ga naar margenoot+ Dat der coninc dorch mich [haet] gedoen Haet pyne harde groes ind swoir Voel me dan vij joer. 1580[regelnummer] Nü besiet, wat yr roet, Al geve/ich mich gestede Nä uren raede.’ ‘So rode ich wel, Wan[t] der coninc en schijnt nyet fel.’ Due sade he id der keyserennen, 1585[regelnummer] Die is blijde was en allen sennen, Ende ontboet den coninc dar Ende Echites offenboer Ende trüweden hoer die magt. Blyder lude ir nye en soegt 1590[regelnummer] Dan sij woren alle beyde. Ent/hoff wass feyste ind blytheide. Nü versteit mich vort, ir heren, Dat uch Got geve voele eren. Der Lymborgere had verdient, 1595[regelnummer] Dat was alle sijn vrient, Wat dar was, groes ind cleyne. Ende die keyserenne reyne Minden, so dede he hoere, Dat sij nye offenboir 1600[regelnummer] [S]onderlinge dorst[en] gewagen, Wan[t] sij hon ere beide untsoegen. Her Heinrich, dat he was tzü mäte End untsach, dat [he] geyne baete Hoem dar-aff komen in solde. 1605[regelnummer] Der coningenne ouch nyet en wolde Sagen, umb der heren wille, Die dar loegen int/stat al/stille. Mer sij dacht, eir he schiede, Al/weren dar noch also vele lude, 1610[regelnummer] Solde sij id eme ummer wessen doen. Nü hoirt wat der baroen Echites, der coninc, dede. He nam die coninge, die in die stede Wären, al zu eynen rade 1615[regelnummer] Ende sade: ‘Ir heren, dorch genäde, Nu hait mijn swoger, der ridder cone,
[pagina 146]
Ga naar margenoot+Gehat harde vele tzü doen En/den dienst vlij nre jonffrouwen. Nüe en kan ich nyet geschouwen, 1620[regelnummer] Wie sij is hoera lonen sal. Sij bedde dit keyserich all Verloren, en bed he gedoen. Dat mogt ir alle wael verstoen. Wat eren sal sij hoera dar-vür doen?’ 1625[regelnummer] Van Salenten der baroen Sade: ‘Here, bij der trouwen mijn, W[ol]t die keyserenne fijn, Ich rijede wale, dat sij en neme, Want he is so schone ind bequeme 1630[regelnummer] Ende der vroemste den man vindt Off en ertrich kindt. Riet yrt alle, ich rijet wale, [wir] hoere Gingen vrogen, watz hoere wille were.’ Demophon sade, der soudoen, 1635[regelnummer] ‘By Gode, dat were wale gedoen, Want der ridder onverveirt Is alre doegt ind eren wert. Nü geynt wir darwert al gemeyne.’ Sy loefdent al, Broes ind cleyne. 1640[regelnummer] Doe gingen sij al zü der keyserennen, Die was en yre kameren bynnen, Ende groeten sij all sonder beide. Der coninc van Salenten sede: ‘Vrouwe, wir sijn al hier nü 1645[regelnummer] komen mit eynen roede tot .u. Want wir ure ere gerne sägen. Vrouwe, nü koera wir uch vrogen, Hie is her Heinrich, der Lymborgere, De uch decke mit groesen gerre 1650[regelnummer] Gedient haet ind Bestanden en stade, Dar yr sere wordt/verladen Ende, en-trouwen, ongereit weirt bleven, Woe he uch hed begeven. Nü berycht ons, vrouwe fijn, 1655[regelnummer] Wat yr den ridder vür sijne pijne Sult geven, dat uch eirlich sij?’ Düe sade die keyserenne vrij: ‘Tzworen, yr heren, wat ir raet. Nü siet, dat yrt so begaet,Ga naar margenoot+ 1660[regelnummer] Dat mich sij eirlich, want gedient Haet he mich als eyn getrouwe vrünt.’ ‘Edel vrouwe’, der coninc sede, ‘Sint yrt up mich haet geleet, Up-dat uch seleen mach behagen, 1665[regelnummer] So sijn wir over-eyn-gedragen, Dat wir begerren, weirt uch bequeme, Dat he uch tzü eynen wyve neme.’ Die keyserenne, die dit verstonde, Seede: ‘Ir heren, ich sain uch, wat ir duet 1670[regelnummer] Ende ir mich doert roeden wale, Sal ich doin alzü-moel.’ Sy saden, sij rieden wale dat. Düe untboeden sij yn van dä he s[a]t, Heren Heinrich, den ridder fijn, 1675[regelnummer] Ende sprach jhegen die suster sijn, De hoestlich zü den heren quam Ende sijn suster, die maget loefsam. He groet sij hoeschlich ind sij Groeten widder den ridder vrij. 1680[regelnummer] Van Salenten der coninc vrij Ain-sprach suss den jongelinck: ‘Here’, sade he, ‘verstoft en gade, all Dat ich uch nü sagen sal Van mijnre vrouwen wegen, der keyserennen. 1685[regelnummer] Ende van alle den heren, die hie sijn bynnen, Hait sij rät, dat/sij uch lone Eirlich urs dienst ind schone, Want/irs wale haet verdient. Ouch sijn sy ure sonderlinge vrient, 1690[regelnummer] Alle die heren, die hie sijn. Nü haven sij mijnre vrouwen fijn Geräden, dat sij uch trouwe. Ende ouch so is mijn jonffrouwe Worden tzü räde alzü-moel, 1695[regelnummer] Uch tzü machen altzü-moel Here van hoeren lande ind voegt, Dat/yr gerne doin moegt, Want ir myt hoere sicherlich Hilicht alle dat Griexsche rijch. Ga naar margenoot+Untfangt id willich ind gerne, Mit rechte in steytz uch nyet tzü weren.’ Her Heinrich, der Lymborgere, De allet had wille ind gerre Ende sij ne mynne ain die keyserenne, 1705[regelnummer] Antwerde mit/blyden synne: ‘Der doegt in der eren Moesse uch Got lonen, ir/heren, Die yr mich biedt hie tzü der stede, Ende ouch mijnre jonffrouwen mede. 1710[regelnummer] Want were ichs werdich sicherlich Tzü trouwen die vrouwe rijch, So en [i]s dinck in desen dage Die ich [e]ir dede off sage. Ende want ich nyet en sij 1715[regelnummer] Tzü tro[u]wen die keyserenne vrij Werdich, so sult ir sij bat Ende hoger bestaden tzü eynre andere stat. Ir west wale, her heren, al, Dat mijn guet is vele zu smal 1720[regelnummer] Tzü nemen eyne also groes vrouwe. Got müys uch der doegt in/der trouwe Lonen, die ir mich biet hie.’ Van Romen der keisser fier Sade: ‘Here, laist dit varen. 1725[regelnummer] Wir begerent al, tzworen, Ende mijn vrouwe mit nü Ende en willens nyet erläissen u. Nü duet id in name onss Heren.’ Der ridder sade: ‘Der eren 1730[regelnummer] Lone uch Got van hymmelrich. Ich salt ain-goen blydelich.’ Den busschoft untboet manre tzü, De sij [alle] trouwede due. Dar was blytschaff ind feiste. 1735[regelnummer] Gerade man dar sproech dede Umb Colosus ind Prasijs, Beyde die coninge fatijs, So-dat ygelich sijnre jonffrouwen Mede ginck onder-trouwen. 1740[regelnummer] Dar was feiste starck ind groet. Ende ich sain uch, dat man ontboet Alle die vrouwen van den lande.Ga naar margenoot+ Dar was feiste mengerhande xiiij dage al ut 1745[regelnummer] Truwede ichlich dar sijn bruyt, Die alle tzü der kirchen gingen tzü samen. Die vij brude, die dar quamen, Ende die vij coninge mede, Die/sie truweden dar tzer stede. 1750[regelnummer] Die feyste dürde xl dage. Wat holpt, dat ichs voele gewage Van yre feisten, die sij dreven? Ich wils swigen ind begeven, Want ich en macht nyet volschriven 1755[regelnummer] Die groese feiste, die sij dar dreven. Dar woren, mogt ir wessen, vele Vreude ind mynstrele, Den man dar grose gichten gaff. Nu wille ich swigen hier-afff 1760[regelnummer] Ende sain uch van den hertzoge loefsam Van Lymborch, de yn Grieken quam. Van Limborch der hertzoge rijch Ende sijn volck gemeynlich Haven so lange gereden, 1765[regelnummer] Dat/sij sijn Tuschalven leeden, Ende alle die lande, gelouft mich dat, Dat sij quomen tzu Athenen in die stat, Dar Nychea, die grevenne, Bereide mit eynen blyden synne 1770[regelnummer] Tzu varen tzer brulocht wert, Dar sij sere tzü wesen begert. Due sade man hoere, dat en die stat Were komen eyn hertoge. Due sij dat Vernam, vrogde sij, we he were. 1775[regelnummer] Due sade man hoere offenboir, Dat van Lymborch der hertoge sij. Die vrouwe sade: ‘Gelouvetz my, So ist jonffrouwe Magrieten vader. Nü vair wir darwert al gader 1780[regelnummer] Ende untfangenen blidelich, Want he is edel ind rijch.’ Tzü boem so quam sij soen.
[pagina 147]
Ga naar margenoot+ Alle die brulochten tzworen, Die tzü Constantinoble woren, 1785[regelnummer] Ende van sijnen kinderen mede. Des he had groes blijtheide, So dede ouch die hertoginne. Mit-deme so quam eyn boede ynne, De hoem sade, dat he queme siene 1790[regelnummer] Die grevenne, ind mit-deme Es sij en die herberge komen. Ende der hertzoge hait id vernomen Ende die hertoginne rijch, Ontfingen sij sij blidelich. 1795[regelnummer] Dar was gedoen voel hoescheide. Wat holpt, dat ich al schreve? Sij bereiden yr vart Ende reden tzü der brulocht wart, Ende quomen dar mit/groeser vreuden 1800[regelnummer] Op den dach, dat man sij solde Trouwen. Due quam dar mere Tzü Magrieten, dat komen were Hoere vader ind moder beyde Mit groser werdicheide, 1805[regelnummer] Ende die grevenne van Athenen. Ich wene nye blider lude en schenen Dan her Heinrich ind sijn suster wass. Mer als sij quomen, gelouft mich das, Int/hoff ind yre kinder sogen, 1810[regelnummer] En mocht uch geyn man gewagen Die groes feyst, die was dar. Dat mach ygelich offenboir Wessen, dat die feist was groes. Wat weynt yr, wie die moder schoet 1815[regelnummer] Tzü Magrieten, due sij sij sach? Al/sulde ich uch [lesen] alle desen dach, Ich en konde uch vertellen nyet Die groess feiste, die dar geschiede. Man trüwede die brüde alzü-moel 1820[regelnummer] Ende dar-ä leide man in/den sale Ende gingen essen ind woren blyde. Dar wart vermaent zu den tzijde, Wie dat ygelich hed gevaren Van den coningen, die dar woren.Ga naar margenoot+ 1825[regelnummer] Ende [ouch] saden sij wael zü voeren, Dat Magriete was verloren, Dat Got by mirackel dede, Want we sulde sulch vroemheide Haven yrgentz gelesen, 1830[regelnummer] En hed sij nyet verloren gewesen? Groet was die feiste, datz woir, Ende die blytschaff die was dar, Die xl dage dürde al ut. Due nam ygelich sijn brüyt 1835[regelnummer] End voerden sij mit hon tzü lande [wart.] Nü lais ich stoin van yren vart. Her Heinrich ind sijn vader med[e] bleven zü Constantinoble in die stede Ende sijn moder, die hertoginne. 1840[regelnummer] Suss woren sij mit vreuden dren, Bys dat sij storven beide dar, Ende worden vür den hogen altaer En Sint Sophien-kirch begraven Ende en eyne schone tombe verhaven, 1845[regelnummer] Die man noch degelichs dar sijt. De is mich en wilt gelouven nyet, He vare dar en besijs wale, He vindt die woirheit alzü-moel. Ende her Heinrich, sommer mijne ere, 1850[regelnummer] He bleyff keysser ind here. Ende Magriete, die jonffrouwe, Die Echites bleyff getrouwen, bleyff coningenne al yr leven.	margenoot+ Fol. 126a. margenoot+ Fol. 126b. margenoot+ Fol. 126c. margenoot+ Fol. 126d. margenoot+ Fol. 127a. margenoot+ Fol. 128a. margenoot+ Fol. 128b. margenoot+ Fol. 128c. margenoot+ Fol. 128d. margenoot+ Fol. 129a. margenoot+ Fol. 129b. margenoot+ Fol 129c. margenoot+ Fol. 129d. margenoot+ Fol. 130a. margenoot+ Fol. 130b. margenoot+ Fol. 130c. margenoot+ Fol. 130d. margenoot+ Fol. 131a. margenoot+ Fol. 131b. margenoot+ Fol. 131c. margenoot+ Fol. 131d. margenoot+ Fol. 132a. margenoot+ Fol. 132b. margenoot+ Fol. 132c. margenoot+ Fol. 132d. margenoot+ Fol. 133a. margenoot+ Fol. 133b. margenoot+ Fol. 133c. margenoot+ Fol. 133d. margenoot+ Fol. 134a. margenoot+ Fol. 134b. margenoot+ Fol. 134c. margenoot+ Fol. 134d. margenoot+ Fol. 135a. margenoot+ Fol. 135b. margenoot+ Fol. 135c. margenoot+ Fol. 135d. margenoot+ Fol. 136a. margenoot+ Fol. 136b. margenoot+ Fol. 136c. margenoot+ Fol. 136d margenoot+ Fol. 137a. margenoot+ Fol. 137b. margenoot+ Fol. 137c. margenoot+ Fol. 137d. margenoot+ Fol. 138a. margenoot+ Fol. 138b margenoot+ Fol. 138c. margenoot+ Fol. 138d. margenoot+ Fol. 139a. margenoot+ Fol. 139b. margenoot+ Fol. 139c. margenoot+ Fol. 139d. margenoot+ Fol. 140a. margenoot+ Fol. 140b. margenoot+ Fol. 140c. margenoot+ Fol. 140d. margenoot+ Fol. 141a. margenoot+ Fol. 141b. margenoot+ Fol. 141c. margenoot+ Fol. 141d. margenoot+ Fol. 142a. margenoot+ Fol. 142b. margenoot+ Fol. 142c. margenoot+ Fol. 142d. margenoot+ Fol. 143a. margenoot+ Fol. 143b. margenoot+ Fol. 143c. margenoot+ Fol. 143d. margenoot+ Fol. 144a. margenoot+ Fol. 144b. margenoot+ Fol. 144c. margenoot+ Fol. 144d. margenoot+ Fol. 145a. margenoot+ Fol. 145b. margenoot+ Fol. 145c. margenoot+ Fol. 145d. margenoot+ Fol. 146a. margenoot+ Fol. 146b. margenoot+ Fol. 146c. margenoot+ Fol. 146d. margenoot+ Fol. 147a. margenoot+ Fol. 147b.

Vorige Volgende

Roman van Heinric en Margriete van Limborch

[Boek XI]

Over dit hoofdstuk/artikel

landen