Ghedicht Ter eeren den Eer-weerden, Hoogh-geleerden, ende
Wijt-beroemden D. Philips van Lansberge, des selffs Bouck van 't
ghebruyck des Astronomischen ende Geometrischen Qvadrants.
VErnuftich menschen breyn, by Godes hant gheschapen
Niet om, ghelijck een svvijn, hier eeckels op te raapen;
Maer hooger van bedrijf, en beter dinghen vveert,
Verheff dijn elen geest; vvat hangdy naer der eert?
5[regelnummer]
Het onbesuysde vee gaet met den hals gheboghen,
Gaet vvroeten in het slick. Ghy, hooger op-getoghen,
Siet voor u reghel-recht, siet voor u ooghen staen
Des daeghs de gulde Son, des nachts de zilvre Maen.
Het sorghelijcke gout, een vvens van alle volcken,
10[regelnummer]
Schuylt verre van het licht in onder-aertsche kolcken
| |
Met schrick en slick bedeckt, versegelt in de
nacht,
VVaer onder menich mensch van ramp en damp versmacht.
De Son in teghen-deel, en al de groote lichten
Doen haren vasten loop, recht boven ons ghesichten;
15[regelnummer]
Daer vvert des menschen geest van Gode toe gheverght,
Devvijl hy 't een ontdeckt en 't ander ons verberght.
Ghy siet van alle cant, ghy siet den Hemel open,
Dat is u rechte vvit, daer zijdy toe gheropen;
VVant soo ghy door de cunst dit vvonder cont verstaen,
20[regelnummer]
Ghy sult, met grooter lust, tot uvven Schepper gaen.
VVel aen dan, edel Dier, van hoogher geest ghedreven,
Ghebruyckt dit hant-ghetuych in desen bouck beschreven,
En als ghy metter daet de vruchten hebt ghesmaeckt,
Gheef prijs, soo't u betaemt, aen die het heeft ghemaeckt.
25[regelnummer]
LANSBERGE, diep verstant,
Hipparche deser eeuvven,
O licht van onse cust, en Thales van de Zeeuvven,
Die met een hooghen geest tot aen de sterren rijst,
En God hier in sijn vvoort, en in den hemel vvijst:
Die door dit eyghen tuych cont op het nauste vveten
30[regelnummer]
Hoe dat, en Son, en Maen, en 't Aertrijck is te meten,
Soo dat door u vernuft een yder lichaem staet
Beschreven na de cunst juyst op sijn eyghen maet.
LANSBERGE, vveerde vrient, die met
een soet vermaken
Ons van der aerden leyt, en doet den hemel raken,
35[regelnummer]
Men prijs' off laeck u vverck, men spreeck' off svvijghe
stil,
Men acht' u cloucke vont ghelijck de Fame vvil,
Ghy dient, hoe dattet gae, van my te zijn ghepresen;
VVant na ghy dijne cunst en gunst my hebt bevvesen,
Soo voel ick metter daet dat ick des Heeren vverck
40[regelnummer]
Met gants een ander oogh, als eerst-mael, over-merck:
| |
Auteursrechtelijk beschermd