Zeeuwsche Nachtegael en bijgevoegd Tafereel van sinne-mal


Lied aen N.P.S. Vrouvve-slagher. ICk vvierd onlangs van u ghevvaer Een vreemde maer Die my voorvvaer den gheest besvvaert, Ick vvenschte, vriend, dat dit vervvijt 5[regelnummer] Ontstont uyt nijt, En niet uyt uvven stueren aert. Is dan alreets u nieuvve trou Niet als berou,
[pagina 79]
Alsoo u vrou ons doet verstaen? 10[regelnummer] Is al u vreucht en tijt-verdrijf Niet als ghekijf? Soo is vvijf daer qualick aen. Ghy gaeft vvel eer u rechter-hant Haer tot een pant 15[regelnummer] Van soet verbant en vaste min; Hoe kondy met de selve dan, O salich man, Soo deerlick grieven u vriendin? De vvanghen van u vveder-paer 20[regelnummer] En zijn voorvvaer Voor uvve vuysten niet ghemaeckt, Dat purper-root is al te teer, En dient veel eer Met sachte lipkens aen-geraeckt. 25[regelnummer] Wie doch, vvie isser soo vervvoet, Die hinder doet Sijn vlees, sijn bloet, sijn eygen lijf? Ghy man en vrouvve met u tvveen En zijt maer een, 30[regelnummer] Waer toe dan slagen off ghekijf? Van al dat over al gheschiet, En isser niet Dat soo onsoet en leelick staet, Als dat een man 35[regelnummer] Een rechte Jan, Wt grammen moet sijn vrouvve slaet.
[pagina 80]
Ghebruyckt, ick bids, u rechter erm Tot schut en scherm Van u vveerde bed-ghenoot, 40[regelnummer] Of vvel om-helst u lief juvveel, V eenich deel, Hier voucht noch slach, noch harde stoot.