Zeeuwsche Nachtegael en bijgevoegd Tafereel van sinne-mal

Hier tegens antwoort Ioffr. Roemers als volght.

DE min, die vleesch en bloet verteert,
Die heb ick lang van my ghevveert;
Een anders luck my niet en vvroecht,
Want my het mijne vvel ghenoecht.
Nae hooghe staet ick niet en tracht,
Noch ben door laecheyt niet veracht.
Ick slaep gherust de nachten lanck.
Ick nut met smaeck mijn spijs en dranck:
Vervvondert u dan daer niet van
Dat ick vvat meer vveech, als een man
Die staech met sorghen is belaen,
Alleen niet hoe't sijn huys mach gaen,
Maer die de lasten van 'tghemeen
Noch boven dien torst op de leen.
A.R.V.