Zeeuwsche Nachtegael en bijgevoegd Tafereel van sinne-mal

Welcom-gedicht aen de Eer en Achtbare, Deucht en Konst-rijcke ionck-vrovwAnna Roemers, In Zeelandt comende.

ICk vinde my beweecht, ick voel in my een drijven,
Om u, seer weerde Maecht, een groete toe te schrijven,
Van wiens gheleert verstant de gansche weerelt waecht,
En wiens beroemden lof de Faem al-omme draecht:
'k En hadde noch u comst ter deghe nau vernomen,
Of ick en wiert terstont met yver in-ghenomen,
Om u te doen een groet door mijne slechte kunst,
Door mijn gering gedicht, niet weerdich uwe gunst;
Doch evenwel nochtans, ô weertste Maecht van allen,
Soo neemt ten besten aen, en laet u wel ghevallen

[p. 48]

 

Dat ick, op uwe comst, u welcom heeten mach,

 

U wenschen veel gheluck, u bieden goeden dach;

 

Ick heet u wellecom, ô bloeme deser eeuwen,

 

O kroone van ons lant, die nu besoeckt de Zeeuwen,

15

O ciersel onses tijts, ick heet u wellecom,

 

Ick prijs u groote deucht, ick gheef u eer en rom:

 

Int corte, weerde Maecht, wat wil ick langer breken

 

Met woorden u ghedult? wat sal ick vorder spreken

 

Tot ciering uwes naems? ach! mijn verdwaelde sin

20

En weert aen uwen lof noch eynde noch begin;

 

En wat voor eer en prijs can ick u voren legghen?

 

Ick! dien u maer en ken alleen van hooren segghen?

 

Want vraeghje wie dat doch u dese groete brengt,

 

Het is een ronde Zeeuw dies' u, ter liefde, schenckt.

 

 

25

IS dees groete kleen van weerden,

 

Wiltse niet te min aen-veerden,

 

En ontfaen met sulcken hert

 

Alss' u toe-ghesonden wert;

 

Want het is uyt enckel gunste

30

Soo tot u als totte kunste:

 

Dies 'tgenegen hert aen-siet,

 

Al en deucht de kunste niet.

 

Mijn gheluck, Is in Druck.

 

I. ROGIERS.