Watapana. Jaargang 3

(1970-1971)– [tijdschrift] Watapana– rechtenstatus



[pagina 10]
Oracion di un limosnero Danki, Tata Todo-poderoso pa e pan bieuw-seco di tur dia cu mi ta haja den barinan di sushi y e frutanan putri cu ta smaak dushi Danki, Tata Todo-poderoso cu bo ta duna otro asina hopi, bendicion na gran cantidad pa nan por tira pami loke nan resta Danki, Tata Todo-poderoso cu tin un auto bieuw tras di santana pa ora 'nochi sera y den tempestad mi tambe tin un cas cu un dak Danki, Tata Todo-poderoso cu mi yiunan a muri di hamber asina mi no tende nan yora mas ora mi bolbe man bashi na ‘cas’ Danki, Tata Todo-poderoso cu tin flor na mondi y den sabana asina mi por pone den tristo memoria anglo bibo riba graf di mi senjora Danki, Tata Todo-poderoso pa e pianan cu bo a dunami asina mi por camria sclama y roga pa amor di Dios dunami un limosna Danki, Tata Todo-poderoso cu un dia mi tambe lo muri pa mi no sigui pidi'molestia esnan cu Bo ta duna bondad RICARDO ENGELEN